依家香港人滿為患，夜晚九點半搭地鐵都仲要迫；一旦打仗，就算唔係交戰區，糧食供應出事都大檸樂
。我地好似被圈養嘅豬，主人一旦有事，我只能喺豬欄等死。
評估吓香港社會各方面，覺得只要一亂就聽仆街：
1. 市民冇乜道德。舊香港人都出名市儈，唯利是圖；新香港人，多數大陸農村落嚟。呢種人喺古代，就係李自成、張獻忠、洪秀全之流，冇咩遠見抱負，但求有得食，有得屌。進入亂世，佢地就會歸位現形。偏偏呢類人佔香港人口極多，情況之險峻可想而知。
2. 社區網絡鬆散，欠缺地方組織。人人都係游離份子，唔識同人溝通合作。
3. 市民做慣打工仔（白領同服務業為主），冇求生技能，唔識應變；亦冇魄力做指揮決策，習慣縮喺人後面，坐以待斃。
4. 多數人住喺高樓。但如果冇食水供應，就焗住要落返地面。到時街上一大堆難民。
你可以話我危言聳聽，但我就係要危言聳聽；因為我覺得亂世真係越來越近
。我唔想宣揚失敗主義，我呼籲大家集思廣益，認真諗下日常制度崩潰（冇法律、冇貨幣經濟）之後，我地如何生存。（有得移民嘅，可以quit post了
）【解決方法】
越有錢嘅人，越多方法，不過相信到時佢地已經著晒草。佢地亦都未必肯救濟其他人。
不過，小市民都有小市民嘅求生法。出街搶劫商舖，只能解決一時之需，到物資飲晒食晒，都係等死。要長做長有，我認為只有一條路：團結合作。
具體而言，就係組織鄉勇團練，維持治安，種田生產，初步構思如下：
一、收集區內物資，成立倉庫。
二、放棄高樓住宅（已缺水電煤）。以區內學校或商場為大本營和分部。
三、訂立規矩，例如每人每日，可配給幾多糧水。
四、成立警備隊，看守物資，防止盜賊，亦用於執行法規。
五、（如附近有山）青年人組隊上山尋找糧食同食水。
六、醫護人員有醫療知識，農夫有耕作知識，建築工人有營造知識；喺海外當過兵嘅，有野外求生經驗，亦屬矜貴。呢類人才，一開始就要揀出嚟，派入各隊，老手帶新手，傳播知識。
七、分工合作。成個組織，可能分為醫療隊、貿易隊、警備隊、耕種隊、狩獵隊、宣布隊等等。
八、雖然好殘忍，但寵物，可能係最後糧食。
九、近海嘅，可能要收集海水，蒸餾成食水。
簡言之，就好似荒島求生咁，但又容易啲，起碼一開波已經有一堆物資；最難嘅地方應該係團結大眾，同埋防止分裂。但我相信時勢造英雄，到時邱吉爾、希特拉、毛澤東之類嘅領袖撚，就會出現。
以上係以我自己七千幾人嘅屋苑為思考對象。各區地理環境不盡相同。老實講，住喺九龍、港島附近冇山冇水嗰啲地方，我都唔知點好
。其餘有遺漏嘅地方，希望大家補充。