佩雷斯主席
2018-12-10 20:22:20
法國球王施丹尋日結束咗佢一連六日嘅大中華地區之旅訪問,期間佢原來曾經參與一個國內足球節目,講及佢心目中嘅史上最佳陣容。當中最令人估佢唔到,就係喺佢執教皇馬時期,幫佢贏過勁多冠軍嘅基斯坦奴朗拿度,竟然冇份喺陣容之中,咁究竟呢個最佳陣容係有邊個呢?
龍門方面,施丹揀咗佢以前法國國家隊隊友巴夫斯。後衞喺每個位置都有唔同選擇,好似右閘有卡富同丹尼爾,中堅則係西德K科士打/白蘭斯、巴西老將慕沙/沙治奧拉莫斯,左閘會係馬甸尼/馬些路。中場方面,施丹用番自己同馬基列尼,仲有一個位就係恩尼斯達同應屆金球獎得主莫迪歷二揀一。最後前鋒3個,佢用咗尼馬、朗拿度同美斯,但就冇咗C朗囉,又真係估佢唔到喎!
原來施丹支持佩仔買屁馬!!回來吧!