(文長慎入) 其實有小許邏輯同識得懷疑人 已經可以避開80%被騙機會

以家好多標榜自己靠投機揾大錢既人
都有幾個手法去令人相信佢地既權威 但細心一諗就會發現其實係有邏輯謬誤
就我呢幾年所見 以下有幾個手法 都係呢堆騙子(倫敦金 傳銷 財演股神 etc..) 常用既技倆 希望大家引以為鑑

1.直接貼銀行戶口 或者貼profit 證明自己係贏好多錢 建立一種權威 去令人信服

解說：其實今時今日P圖已經係一件好容易既事情 除非你係圖像專業人士 否則你都好難判定 錢碼既真偽 而且錢亦可以唔係靠買賣黎賺取

有d有一定規模既詐騙集團 已經呃左好多錢返黎 佢show off比你睇既錢都係從受害者拎返黎 反而當有人靠show錢去證明自己就應該要打醒十二分精神 點解呢個人要靠呢樣容易震攝人心既野去博取你信任?真係有錢齊齊賺?

2.貼交易記錄(又稱造神者)

解說：相信有唔小人覺得貼record係最真材實料 一定係真野 但諗清楚係咪真係沒辦法偽造? 先唔講p圖 好多事後記錄 係可以靠"買兩邊"去偽造出黎

大賭李嘉誠已經做到一個好好既示範出黎 股票亦可以做到 亦有人咁做 通常出現係期貨倉位 牛熊倉位 因為計算既野沒咁多 需要成本但唔會好高 (呢類手法通常係d sell課程既人會見到 貼自己單一倉位賺幾多 但佢買反方向完美對沖個倉位你睇唔到

而除左賣course外 我發現呢d造神者可能被利用係推銷洐生工具上

最近388中期業績顯示衍生工具收入激增 令我懷疑發行商已經成功改變透過主流媒體去推廣產品 改為透過利用網絡KOL去令人覺得呢d錢好易賺
(洐生工具對發行者黎講係賺硬 同你去賭場長賭一樣好難贏個莊 如果係想賭錢沒問題 但如果本來唔係想賭錢 比人誘導以為好易賺就係問題) 以往既淡市衍生工具成交量係唔係咁多 大家可以思考一下)

3.打手集團 洗腦 洗言論 (最難防)

解說：通常d大型小小既詐騙集團都會有一定既打手 呢d有可能係佢地既分身 點區分佢地?

佢地通常會攻擊d提出疑點既人 話佢地眼紅 沒料 然後叫人貼profit沒料唔好質疑人

呢個係一個看似平常但又難察覺既邏輯謬誤 基於第1點同第2點 有沒說話人權唔應該係呢堆野之上 因為唔solid重點應該係去返件事本身既合理性 但人類係容易受群眾影響而失去自我既人 好多時都會有多人認同就是對既邏輯 所以我只能勸各位時刻都要有自我 唔好受群眾影響

最後 唔難想像呢個post會比人攻擊
我只係不忿呢堆友利用人既貪念同無知去揾錢 希望各位遇到以上3種招數時要警剔下自己 唔好亂信d錢好易賺 有錢齊齊揾

其實仲有其他手法 例如透過短線交易既盲點去製造事後倉等等
好多野其實你地諗下都知係有盲點
但好易被羊群心理影響左令自己信左

似懂非懂

Ig班層壓式推銷

其實只要無同情心同貪心
有99%情況下 都唔會比人呃

真係咁好賺
一早有錢過誠哥啦
你估真係今期我都賺夠喇 想比機會其他人賺下咩

咁似講緊某位成日吹奏自己嗰位巴打 又真係好多傻仔信
唔怪得大賭變李XX都有人信

其實用下腦都知真假
正如有人話自己睇市一直都無錯過
信嗰啲人應該用腦諗一諗，無錯過仲會係網上鳩up？仲要無啦啦走去益你？真係覺得自己賺緊想幫人？

點解連登咁多呢D騙徒？

其實可以用一句歸納：我呢排真係賺夠啦 ，真係想比D人賺下

冇腦既只要記住一句:
要你俾錢先既全部都係呃人, 一定要拒絕
基本上已經迴避咗9成騙局
剩低既1成係自己貪念引起

人流高 效率高 why not

手法根本差唔多 騙徒有樣睇

講真 人地提晒水都仲要去奶係抵死
相信中幣少同火燎森局既人 唔少都曾經見過d反面觀點後都選擇相信

如果你連懷疑人既能力都沒 即係根本唔熟個種範疇就應該自己去熟悉一下再睇人觀點眼見太多所謂大神既觀點有時會犯左d低級錯誤 但居然沒人睇到佢錯 holy shit

你咁講，全部股票基金管理都呃人啦
俾人呃唔係一個人唔聰明，係佢做分析唔夠詳細，但依家社會你最多係交俾有信譽既公司幫你管數投資，咁唔代表你醒 係你用左簡單既方法去避險啫
根本最低死你中d好多人講既騙局（e.g足球投資）成日都有人講 你都中係你貪心啦

唔醒又要貪 都係受害者特徵

政府應該播 龍咁威警訊 黎做廣告啦

話時話，有冇巴打update下MFC定MBI現況？
明明係典型Ponzi Scheme，但係玩得咁高調滲透層面咁廣都好似未爆？