點先可以令聽英文能力進步

唔知各位巴絲同唔同意，香港人普遍寫同讀英文唔叫有大問題
但一去到聽同講就收哂皮，係唔會好似講廣東話咁自然地表達同對答到
你地試過有咩方法令聽同講能力進步，一齊討論下

搵樣你有興趣既野用英文學

呢個真
我由avgle轉左睇pornhub 真係進步好多

呢個試過，自學結他會睇過好多youtube，但唔特別覺有進步，反而只係學識得多咗嗰個field啲terms

直接去外國生活或識個外國人朋友

聽外國收音機，同睇劇（用埋英文字幕睇）
當你聽得明外國收音機講咩，
樓主listening應該無問題

依家嘗試緊係香港都好似係外國生活緊咁，睇外國新聞同youtube多

正想問睇劇開唔開埋英文字幕呢個問題，又想唔依賴字幕但試過唔開字幕，真係聽得明一半
收音機好似幾好，有冇咩台介紹??

我用audible聽有聲書，用原本聽音樂嘅時間嚟聽書，覺得幾有用

聽下podcast/歌

有個app唔洗俾錢添，叫voicetube

Podcast有冇介紹

樓上講個d話聽住英文來練 但發覺呢個方法真係要有d底先開始到 因為一開始真係聽得幾粒字 會好灰
睇劇/電影用英文字幕呢個試過 但好似睇幾次都好難跟到...係咪要重複煲一套野睇到明曬講咩先算成功

其實係你熟悉既範疇,聽講都係無咩問題,但脫離左就好似口啞啞咁。
返工同公司D 鬼佬傾公司野無問題,一去到吹水講其他野就好難暢所欲言

睇波聽旁述

唱英文歌，由兒歌開始唱，好似jingle bells 咁，唔唱都唔知原來bells有s 係尾

睇得多外國既youtube 而家聽英文能力有進步
但都係好廢
求攻略

係。

我當年重覆睇一套電影，由一隻字都唔識，逐隻字查，一路查一路睇，查完重睇，睇完關字幕重睇，聽唔明又開字幕查，查完又試成套重睇。總之loop左套電影十幾次。

重覆做左幾套電影，生字同聽力都突飛猛進，但過程是很痛苦，而你可以做既，就係搵一套你真係好鍾意鍾意既電影黎做，去減輕過程既痛苦。

P.S唔好搵古裝片，唔係查死你

我自己一開始就係睇美劇，雙語字幕
後來慢慢就睇外國youtuber，有雙語就雙語字幕，冇就英文字幕
而家基本上唔需要字幕都明95%
但可惜我淨係得listening得
去考IELTS Listening有8.5其他都淨係6 - 6.5

你嗰陣係咩戲 參考下
有無話咩國家電影好

然後發現聽班球員賽後訪問，都係聽唔明

呢個真，講親生活野都lur哂口

Lebron. Mama. That goes that man.
完