民國唔係淨係面對日本入侵,仲有共黨長期搞動亂搞分裂,伺機推翻國民黨,蔣介石亦無考慮堅守南京,將主力全部撤走,留係南京嘅國軍當然無戰意可言,大部分都同平民一樣走難。
新加坡係英國嘅東方直布羅陀,英聯邦近十萬大軍重守新加坡,香港已經失守,馬來半島英澳聯軍亦一路撤退到新加坡,係新加坡嘅英澳大軍幾無士氣可言,加上部署失當,新加坡戰役只係打左7日,英澳八萬幾大軍扯白旗,成為英國對外戰爭嘅最大規模投降。
相對之下,香港因為已被日軍包圍淪陷只係時日問題,英國都只係叫加拿大派兵撐場,新界防線雖然初步成型但人手嚴重短缺,日軍派出精兵都驚訝城門防線英軍人手單薄,幾日就打到去九龍,香港戰役可以拖18日,除左日軍要渡海同香港地形複雜外,當然唔少得駐港英軍同加拿大部隊係絕望下仍發揮堅毅。
丘吉爾知道香港不可守不肯增兵,但仍要駐軍盡力死守香港,就係預期香港失守勢必打擊星馬英軍士氣,會引發遠東駐軍兵敗如山倒,可惜預期成真。