地點:貴州貴陽世紀城/花果園,南昌力高國際城
1. 自我介紹
尊敬優秀的貴陽經理,而及各位優秀的家人們,大家早上總好。我是自願連鎖經營簡稱1040,來自南昌,推薦人是共產黨。今天能夠站在這裡,首先要感謝國家,引進項目搭建平台。感謝我父母的養育之恩。感謝推薦人傳遞他三分之一訊息,再感謝在坐與不在坐的家人們對我及本家庭的無私付出與幫助,也非常感謝貴陽經理在百忙中抽空一班寶貴時間舉辦今天的培訓/羊皮卷/經營管理20條。
2. 問與答 (最好睇完先問)
大路問題:
問:咁撚on9點解有人信?
答: 主要係因為香港環境太閪,令一班人另謀出路,而大家都吹奏大陸做生意好而中撚咗伏。
問: 有無錢賺?
答: 其實係同市面上嘅傳銷,資金拆分盤,ICO 嘅結果一樣,最頂層嘅人係可以賺錢,下面嘅人再搵下線越來越難,最後爆煲。你係第一個玩嘅人就有錢賺,但99.9%嘅人都會係輸家。貴陽份額發展出現問題,所以搬咗去南昌做。(當中發生內鬥)
問: 係咪國家做?
答: 唔係
a. 呢個問題純粹係誤導你只要係國家做,你就拎到筆錢,其實係定唔係都無乜意義,因為拎幾多錢係睇你拉幾多人申購,同國家發展毫無關係
b. 老總以共產黨之名,狐假虎威,等你走咗唔敢搞事 (做過老總會明)
問:有無補底工資?
答:無,因為係睇你每個月幾多人申購去發工資,好多老總都無放棄原本份工作。業務員階段會深信有,之後去到經理層面就會知更多,但你下面有人嘅時候,你就退唔到。你就會話為成長改變而留低。
問:點解老總上到去之後唔叫自己下面嘅人走?
答:主要有兩個原因
a. 當你嘅身份證資料、合同、銀行户口、相、申購關係都掌握係人地手中,你基本上就已經洗濕個頭,返唔到轉頭
b. 你帶黎嘅人放棄咗原本嘅高薪厚職,或負債累累,甚至MPF都拎埋出黎,你無辦法承擔得起個後果。
行業內容問題:
問: 係咪行業個工作流程一直都1-5班加國宏錢生?
答: 唔係,本人去過其他地方睇過,內容同每班時間係完全唔一樣,但目的係希望你聯想到國家會發保底工資比你地,實現你地夢想。
問: 係咪會加大份額?
答: 唔會或視乎你團隊能力,試想一下你團隊嘅人本身藍領多,當你要比69800你都覺得好難拎到出黎嘅時候,請問你身邊有錢過/窮過你嘅朋友會願意比幾十萬相信呢件事嗎?結果可想而知。
問: 點解銀行比你咁用個account 唔比人封嘅?
答: 銀行都要跑數,所以唔會好快就封你account 一般要幾個月甚至年幾兩年嘅時間先做嘢。同埋有申購總管比人cut 咗account 你唔知啦
問: 房地產變更係咩一回事?點解咁大型嘅地盤會做傳銷?
答: 上到國務院批準土地變更嘅事唔難,世紀城起之前主要係要present 得好個土地點樣做到有公益用途就可以批到,其實係大陸地產商好叻嘅技巧黎,香港人撚識大陸嘢咩。
而成個地盤做傳銷嘅人真係唔多,點解你會覺得多係因為你比所謂嘅現象(三三兩兩/行走範圍/工作出外嘅時間) 誤導咗你判斷。
問: 電話卡係咩一回事?唔係要比公安總局登記咩?
答: 當你搜集完自己體系嘅資料後,你會發現用同一個集團號段嘅人其實係唔多,同一個體系得一
百幾十人,佢地嘅集團號頭7位數字都可以已經唔同了。
問: 點解高學歷、高薪金人士會玩?
答: 因為係香港不得志,所謂高薪人士其實都唔係高,吹大成份居多,原本好多警察現在都無玩了,有啲老總甚至無辭職玩,但叫人辭職去玩
問: 有乜價值?(行價)
答: 同你講識到一班好兄弟/姊妹,改變自己,錢唔係最重要,學做生意 當你留得耐,你就發現個個都只係想做投資者,無人會再冒風險去搞生意,留係上面日日打王者榮耀,講人是非 改變自己,改到自視過高,其實一事無成。
問: 朋友中招點算?
答: 好好上一課比人呃嘅旅程,當佢山窮水盡你再出現係佢生命中幫佢,佢就會醒悟。
內鬥傳達資料:
歡迎問問題,我再一次過回覆。