其實師太呢單是非,對我哋呢啲「聽歌路人」嚟講,都係一個機會去認識多少少「流行樂壇」有幾難撈;早兩版度提起張敬軒個case,就係同呢樣嘢有關。而同時亦反映出,呢單嘢對師太嚟講,應該真係嬲爆同非常傷心。
Pop都係音樂,都係藝術,總會有啲食呢口飯嘅人會有「要求」,肯出錢出力去搞。做studio,係其中一個方法/例子。之前提到,軒仔若干年前花$50M (即係70億won左右)搞個場,就係出晒名嘅事例:個場響廣州,單冧把地段獨立屋,設備一流,做埋住宿,重曾經有鬼佬音樂雜誌採訪,重選做當時「全球十大最佳錄音studio」之一。而講緊嗰$50M,只係裝修同設備嘅錢,未計買入物業本身個價。後來過得三幾年,廣州個場畀人收地,軒仔就返香港買咗以前梅姐、Leslie用開響佐敦個場—樓上錄音室嚟,買入價$20M,傳聞執整又再用$10M。拎嚟對比師太個場,大家應該好易就有個印象係咩情況:佢個場,係接近軒仔以前響廣州個full-set大場。
至於師太個場裝修、設備質素係點?唔肯定,但睇Kakao提供嘅相可見,唔少地方係整晒正式錄音格局同裝備。呢啲嘢,就算只係劣質hea整,都唔少嘢:香港嘅大會堂、文化中心,長年畀人屌到爆廠,但嗰啲隔音、特製牆之類,鳩流流都花好多錢。以前去過上海音樂學院參觀,導賞嗰陣聽過介紹,大約都知整同maintain呢啲嘢有幾花錢。籠統又盲估咁講,當佢質素得軒仔一半,再計埋物價差距,當佢個裝修同設備只係用軒仔廣州場三成咁嘅錢,都要$15M,即係20億won開外。堆埋上去個物業買入價,升值到宜家根本都只係僅僅打個和—都未計,花呢個本整個場重特意改埋個名,好明顯就係至少會用好一輪,帳面價賺定蝕根本irrelevant。
但就係,無是生非嘅人,有心定無意都好,完全唔諗呢啲,將壇「利己利人」嘅嘢講成咁。如果係東亞區第啲地方,好似香港咁,有當下pop music紅人咁做,個個當係黃大仙咁拜都嚟唔切。偏偏師太又咁黑仔,咁都畀人拎嚟唱,哀哉。