泊左錶位坐係部車到俾人鬧霸住個位

我岩岩泊低部車個時間係20:03-20:04 左右 錶位寫到明2000 之後係唔洗入錶 咁我今日揸左成日車攰到仆街 唔想郁住坐係車㩒一陣電話。

無啦啦有個男人停左部車係面前落車拍一拍我窗 幾兇語氣咁問："喂 師傅 你走唔走？ " 我就答唔走 之後等過多5-10分鐘

應該係個部車既司機個老婆就企左係我部車隔離指桑罵槐咁係到大聲講" 禁電話就行開一邊講電話啦" "係到霸住哂個錶位 又唔入錶 你係有入錶我就冇哂講啦" 不停repeat.

我聽到就呆撚左 我放低個窗 忍唔住講左句" 喂 小姐 你咁搞笑既 過左8點唔洗入錶嫁啦 我係到訓埋都得關唔關你事 我點解一定讓你" 跟住兩公婆就發哂癲咁行埋黎"師傅 有咩咁搞笑啊 你霸住個錶位係到唔走 又係到㩒電話又唔入錶 你好唔好意思啊 仲話我搞笑？ 大家都係揸車 唔洗咁無恥下嘛？" 我聽到呢到我就笑左 之後互罵左一陣 隔離有人走 佢就泊左車 就走左。

我就係到心諗 乜用錶位 過左要收費既時間 我坐係部車 打飛機都得啦 關唔關你事 我霸住個錶位？ 即係泊完車 一定要即係離開部車 唔可以留係部車到既？ 我有做錯野？

你喺度大到我冇用

肥絲

冇大任何人 我都想繼續同個兩夫婦嘈 奈何佢地一見有位就走左 估係趕住去食飯個d有少少可惜。

過番去問佢走唔走

佢泊左車之後
你過去提佢入錶呀嗎

btw 有cam 有片有真相

其實由頭到尾我都冇動氣既 都揸左咁耐車 咩癲既人都遇過 不過真係第一次係免費泊車時間坐係部車到俾人鬧霸住錶位姐

要強調 已經過左收費時間 我費事有人睇唔到俾人誤會 如果係日頭 我唔入錶又坐左係到 我抵死 俾你任鬧都得

咁佢泊完有冇入錶呀?

前幾日fb都見到類似 不過個個van司機係泊係到食飯都比人屌食飯行遠啲

唔清楚

我係貨van私家車兩隻都有揸 都有租車位 不過今日揸到好攰 唔想番去換番私家車住 坐係到抖 其實有入錶我估佢都照鬧 唔明有乜野好鬧 有俾錢 我泊左 做d乜關你咩事 好癲線

《道路交通(泊車)規例》
(第374章第12條)
第IV部
停車場
25.與停車場有關的罪行
(2)任何人在停車場內不得 ——
(b)在他曾乘坐的汽車已經停泊後，未有在合理切實可行範圍內盡快離開停車場；

https://www.elegislation.gov.hk/hk/cap374C!zh-Hant-HK?xpid=ID_1438403122134_002

不過
泊車位 (parking space)指在泊車處內用綫條或其他記號顯示以容納一部車輛的車位；
泊車處 (parking place)指由署長按照第5條指定為可以停泊車輛的地方；
停車場 (car park)指署長按照第14條指定為停車場的地方；

根據 第III部 停車收費錶及憑票泊車機，就無 25.(2)(b) 類似條文，所以坐喺錶位車篤手機應該無問題，但坐喺停車場車篤手機就唔得

有時我都會入錶泊係車到食飯 有d咩問題 真心唔明 即係合法泊錶位 泊完入錶一定要離開既 留係到唔讓俾人就係霸住？ 係咪有潛規則我唔識野？ 第一次咁俾人鬧

俾錢泊停車場都唔可以坐裡面？點解會有啲咁既例

好出奇?

私人車位係車恰下都唔得?

「禁電話就行開一邊講電話啦」
我係你就落車講電話 鎖埋車 走開 睇佢做得啲乜

其實係㩒電話 佢係企係你隔離癲左咁鬧 勁大聲 好似殺左佢老母咁

無錯但無品。

唔怪得香港人咩都要用規矩去限死先運作到

其實你係無錯
但點解唔考慮下去唔阻人既地方停底呢？
靜靜地又唔洗同人嘈

點解泊錶位會阻到人

睇埋
(c)在看顧人合法命令他離開後，仍停留在停車場內；
(d)在看顧人提出要求時，沒有向看顧人報出他的姓名及地址；
(e)在應看顧人要求報出他的姓名及地址時，報上虛假的姓名或地址或略去其中要項；
似係想避免有人匿係車內監視人哋再準備偷車犯案之類

行遠啲禁電話？ok
熄匙鎖車，企埋一邊禁俾佢地睇

資源有限 係無違規情況下做 點解會係無品呢？
唔通無錢泊停車場 吊9人就有品？