連續..喺法國兩個週末爆發嘅黃背心示威運動， 終於取得成果。
法國總統馬克龍呢 就喺 法國當地時間 ， 就星期一晚 ， 即係我哋香港半夜嘅時間 ， 就喺黃金時段作全國廣播。
馬克龍點講呢？
佢就話我哋希望嘅法國 係大家可以透過工作過著有尊嚴嘅生活 ，但係喺呢方面我哋嘅進展太慢喇 。 嗱， 佢答應咗明年 ，其實明年即係下個月咋下， 2019年1月開始 調高最低工資 ，另外取消退休金嘅加稅計劃。
法國人呢兩星期嘅黃背心示威， 挑戰咗管治者嘅權威 ， 導致法國陷入咗近年最嚴重嘅動盪 。如果用葛珮帆式嘅思維呢， 咁佢哋當然犯法啦，係嘛 ？ 同警察衝突啦 ，甚至打鬥啦， 呀， 我哋電視新聞畫面見到嘅一片混亂啦，打鬥啦 ，呀，燒車啦，係嘛 ？
但係最後 ，人民勝利咗。
人民嘅聲音最終都傳入到總統府。 總統經過， 呀， 佢嘅內閣 ， 佢嘅智囊考慮， 終於答應咗人民嘅訴求 。
呢個係我覺得呢單新聞有意義嘅地方 ，就係話同樣嘅情況發生喺香港， 但係， 我哋呢啲， 呀， 參與， 呀， 公民抗命嘅朋友 ，依家就喺法院受審 ，今日晏晝係休庭嘅， 吓。
