其實人生根本係一層又一層嘅謊言

由小學開始，老師就開始兇鳩你話記缺點會對未來有好大影響
讀緊中學果陣，師長話努力讀書考到入大學就可以日日玩
辛苦入到大學之後，讀書刷GPA之餘仲要搏命刷CV做實習，因為個個都話到時入到份高薪厚職就可以呼風喚雨
點知就算你畢業做到專業人士，你都只不過係一個要攬曬所有屎黎做嘅低層。你個老闆會同你講：拿，你日日爆肝OT係有回報嘅，捱兩三年之後升職，到時咩福利都有你嘆
勞勞役役三年後，你發覺老闆根本無諗過升你職，人工加得雞碎咁多之餘，其他福利反而cut q埋。好唔忿氣嘅你聽到同事話，阿Tom係間公司做5年之後成功跳槽入到去in-house，可以日日點鳩外面嘅人做野，幾撚爽皮
你憑住呢個信念捱到有5年經驗，如願以償跳槽入到去in-house。點知你發覺間公司一樣要OT到凌晨，人工升幅都係追唔到物價，因為香港老闆根本大部分都係刻薄吸血鬼黎。As long as你仲係香港呢個圈子到，你就永遠係要被壓逼果個。

有晚，你如常OT到凌晨先返到屋企，沖完涼之後臨訓打開facebook望下
你見到中學果個成日比老師鬧死蠢，入唔到大學嘅Johnny仔post左張好靚嘅日本風景相。
Johnny仔中學畢業就去日本一間拉麵店做學徒，日日準時開工收工，個日本老闆都好均真地將一切所識用心教Johnny仔。幾年之後，Johnny仔跟師傅返去日本總店做野，靠工作簽證拎埋永住權。雖然人工唔高，但而家有一棟自己嘅獨立屋，兩架車，同老婆恩恩愛愛咁生活落去，weekend都可以揸車去趟road trip。
你不禁反問自己，明明你聽曬師長所講，付出比其他人更多嘅努力，拎住份叫做OK嘅人工。點解你嘅生活質素依然每況越下，甚至要比Johnny仔漸漸拋離？
呢一晚你突然領悟到，香港根本係個超巨型奴隸社會。上層嘅人呃鳩中層人，中層人再呃鳩下層人，誘導班奴隸繼續係香港賣命，為班上層嘅人做狗。
殺人放火金腰帶，修橋補路無屍骸。
係香港做野嘅人生，根本只係一層又一層嘅謊言。

好心你勤力D,唔好咁懶啦

香港做野學歷只不過係入場劵,識人多,識玩手段先至有用 奈何我乜都無

屌好似講緊自己個人生咁
巴打又係legal?

(廁所透氣中)

因為你無用腦獨立地思考同為自己打算 剩係識聽人點
順便可以賴埋環境造成自己咁

我沒有說謊 我何必說謊
妳知道的 我缺點之一就是很健忘
我哪有說謊
是很感謝今晚的相伴 但我竟然有些不習慣

諗咁多做咩啊
做嘢啦仆街

係
屋企成日話細個唔讀書
大左做乞衣
結果會考得554444
迫住去外國讀書
讀完番來屋企比左層樓我
依家日日噤股票渡日
慘

但你諗深一層
你無讀書
將來都難出走香港

同路人
公司有個同事次次都忍尿忍到最後一刻先去廁所
每次都聽到佢d痾尿聲勁大力，我遲過佢入去痾，我痾完洗埋手走佢都未痾完，成日都覺得佢咁樣好慘

AS十幾萬ok啦， 好過好多人。 係灰啲同辛苦啲姐

香港特騙行政區

我就咁睇
勤勤力力 規規矩矩 按步就班
呢條真係一條路
好多前行已經行通左
問題係 條路真係太平 目標太明確
結果就係好多人都會行呢條路
亦因為咁 供求失衡情況下
就有無良老細諗縮數
反正你唔做 大把人做

相反 人地做拉麵
有幾多人願意放棄白領工作
走入廚房做野
就算係入左廚房做野 其實都係睇錢份上
有幾多人真係努力去做
就算俾你過到日本去學整麵
你估付出既 真係少咩

所以俗語有云
"欲無後悔須修己 各有前因莫羨人"

日本輕鬆d ? 真心？