我今年3月尾去左,真係小心黑的,我係伊爾庫茨克就中左一次,上車前問左價錢先,唔好去到先任佢講,好彩我地4個男仔同佢講價。我地初頭以為有錶按路程收費,如果經酒店叫的就應該明碼實價。街頭截的就自求多福
另外MTS電話卡係好平,一百蚊左右,上網都好快。不過奧利洪島Local Tour就好多地方收唔到,始終太荒蕪。
提一提胡日爾你除左自己酒店解決三餐之外,真係無乜餐廳比你食,就算有都唔好食,始終太原始無咩人。
同埋係胡日爾好多流浪狗會跟住你,但唔洗驚,有好多大狗會跟住你仲會露肚出黎比你摸,好狗👍🏻
仲會好似保鏢咁如果有惡狗衝埋黎幫你兇走佢
行出去冰湖時仲跑出去同你玩,最後我地攬住啲狗一齊影相,總之啲狗就好Nice