點解iphone依家聽寫功能差左咁多？

語音唔係要理解埋前文後理先得嫁咩,
就咁讀兩個字出黎理解成其他我覺得唔算大問題

不嬲都廢
google voice 就正

而加部Xs真係弱過之前
有好多字都默唔到出嚟，舊時6仔快靚正
反而有時發懶音Xs會默正字

字庫好似變小，由期好多貶意詞無左，和諧

+1 以前6同x都非常準
宜家xs廢到

依家真係唔準

我經常見到，明明講果陣佢出到句啱晒嘅，點知一確定果下，佢同我變到成句錯撚晒，試咗幾次都係咁，睇到眼都突埋

以前出咗嗰句就係嗰句，唔會成日變來變去，我諗而家係加多左好多非日常詞彙，令到佢成日出錯

Siri 及聽寫功能
當你使用 Siri 及聽寫功能越久，它們對你的了解就會越深，並越來越好用。為了協助它們辨認你的發音和作出更好的回應，部分資料如你的名字、通訊錄資訊、你所聽的音樂及搜尋項目，都會以加密通訊協定發送到 Apple 伺服器。但 Siri 及聽寫功能並不會把這些資料聯繫上你的 Apple ID，而是透過隨機識別碼聯繫到你的裝置。Apple Watch 會使用你 iPhone 的 Siri 識別碼。任何時候，只要把 Siri 及聽寫功能關掉並重新開啟，你就可以重設識別碼，而你和 Siri 及聽寫功能的關係亦會重新開始。當你關掉 Siri 及聽寫功能，Apple 會刪除聯繫到你的 Siri 識別碼的用戶資料，而學習過程亦會重新開始。
(轉自香港Apple官網-私隱）

以前我都係成句中曬
後來完全唔準

問左人先發現佢update完個ios會自己彈去大陸話
轉番粤語就得

咁多大陸人用，ai學習記晒啲大陸口音

終於有人講呢個問題

「徐晃」「廚房」好易錯？
徐 廚 兩個讀音嚟，而且我讀埋三國演義徐晃俾佢去連合做關聯詞都唔得 真係唔用好過

我以前仲用緊an機嗰時覺得iphone呢個功能好正，有時都會拎朋友嘅iPhone 黎玩
後尾google都出左呢個功能，但係要成句講完佢分析完先出字，而iphone係講一隻字出一隻字

到依家自己用緊iphone，已經完全唔想用呢個功能，好唔準
反而依家google嘅好用啲，一黎佢本身就要分析曬成句先出字，會準確好多，好多廣東話都認到，二黎依家等佢分析嘅時間短左好多