[Uaena] IU 討論區 (26) -感謝知恩帶給我們美好回憶

果幾年出道既solo歌手好似真係得返IU係最後生還者
一係就團隊走出黎既假solo出道

大約1700蚊一位

好彩佢同埋佢公司都無放棄

娘娘係一個奇蹟 十年啲歌都係咁正

唔計solo歌手，同期的組合好多都消失曬啦.....

金東律攜手 IU 唱出雋永〈童話〉　幕後原來有段感人故事？
https://www.koreastardaily.com/tc/news/112068?fbclid=IwAR1bnBFNoUWcqlDVCau4-jxKgjom8R8g1Gm0fTtyUwZnKiflRZVCJyXtY9A

事實上係越來越正

娘娘真係捱左好多先走到呢一步
可以睇到佢去到呢個成就同高度
真係好感動

係…以前追開嗰啲團已經潛曬水甚至解散埋
得返娘娘
好驚有一日連娘娘都潛水

呢樣真；女子嚟計，同佢咁上下時候嘅團／組合基本上都無晒，得返半隊少時，同埋Davichi；SOLO又有名氣嘅，好似真係一個都無，打矛波只計「韓國出道」就得Younha (2007；但2004已經響日本出道)...

我以前都係SONE 我恩得一個人仲依然屹立不倒真係唔簡單

棉花糖好撚正喎 以前有排成日聽

3:50
Nanbee痴漢發現

其實對返當時年齡唱Boo同棉花糖呢啲都好正路，宜家就當然窄啲啦...


當年出道Lost Child，其實某程度上係叫好唔叫座；樂評界同前輩歌手之間評價唔錯，只係大眾市場sell唔出。可能就係好在咁樣「死唔晒」，公司先無失信心，改少少路線就再博過，結果六穿六十三，過關成功 (Boo有一位候補，跟手有《善德女王》OST、棉花糖，人氣keep住上，再嚟Nagging響電視榜開齋，跟住Good Day，the rest is history)。公司同個人撞正夾得啱，成件事應該無咩機會複製到~

都唔係，而家濟洲谷旅遊業，交通算整得好過以前好多
你dl個地圖app點對點教埋你搭車，又有每個站既中文或者拼音
你對返巴士上面個mon 到站禁鐘落車好簡單
早2個星期先去完濟洲全程坐巴士無難度

我係呢三四年先入門Kpop，已經見到啲cycle越轉越快，直頭好似開快鏡咁，有種重悲涼過香港樂壇嘅感覺...

所以女神企得住。我覺得真係天時地利人和。當時剛好搵返條路線開返個好頭。之後集到人氣就開始試唔同曲風。最後加上人品嘅關係。各樣配合先成就到今日嘅iu。唔好話韓國。睇返女神呢種人品嘅歌手。真係去到四大天王個期先見到。

快又好濫
一年9萬幾隊debut，紅得幾隊，每隊玩幾年又收皮無限loop
三，四代團同一，二代團比 個存活cycle真係快咗好多
所以專心追iu好過

我應該係其中一個

一開波好有heart買左本書晚晚睇 背左啲字母發音同一堆生字
慢慢開始跟到啲韓文歌詞 可以唱下IU啲歌黎自high下
同埋間中會睇得明一啲外來詞
但之後睇到啲文法位就冇心機睇落去

總結都仲係冇學到啲咩 希望遲啲有時間可以認真上堂學

師太呢種，就好似將醫神嘅性格／諗法壓制再煉化做歌，然後加牛華嘅識撈／fan service，贏得好有道理...
有種好難簡明扼要咁講到嘅感覺：真正單頭撐起半邊天嘅「天王」級歌星，響東亞區應該會好快絕跡：宜家我哋見到嘅，日韓台港，不論老嫩，都係最後一代。師太就係南韓嘅代表之一...

呢樣真，自從男團女團彈起之後，都殺左好多真係唱得既solo歌手
打開個音樂節目，十首歌有9首都係偶像團既口水歌，洗腦歌
歌詞無意義都算，唱live又出曬事，一係就賣色情

Kpop黎講，我真係只係追snsd同IU，有時會聽下某一兩隻好聽既歌但唔會追個歌手e.g davichi, ailee, boa, f(x)
由出道初期活動係去中學表演，慢慢睇住佢地爬到上去全世界都識，上埋美國節目，真係叫做可以影響韓國，見到自己追既偶像可以爬到咁高會真心為佢開心。

早排諗返轉頭，我都算好彩，snsd同iu都叫做紅到可以世界周圍開show，就算香港開唔成，都大把機會飛去第二度睇。係下面果班明明有實力但紅唔起or半紅不黑既歌手可能連演唱會都無機會開，佢地既fans會係咩心情

其實我見韓國都有好多好歌手。但真係做到女神咁friendly就無出其右。始終要滿足大眾意願其實係不足為外人道。下下都開聖人mode有求必應真係會害死自己。所以好多歌手寧願做cindy都唔做friendly。最大問題係媒體。而女神係好人到媒體都叫行家收聲唔好搞佢(啱啱知拍拖個陣)。唔會話最後一代嘅。世界總有人會不顧一切去犧牲自己為大眾。我只係希望女神唔好咁辛苦者。依家潛下水爽完先繼續嘅pattern其實唔錯呀

其實所謂半紅不黑真係睇入唔入屋only。只係女神剛好有樣又努力又有啲天份。你諗下當年出道佢都係俾人鬧架啦。有啲都係歷煉同俾人mean出黎