TL自細跟住好憎佢嘅阿媽生活,至今攞住死鬼老竇部份遺產闖一番事業,命途未算最坎坷嘅!
13年時準備出道做歌手的梁迪斯(原名梁家進,又名梁柏廷),因與一男同志發生肛交後勒索對方 25萬,結果勒索罪成,最終被判入獄 2年。
當年被大字標題寫到「樂壇新秀涉肛交勒索」,出獄後的梁迪斯改名換姓韓梓亮( TL),死心不息再向樂壇發展。週日( 6日)接受訪問:「𠵱家好好彩,可以做番歌手重新出道。」仲大爆與劉公子同囚赤柱的秘聞。
「急住搵錢交租,喺程式上識咗啲人,上咗嚟我屋企。初頭真係無諗過呃佢錢,係佢真係雞姦咗我,咁然後我就諗歪咗,導致俾人告恐嚇勒索。自己真係錯咗。」
現已改名換姓叫韓梓亮的他,係江湖二代,爸爸沙膽雄當年活躍佐敦一帶,更是剛過身的 14K要員鬍鬚勇頭馬之一,惜 12年因病離世。
13年因勒索男同志 25萬而被判入獄 2年 2個月,與母親關係甚差嘅韓梓亮全程冇親人去探過監。
韓梓亮爸爸沙膽雄(右一)曾介紹過唔少藝人前輩畀囝囝識,勒索事件發生後,韓梓亮曾經搵過部份前輩出嚟食飯兼攞意見(網上圖片)