今日去睇私家門診的時候我話眼乾,個醫生就話幫我睇吓隻眼。
先唔講一開始佢探熱已經搭晒隻手上黎仲哄到好埋,佢話同我睇隻眼,就拎咗枝細細枝的儀器出黎,長度大概8cm,全枝黑色的,下身係用黎拎住嘅部份,上身睇唔清楚,淨係見到可以射啲光出黎,啲光打落枱面會呈現一個直徑大概3毫米的的圓形。
枝野射出黎枝光有得揀唔同顏色,個醫生揀咗橙黃色嘅光就成個人哄咗埋黎照 因為佢哄得太埋,根本睇唔到佢係咪真係照緊我隻眼
當時佢哄到差唔多嘴對嘴咁近到啲呼吸打落我個鼻度, 一左一右大概hold咗差唔多兩分鐘,當時真係好驚唔敢郁,出到診所先敢喊。
有無醫生護士或者巴打試過睇醫生睇隻眼,係咪真係需要哄到咁埋?如果係嘅我個心會好過啲