而家呢個社會,
要嘅只係爬樹叻嘅人,
你遊水幾勁都好,
都唔會有人欣賞你。
18fg返咗兩份工,
第一份工太西,個幾月走咗,
啱啱返新工第一日,
終於放工,好撚肚餓,
望住碗飯,心裏面諗,
屌!仲有4日。。。
以前以為,入到大學,就可以改變人生,
自己係廢中中出身,靠自己,喪操卷、溫書,
都叫做掹車邊20零分入到u。
4年後,得到嘅,只係10幾萬學債。
2nd hon grad,唔勁,但一定唔係廢嗰堆。
BBA 出來,
banking gt mt? 成績、語文能力唔夠好!
Accounting? 又唔夠其他acct人專!
成日都話搵工最好搵自己興趣,
好!有乜嘢係鍾意?
本身鍾意健身,做pt?
而家香港健身界根本就臭晒,
大部分教練都係跑數追數唔係真係教人,
同跑數狗無分別。
其他興趣呢?
本身自己好鍾意數學但唔係最勁嗰啲(maths 5*、m2 5**、minor statistic),
做老師又唔係讀專科,根本唔夠其他人爭。
咁辛苦入到大學咁又點?
以前身邊啲朋友個個都唔讀書又喪溝女,
走哂去做警察懲教嗰啲,月袋20k up。
終於明白點解啲人話係香港係生存而唔係生活。
其實我要求好簡單,只係想準時放工,唔使下下走都要問過上司。
即使自己真係好有心想去試其他行業,
但其實嗰啲行業根本就冇前途或完全沒人請,
老竇老母成日都話我唔捱得,
係呀!佢哋真係好捱得架!
可能就係因為我讀過書,我知道生活唔係淨係得工作,
人一生只可以活一次,唔想到我死嘅時候乜回憶都無,剩係得做嘢。
究竟其實我仲有咩可以揀?
睇睇下Facebook突然間見到啲content farm打呢句「爬樹金句」有感而發.
If too long no need to read