我平時工作會帶呢張圖鉸剪,
1)小彎剪:主要剪圓型嘴
2)大彎剪:用黎修曲線邊位
3)小鉸剪:剪鬍鬚(其實鉸剪好脆弱,而鬍鬚係比較硬,如果你用好鋒利既鉸剪去剪鬍鬚,可能剪幾次你把剪就會頓,所以要一把剪專門剪d比較硬既毛髮)
4)細修鉸剪:VG10鋼材,我最唔捨得用既一把剪,唔係最貴,但係係我親自去台灣同製刀師傅買..好鋒利,用黎修頭部細節位
5)7.5吋直剪:一把好平好平,但係好好用既直剪,果時係學校要我買黎剪海綿波波做練習,因為軸心係bearing,所以好順好好剪,大部分時候都係用黎,缺點係比較短,唔適合用黎剪粗胚
6)8吋直剪:用黎剪粗胚,呢把野係俾學校水左我用近4千蚊去買,完美體現左越鋒利既鉸剪越易打柴既道理(鋼材中碳含量既問題),一跌就收左皮。
7)淘寶9吋直剪:剪大狗必備,一個字:長! 剪得快d
8)魚骨剪:介乎牙剪同直剪之間既鉸剪,預防刀痕,但落毛量亦高。
9)牙剪:另一把俾學校水我用近4千蚊買既鉸剪,………不願置評。 牙剪特點係無咁易有刀痕。