原來要真係接受現實個下係咁痛...

分手個陣話自己唔適合拍拖，好忙冇時間唔想拍拖住。
其實分手前一個月feel到佢同第二條女有啲嘢，但又唔肯定，
咁我諗住尊重佢，又真係信佢學業大壓力唔想拍拖，
所以就算我幾唔捨得幾唔想分手，都被分手咗。
點知分咗手兩個禮拜，就撞到佢拖住第二條女係條街度開開心心咁，
佢學校啲人都話我知佢地一早就有嘢
原來佢所謂嘅唔想拍拖住係唔想再同我拍拖，難怪佢分手咁決絕，電話唔聽面都唔見，一個msg就收我皮。

啱啱先接受咗佢飛咗我嘅事實，
依家又要接受佢係因為有第二個先唔要我，
現實真係好殘酷，要接受個下 真係好痛

樓主加油 去揾過其他值得你付出嘅人或者事啦
果下係好L sad 但係要加油捱住啊

通常做得咁撚決絕都係有第二個

今日佢傷你，等睇佢第日俾人玩次甘既。

我都相信呢個世界係有報應嘅，祝佢幸福囉，睇佢幾時比個條女飛

我真係唔識玩感情sorry

就嚟第三個禮拜，呢條路真係好難捱

應該開心就真，而家趁早分咗手而唔係拍耐咗先知佢係呢種人，到時有幾痛可想而知

我以為自己開post

我同樓主男女調轉，好彩我都係拍咗一年，早走早著
利申：分咗手三個月而家心情好好多

好似我
佢之前仲話咩讀書兼顧唔到愛情 接受唔到long d 又話我性格有幾差啊
我嗰陣已經有第六感覺得佢有第二個 點知原來咁撚準
被分手之後佢好快同第二條女岀街又剩
近排聽人講返原來未分手嗰陣已經日日同條女一齊放學
唔怪得可以咁決絕
其實都係賤 不如早啲直接同我講 等我仲傻下傻下

下個會更好

係啊屌，我同佢唔同校但有fd同佢同校，我fd同我講佢地日日放學都一齊仲要成日都出去玩，然後佢就呃9我話係學校做assignment

朝早返學個人好正常架，但一到夜晚瞓係張床度就瘋狂諗返我同佢個啲回憶，好折磨 真係祝佢同新女幸福然後快啲比人飛

多數夜闌人靜點都好易亂諗野

我就唔信呢個世界有報應
做好自己就夠啦 喊完就要起身架啦

慘 遭

有第三者既都係正仆街

有時朝早起身個下都好難受，拎起部電話但再睇唔到佢send過嚟嘅個句早晨...

成日都諗，係咪我係呢段關係裡面太過卑微，卑微到佢覺得我可有可無，所以遇到第二個有挑戰性嘅女就飛9我...

樓主同佢講有左