古巨基
2018-12-01 23:12:51
藝人雷晴雯透露當日她因工傷令脊椎嚴重受創,全靠古巨基及其太太Lorraine助她度過難關:「當時我又輪椅又柺杖仲畀醫生判埋『死刑』,叫我諗定下半世點樣同輪椅及柺杖共存亡,嗰陣嚇到萬念俱灰!真係好絕望,咁啱基仔嗰段時間又係受傷連上台都要坐住輪椅,點知過咗幾個月突然話開演唱會仲要勁歌熱舞,我即刻膽粗粗打畀Lorraine(古巨基太太)求救囉!我同Lorraine其實完全唔熟,但一通電話佢即刻應承幫我,當時佢同基仔好忙演唱會,加上之後我哋冇再聯絡過,我有諗過佢應該忙到唔記得咗,點知七、八個月後,佢突然打畀我,話基仔個醫師當晚會到香港,而且仲已經幫我安排好晒見面同接受第一次治療,呢份感激絕對係無法形容!」