嗰一槍，改變左呢個年輕人嘅一生！
熊仔餅，您可以身體健康，相信係好多香港人最想見到嘅畫面。
今晚熊仔餅想我幫佢做一件事，希望大家可以幫手CLS，俾D力量佢！
自從上次同熊仔餅，健仔食完飯之後，就一路keep住同佢地見面同俾一D實際嘅關愛佢地，例如買湯包呀，請下佢地食飯之類～
本來以為係舉手之勞，點知有一次阿餅（我係咁叫佢）突然間拉我埋一邊，攬住我喊住講，
「 Tommy，我真係好多謝好多謝您對我嘅關心，由12月出院之後，真係得您一個人會用行動去幫助我，關心我。
我依家睇緊嘅心理醫生，都有睇您page，佢今日同我講起您，我即刻大喊左出嚟，我第一次喺佢面前喊。
我一路以為自己唔會有人理，只係準備等判，唔知要坐幾耐嘅一個人，私人提控又撤消左，我好灰！
直至遇到您，我真係好感激您。」
點會得我一個？淨係我呢度，都唔知有幾多手足關心您，錫您，想幫您啦～
不過一個21歲嘅小朋友，中左槍，行過鬼門關，情緒有啲問題，正常的。
究竟佢呢9個月佢經歷緊咩野地獄生活呢？同大家分享下，
出左院之後，佢每月keep住睇心理醫生，脊骨永久傷害，唔可以行得怏，企超過兩個鐘就會好攰好攰，唔飲得甜野，皮膚有濕疹（開始好轉），甩頭髮，最嚴重嘅一樣野係腸黏連，呢個真係好大獲。
每個月都會有幾日極痛，爆冷汗狂嘔，嘔黃膽水，12月因為呢個症狀，入左院留醫5日。到左4月，佢因為想搵小小醫藥費，返part time，點知返工途中突然病發，即場暈左入院，要留院4日，好彩最後無事。
呢個係一個21嘅年輕人應該經歷嘅嘢嗎？
「 我覺得自己好無用，無體力，父母年紀又開始大，之後我可能要坐監，判幾耐我唔知，唔知點照顧佢哋。坐完之後，有無人再記得我，我真係唔敢諗，越諗心情越差！
但不過走到呢一刻，我都係無悔的！
我其實都有D心願，我好想做化妝師，第時可以有自己嘅化妝品牌，同埋我好想揸電單車。」
年輕人就係應該有夢想，但係對熊仔餅嚟講，好似遙不可及😢
一個21歲，本應擁有美好前途嘅年輕人，因為一槍，改變一生！身體變得虛弱，前途充滿問號，最後要面對嘅牢獄之苦究竟係幾多，全部都係未知數。我地忍心要佢一個人面對嗎？
有見及此，有一班有心嘅家長，幫熊仔餅建立左一個熊仔餅樂園計畫。👇🏻
https://www.koalasgarden.com/
大家可以入去買熊仔餅，$2一粒，最少買100粒。買左之後，就會收到熊仔餅本人嘅一張電子心意卡。
喺呢個樂園入面，會將小朋友嘅現在、將來、醫藥費、學費、前途等等，處理得非常周詳。
所以希望咁多位手足幫幫手，大大力去支持呢個計畫，幫手買多D熊仔餅。
講明先，呢個唔係一個眾籌，係一個建設受左槍傷小朋友嘅將來嘅計畫。
講多少少，呢個樂園同時都會幫多一個小朋友，不過好抱歉，嗰個小朋友嘅資訊，真係少少都唔透露得！
希望各手足明白。
好啦，大家快D去買熊仔餅啦！💛💛
熊仔餅嘅page，follow埋啊~
https://www.facebook.com/Koalasmarch_-110629037426028/
場地：後街牛扒
?
