我男朋友d屋企人搬晒去加拿大
因為佢唔想去所以佢爸爸就買左層清水灣半島俾佢自住 又怕寂寞仲養左隻牧羊犬陪自己
睇到哩到你地一定覺得佢係個大筍盤又有父幹 正！
錯呀！屌你個閪！
佢只不過係個有父幹既廢柴喳！
返份普通文員仔 初初一齊以為佢住公屋自卑先唔想我上佢屋企 唔緊要！我等你衝破心理關口
原來唔係呀！因為佢個ex為左佢個工人同佢分手佢有陰影 唔想重蹈覆轍先唔俾我上去
係咪睇到黑人問號？一條麻甩佬同隻狗住請乜撚工人？哦～個工人請黎服待隻狗既 因為返工無時間
但我同你一齊咁耐都未見過你OT 忙乜撚？
後來我不停鼓勵佢 支持佢 終於我成功達陣
上到佢屋企一探究竟 睇下佢隻狗有幾撚巴閉要特登請個工人黎服待
上多幾次 我終於明白佢點解要請工人
因為隻狗係無生活自理能力 真係要人服侍 但嗰隻並唔係隻牧羊犬 而係我男朋友呀屌晒你地老母
大佬呀！你成28歲人底褲都要個工人洗埋？算！
有一次我同佢扑完野 以為工人去左放狗未返 著得條底褲諗住去廁所
嘩屌！個工人唔知幾撚時返左黎仲放定條毛巾同男朋友d衫褲喺廁所俾佢準備沖涼
我真係頂唔順啦屌！其實你自己照顧唔到隻狗學乜人養？你咁大個人都唔識照顧自己要請個工人全天候24小時服侍你？不過你都知醜同人講係請黎服侍隻狗
真係想訪問下你點樣長大成人 無左父幹你連生存都成問題啦下話？咁撚樣玩法？
本身諗住我頂佢工人個位 照顧佢咁咪唔洗多個女人咁尷尬 但我無諗過男朋友係弱智 自問照顧唔黎
真係寧願你窮d但似返個正常成年人
越上佢屋企就越覺得佢廢 有時佢工人仲似佢女朋友多過我 始終佢地一齊住左成5年 係呀！服侍左條廢柴5年啦！
雖然我好愛佢 但唔想下半世都要湊個弱智仔 又想二人世界 點算好
