[寵物美容] 剪狗毛技術交流區 (多圖，慎入）

我用風筒only, 豐澤係有個電剪～唔係話風筒
咬損少少就有，都係一兩次...
如果想搵大錢...我諗呢行唔係咁岩

唔係...B 先一定要考賽裝，C 牌 我果時無記錯好似係剪松鼠狗...好hea...

另外，工具果度其實格下價都可以慳唔少， 學校會迫你買好多唔等洗既野，結果計實際工作必要既，其實唔洗好多... 有興趣既話我遲啲影下我啲工具丫

咁平日一定有一日休

點同啫 興趣>錢啊

香港養得狗都非富即貴啦
識人好過識字啦

你是咪考完牌就做上門？未返過普通pet shop

是咪要有c牌先可以考b牌

好啊
牌子就唔跟足你了 唔是同考完牌冇分別

Yes
正常都係 睇考咩協會 佢會有寫

咁就真係要問下你自己點解想做呢行，我自己會形容剪毛既時間過得好快，有d似打機，或者似人地砌模型咁，因為有興趣～所以做做下就唔覺d時間過得咁快..

養狗唔一定係有錢人，有錢人窮人都有，難道窮人d狗你就唔接？
我既客住公屋到豪宅都有，
有d要我自己行餐死行到入村，有d搵車接送我，
經驗之談就係，住公屋既唔一定係孤寒，住豪宅都唔一定係闊佬..有俾幾百蚊tips既公屋主人，亦有斤斤計較既豪宅主人，總之做好自己本份就得..

我係考完牌，去miss 鋪頭幫過手一排之後就自己做上門，因為我都有朋友自己開鋪，所以我唔諗住做鋪頭果種style，想做上門多d～

其實呢，C牌B牌 呢d無一個統一標準，可能X學院B牌學既野先等於Y學院既C牌… 所以唔洗咁執著.. 畢竟無政府規管，所有野就好黑暗好亂。 所以我主張練好自己技術，用自己既作品去說服人.. 我咁耐以黎可以話未做過宣傳，我只係得facebook一個page，亦無俾過錢賣廣告…個page仲要唔係幾update… 係d客見到我既作品岩佢心水，就自然會查詢..

今日先考完C牌 而家仲搵緊工

考啲乜

贊成自己技術去說服人
上面我無答到點解我以前講競爭大(純粹個人覺得）
多咗好多人學 個個都有c牌咁濟 但養貓狗嘅人無多得咁快 加上e家好多主人都傾向鐘意自己沖剪
你哋唔知覺唔覺啦 好多鋪頭慢慢執咗
轉哂去上門 但上門美容師暴增

剪poodle

考咩裝呀～？

好似係啤啤裝

因為興趣可以搵食好幸福㗎
好過行屍走肉做牛工
想搵大錢仲洗咩返工做人隻
全職炒股啦不如
明白 其他野擺埋一邊

的確 冇咁有錢既闊佬好多
D有錢客是咪好西 又孤寒又要求多
有冇d真係會做到frd 關照你

你家陣每日係咪都有工開
每日3單就話餓唔死

冇 我始終覺得有返張cert又有經驗易搵食好多
未知上門份工是咪好撈
放工去下秘撈都好
但做做下再考又覺得都識曬點剪 仲考黎做咩
或者易d pass過
你話過某d同學都剪到pat屎咁

受益良多

又話影d工具黎睇下

你係邊間考 報名費幾多
考試是咪剪到pat屎咁都pass
覺得學唔學到野

行行都俾‘人才’入侵
咁你呢 前景諗住點

無咩特別關照架...都係煲湯煲涼茶會俾埋我飲...會嗌飯俾我...旅行返黎有啲手信咁架咋

而家有時三隻有時二隻～ 懶

繼續做下先

你而家做緊咩工呀？ 你可以學完之後趁星期六日做下上門囉～
其實工具我有好多（學校會迫你買）…但實際工作最常用既其實得以下呢d：


我地由左上角睇起：
1) 左上角粉紅色係Laube大電剪，大電剪可換唔同刀頭（如1mm 3mm 6mm, etc)，唔同牌子既大電剪都用各自唔同形狀既刀頭，例如laube用laube頭、andis用andis頭、wahl用wahl頭等等，不過圖中呢把Laube比怪奇怪(又係學校累事...)，呢個黑色、中間有粒圓型鏍絲既並唔而家常見既Laube刀頭，而係「日本清水刀頭」，可能係當年laube為左打亞洲市場而出掛(?) 大電剪通常用黎做heavy work，剷身 手 腳等

2) 左上角紅黑色係普通codos小電剪，一般你去寵物店都應該會見到，用黎剃比較細面積、需要細緻操作既位，如腳底毛、肚底毛、肛門四周毛髮等

3) 右上：指甲鉗 同埋 磨甲器

4) 下面果排，左起：棉花、止血鉗、耳毛粉、洗耳水，呢4樣用黎清潔耳仔用。 然後兩把鋼絲刷，一小一大，小果把我剩係用黎梳面部。右邊三把梳分別係：蚤梳(Flea Comb)，好密齒，用黎梳走d眼屎就最fit；右下角最尾兩把係一短一長美容師梳（或稱「排梳」），可以用黎檢查底毛有無死結，同埋落刀前用黎挑起d毛方便造型

另外就仲有個普通風筒囉～ 你買我真心建議你買Dyson，真係好好用，有dyson風筒連風機都可以唔洗用

報名費萬二 上十堂 學到野
間野叫香港寵物美容協會

你把小針梳邊到買