做馬房助理 你問我答

你好彩，恭喜你無入到馬房地獄

會，我冇記錯係14000-15000左右老底，經過幾個月返大陸受訓，可能有機會出倉，入倉先會有獎金，如果你做冇咩馬贏馬房咪平均5-7千左右，一句講曬人工低，工時長，危險加辛苦

興趣係邊？你對執屎有興趣

我唔太鍾意對人，又幾鍾意動物，馬會又好似幾穩定，執屎我諗都ok掛

講真，真心中意動物祈唔好入行，呢行擺明虐待動物，同樣虐待自己，同埋穩定有鬼用咩，人工低工時長又危險，一星期6日，放嗰日假等於半日，如果跑夜馬直頭唔駛瞓，份工直接係斷六親

我而家人工低返緊7日

你本身做邊行先？有冇仔女？

返2份工，邊行廢事自爆，無仔女

冇仔女，咁你住邊？近唔近火炭？

住九龍，算遠定近？

你諗下零晨3-4點開工，你有冇車返工先？係火炭馬場唔係沙田，你唔好諗住遲到喎，馬房會投訴你收警告信，你唔好諗住放病假，你預左病唔到瞓係醫院都返工啦，不過你瞓醫院之後咪趕你出倉

咁交通方面好似比較係問題添
如果高燒都唔請得假又有啲尷尬

零晨交通唔講得笑，平時1個鐘返到，你預1個半鐘，因為轉車，加埋紅van等齊人先開車

冇人會信你病，只會覺得你扮病，因為你病咗管理層要分配過orders，手足要做埋你嗰份，你放病假即係麻煩份子，如果你唔好彩放假之前嗰日先病咁你仲大鑊，會覺得你自製孖days，咁到時馬房唔知點攪你

跑快活谷夜馬時
騎師/練馬師/馬伕通常坐咩交通工具由沙田去跑馬地？
跑完夜馬，隻馬返去沙田先沖涼，定跑馬地沖完至走？
係咪夜馬後，馬會全部送返沙田，無得係跑馬地過夜？

騎師，練馬師自己揸車，馬伕如果下午車就坐馬車同隻馬一齊去，如果上午車下午要返工就收工之後坐公司車，跑馬地有得沖，但駛唔駛返馬房沖多次就睇個別馬房安排，有啲馬房仲會要你沖涼行街做其他嘢，全部馬必定返沙田，馬伕就算你住跑馬地都一定要跟馬返沙田

樓主話返 0400-0930 1400-1600
咁夜晚d馬係有人用cctv睇住？
唔係ge話馬仔突然病發咪冇人知

用馬房助理知識
如果而家叫你去拍賣會幫手揀靚馬有冇幫助

以前有畀錢人夜晚睇馬房，不過取消咗之後變咗7合1有人會夜晚巡間，係鐵閘外面望下花房入面，但發生咩事就冇人知，馬格係冇CCTV，除咗檢疫馬房

少少，不過你覺得就咁睇個樣睇到啲乜？

你做開5日正常工，平時放開兩日假而家走去返6日，放半日？仲要開零晨，上下場，又危險，你頂唔頂得順？你要錢不如走去做地盤、揸車好過啦！

你住大埔應該有紅van經馬場

馬王輝佢唔係都係咁睇返黎？ 再加埋血統

請問M高級定係S高級？

點解係放半日?要做幾耐先唔會得人工14,15k?上到30,40k?
放工or放假可唔可以留o係公司休息(因為未有宿舍),如果可以的話有冇房or床提供?