前線管制站伙記一般係返3放1，返4放1 返2放1 都有，根據工時長短而定，大致上就5天工作啦。輪班工作，紅日當然就補假，不過就部門就用補鐘方式去補假，一日紅日補返八個鐘俾你。一年17日紅假，就補136個鐘，你有需要就扣返D鐘黎遲到，早退，放假啦！
所以每個伙記都有一個自己既工時數，我地叫 "鐘"，會不斷更新。
以港豬澳口岸伙記為例，冇分長短更，一更工時8.23，5天工作 = 41.15hr
咁咪返唔夠標準工時44 個鐘? 每個WEEK差2.85個鐘喎！
紅假補左136個鐘丫麻，填返落去補數！ 我地又計計數
52week x 2.85 = 148hr
填晒136個鐘，你仲差部門12個鐘呀！
(當然，有長短更，放大假呢Ｄ因素，所以呢個數唔可以作準) 不過差唔遠。
明白點解更表編唔夠44個鐘俾你未? 就係要你每日返少幾個字工，用紅假填返果幾個字。
咪即係冇紅假放囉！
所以唔好再吹奏IA同IO，呢份係辛苦工，起碼你冇左紅假放先
