話說公司請左個女仔返黎under我
我心諗 我已經人工夠低架啦 under我果條友究竟幾錢人工
咁唔理啦 又唔關我事
到開始返工 發現佢智力有小小唔正常
講野九唔搭八 教佢做簡單野都教成朝
但係又傻唔哂 聽聞佢讀完副學士畢業 睇英文又ok
上頭就叫我唔好比太複雜既野佢做 怕佢搞唔掂
咁我其實對佢冇乜感覺 都係照教佢做野 叫佢入下資料同filing 複雜小小既都係我做
起初都冇乜野 跟住有次帶佢去銀行 等燈位果陣佢無啦啦問我 佢用個髮夾(有隻不知名公仔)會唔會好似小朋友 我都唔知點答 就擰歪面扮睇有冇車冇應到 佢重問多次 咁我嗯左聲就冇睬佢
行行下又話我地兜左路 行遠左 我就話你直行先轉右同轉右再直行冇分別架 佢都係覺得兜遠左 我都唔知點答佢 就冇理佢 佢以為我嬲 全程係咁同我講對唔住 我話冇嬲佢都照講 咁我都係冇理佢 搞掂d野就帶埋佢返公司
好喇 有日放工 我走佢又走 係後面fing哂手嗌我頭頭~等埋我呀 我一聽到就急步行去lift 尷尬到癲
又成日走過黎我個位度扮貓叫 哇屌 第一次無啦啦係我後面喵嚇到我彈起 問佢做乜 咩事 又唔答 繼續喵 喵完就問我有冇野比佢做 我心諗 我都唔知有咩比你做 樣樣都話驚你唔識搞亂左 次次佢走埋黎我就要搵野比佢做 好鬼大壓力 好死唔死佢開ot都同你做埋佢 第二日又走埋黎喵
重有其他事例 費事講 重點黎喇
頭先lunch聽到佢講電話 大慨係打去中銀check下佢之前交既信收到未
竟然講野有文有路 短短幾句交代哂成件事先開始問
另外 好多人對答都會er一秒諗一諗先開始講
我留意到佢冇er過 人地一問佢就答 又快又清晰
人地話check唔到 比第二個number佢 佢又識問e加打去會唔會食緊lunch 通左要撳邊個制
好似變左第二個人咁 重有用開credit card添
我e加諗 究竟我蠢定佢蠢 佢會唔會扮弱智玩緊我