荒島日記.2（新手故、後宮甜）

用顯微鏡先夾到

留名

每天F5系列

我有睇過依單新聞
不過唔知真定假
話係亞馬遜河到俾魚仔從尿道⋯⋯

真嫁
果度有種魚係咁
佢唔係真係食JJ
只係見到有窿就捐

好似要噝水度all尿先會捐

新暈條友係捉魚定沖澡唔記得

係屙尿之後有隻蝦仔沿尿上入尿道再撑開果單

肯定好撚痛

No
真係魚黎

164.交易




「辣椒妹，知唔知紫霜係邊？」

辣椒妹左望右望：
「唔知啊，今日到依家都未見過佢。」


你地兩個唔係好fd既咩⋯⋯


我起身走去紫霜住既山洞個邊，去到大嗌紫霜，但無人回應我，於是伸埋個頭望一望裡面，紫霜同佢個後母都唔係到。


咁奇怪？兩個都唔係到，可能係河邊洗衫洗廚具呢！


於是我走去河個邊，係河對面，營地對出條路，就見到熟悉既小身影。


瘦削既紫霜企左係佢個惡毒後母後面，而個惡毒後母同咁營地既人講嘢。

咪住！同咁惡毒後母講嘢既人，我認得出！係文健既女伴嚟！


原來文健之所以知道個捕捉方法，係紫霜既後母講既！


後母美思個樣好緊張咁同文健個女伴講嘢，我要走近少少聽下佢地兩個係到講咩先。


後母美思問文健個女伴。
「唔係講好左你地捉到獵物就要分一隻俾我做酬勞既咩？」


文健既女伴好唔開心咁講：
「文健今日打獵俾鷹爪爪傷⋯醫生話佢兩個星期唔可以打獵⋯」


「咁唔關我事㗎！佢俾鷹爪爪傷係意外，我都唔想，你點都要分返酬勞俾我㗎！」


後母美思對於文健既傷勢佢唔多想知，佢只關心既係食物。


「你個人咁㗎⋯⋯文健佢今日只係捉到兩隻海鷗，佢要休養咁耐，所以我地無食物俾到你。」
文健女伴講完便掉頭。


後母美思捉住想走既文健女伴。
「你咪走啊！我咁辛苦先套返嚟既捕捉方法，你今日點都要俾酬勞我！」


文健既女伴甩開惡毒後母美思隻手。
「你點逼我都係俾唔到你既啦！」


惡毒後母美思憤怒咁捉返住文健女伴隻手：
「哦！當初又係你條仔走嚟叫我諗辦法係大陸仔個到套料，然後拍曬心口一定會有酬勞俾我，我辛辛苦苦係個女身上套到料返嚟，你依家一句話唔俾就算？」


文健個女伴啤左一眼後。
「咁sorry囉！」

惡毒後母聽到後嬲到面紅耳赤。
「sorry大撚曬啊！」

「咁你仲想點啊！」


惡毒後母憤怒咁大喝
「你今日唔俾酬勞，我係唔會俾你走㗎！」

文健女伴用力甩開惡毒後母隻手。
「你好同我放手啊！信唔信我叫裡面既人出嚟！」

惡毒後母指住文健女伴。
「你好嘢！講嘢唔撚算數！我祝你條仔不得好死！」

文健女伴鬧返惡毒後母。
「你死佢都未死啊！你個潑婦！」


文健女伴行返去營地裡面，惡毒後母嬲到係咁踩地，然後佢轉身望紫霜。


惡毒後母此刻面目猙獰，然後佢好用力咁推跌紫霜。
「最衰都係你！如果你講埋小心啲鷹既話！我就唔會無酬勞啦！」


依個女人⋯真係癡線㗎⋯


紫霜靜靜咁得低個頭坐係地上，佢無喊，亦都無鬧返惡毒後母，只係好安靜咁坐左係到。

究竟紫霜佢一直以嚟既生活係點樣過㗎⋯⋯


如果俾我有咁既惡毒後母乸，我驚我一日都忍唔住就打佢一鑊。


「你依幾日都唔洗諗住有飯食！你個掃把星！真係家門不幸！」
惡毒後母踢多紫霜一腳便離開，留低仍然跌坐係地上既紫霜。


個惡毒後母過左條河後，見到我企左係到，佢好憤怒咁望左我一眼，然後就繼續行返去佢自己山洞個方向。


我走過去河對面，然後伸手俾坐係地上既紫霜，紫霜抬頭望我。


眼睛係人既心靈之窗，從雙眼可以睇得到個人既心，依家既紫雙，雙眼卻沒有神氣，好空洞，就好似失去左靈魂既人，猶如一個軀殼。


見到佢咁既遭遇，有邊個唔想憐憫佢⋯


「多謝⋯」
紫霜捉住我隻手，然後企返起身。


「走啦，我地返去食晚飯。」

「嗯⋯」
紫霜得低頭，跟住我尾行。


我地行返去山洞，紫霜便急急忙忙攞起掃把幫我既山洞打掃，佢只有咁樣做，佢食我地既食物先會安心啲。


食飯個陣，辣椒妹坐係紫霜旁邊。
「紫霜，你今日走左去邊啊？」

「今日阿媽⋯叫我跟住營地既人⋯跟佢地去打獵⋯睇下佢地有無收穫⋯」

雪兒轉個頭問：
「一早無食嘢就跟左過去啊？」

紫霜點下頭。
「嗯⋯」

辣椒妹嬲到握起拳頭：
「可惡既女人，佢唔知咁樣會餓死人既咩！」

「佢根本就無當紫霜係人。」

雪兒分多幾舊肉俾紫霜。
「你都餓左成日既啦，食多啲啊。」

「多謝⋯」



食完飯後，我地閒聊左一陣，天色已晚，便走返入山洞訓教，等到三女訓著左，我走出嚟睇月光，荒島個月亮真係皎潔明亮。

都係時候出發既啦。

於是我走去達叔個山洞個方向，突然達叔既山洞傳出聲音。


達叔咁夜仲未訓？


於是快速走到達叔個山洞邊，山洞裡傳出既聲音愈來愈大。
啪！啪！啪！

「嗯⋯嗯⋯達達⋯嗯⋯」
達叔女伴十分誘惑既聲音。

「啊⋯啊⋯」

我頂⋯係交配既聲音同呻吟⋯大陸仔啊大陸仔⋯點解你次次都要阻人扑嘢，真係遲早會俾人燒春袋⋯


我深深咁吸一口氣，然後係達叔既山洞邊。
「達叔⋯達叔⋯」


嗌完達叔無幾耐，就聽到山洞裡面手忙腳亂既聲音，搞成你咁，真係慚愧⋯幾分鐘後，達叔衣衫不整，好狼狽咁行出嚟。

達叔一邊抹頭上既汗一邊講。
「東哥⋯咁夜搵我做咩事啊？」

我聞到少少腥味⋯


「去下游啊，依家應該有收穫既啦，我費事聽朝早俾營地既人見到。」

「咁好啦，我地依家去啦。」
達叔著返好件衫。


於是同達叔出發前往去下游，行到河邊既時候，達叔望左一望手腕上既錶，然後就停低係原地。


「喂⋯達叔⋯做乜停係到啊？」


達叔回望返我，個樣相當猥瑣。
「東哥！依個時間好啊，我帶你去睇啲好嘢，得依個時間先有㗎。」

「睇乜嘢好嘢？」

「去到你就知。」

我跟住達叔行去營地裡面，慢慢咁行過一個又一個山洞，然後停左係某個山洞旁邊，達叔淫笑咁回望我。
「就係依到啦。」

我左望右望，依個山洞都無乜特別啊。
「依到係邊到嚟？」

達叔即刻按住我個嘴
「細聲啲⋯依到係肥佬陳個山洞⋯」



待續

有文一推

加洲 速 一日三篇

幾時有雪兒

紫霜養唔熟

睇返個進度⋯單獨雪兒就無咁快⋯

紫霜好可憐㗎
佢後母問乜佢答乜
依種方式存在好耐⋯並唔係出賣大陸仔

推

推！！！！

Pish!

文呀

165.內籠




達叔企係肥佬陳山洞邊，伸個頭望山洞裡面，而我就幫達叔睇水，左右咁望住出面，睇下會唔會有營地既人未訓經過。


我拍一拍達叔個背隻。
「你帶我嚟死肥佬個山洞做咩啊？」

達叔好細聲咁講。
「噓⋯細聲啲⋯咪話左帶你嚟睇好嘢囉⋯」


我左望右望，依個山洞黑蚊蚊乜都無，有乜好嘢睇啊？
「喂⋯達叔⋯個山洞乜都無既wor⋯」

「有⋯你跟我嚟⋯腳步要細啲⋯唔好行出聲⋯唔可以俾佢地發現。」
達叔講完便小心翼翼咁前進，我亦都跟住達叔行入山洞裡面。


係伸手不見五指既山洞裡面走了十幾步，隱約見達叔對住我做左個噓既動作，然後佢蹲下身體，拉起前面塊黑布，山洞裡面既光即刻從地下滲透出嚟。


肥佬陳個山洞竟然用塊黑布做遮掩，搞到咁神秘既？同埋佢住咁裡面唔驚透唔到氣既咩？


「跟我嚟⋯」
蹲係地上既達叔慢慢咁穿入黑布裡面，我亦都蹲下身，跟住達叔進入黑布裡面。


黑布出面既山洞漆黑一片，而裡面卻如此地光猛，真係估唔到肥佬陳個山洞裡面竟然有燈。


我驚訝咁拍一拍達叔個膊頭。
「達叔⋯肥佬陳個山洞裡面竟然有燈。」

達叔轉身同我解釋。
「係啊⋯佢唔知邊到搵返嚟既三部太陽能電燈⋯日頭佢會攞出去曬⋯到夜晚就攞返入嚟⋯不過個電力儲備有限⋯曬一日⋯最多只係用到個半鐘頭⋯」


唔怪得佢個山洞有電啦。


「達叔⋯你帶我嚟就係為左睇佢山洞有燈啊？」

「唔係⋯我地再入少少⋯再入少少你就明既啦⋯」
達叔講完便繼續小心翼翼咁前進。


依家個位置應該算係大廳，因為地上鋪了一個大地毯，有張大檯，檯上擺左部太陽能電燈，照射住山洞個頂部，山洞牆壁上掛左一幅油畫，張檯旁邊擺左幾個梳發。


你無睇錯啊，佢山洞竟然有梳發係到！


同我既山洞對比之下，我既山洞猶如狗竇一樣。肥佬陳真係識享受，嚟到荒島都可以嘆世界咁。


廳到個燈仲著住，盞燈電力維持唔到好耐，咁即係啱啱仲有人係個廳到。


我地走過依個奢華彷如返去現在社會既大廳，走過間隔大廳既櫃後面，肥佬陳個山洞連櫃都有⋯


依到無燈照住，所以比較暗，只能用大廳既餘光觀察周圍，突然隻腳踢到一舊石頭咁硬既嘢，我蹲下身睇，竟然係罐頭嚟！


我慢慢睇清楚前面既嘢，眼睛慢慢調節返適應個環境光暗，我終於望到前面係咩！係一大堆食物！！！


公仔麵、餅乾、罐頭堆係一邊成個小山丘咁，而營地分既風乾左既食物就放係另外一邊，我猶如入左個堆曬食物既超級市場。


以我同三女嚟講，眼前所見到既食物，夠我地唔打獵食足兩個月，可能唔止兩個月。


達叔係堆食物前面左望右望，然後伸手攞起，我望一望，係朱古力嚟。


朱古力係荒島簡直就係寶物，達叔手上既朱古力完整無缺，達叔露出笑容，然後將條朱古力袋入袋。


我望一望堆成座小山丘既食物，突然有樣嘢吸引我既眼球，於是伸手執起，然後好順手咁袋入袋。


「達叔⋯你叫我嚟係為左偷嘢啊？」

「唔係唔係⋯再前少少⋯你就會見到既啦⋯」
達叔繼續小心翼翼咁行，然後對住我招手。


達叔再次蹲下，然後提起塊黑布，又一個黑布⋯個山洞究竟有幾多黑布啊⋯同埋究竟肥佬陳個山洞有幾大啊⋯


我地嚟到個三叉路口，雖然我地已經深入山洞好耐，但肥佬陳個山洞氧氣非常充足，不時仲感覺到有風吹過。


我走到三叉路中間個路口，伸手摸黑咁行，十幾步後，我摸到布既物體，我蹲下身拉起，黑布下有餘光。


我再拉起少少望，見到黑布另外一邊都係出口嚟，月光照耀係山洞口外面，距離我個位置有廿幾步左右。


我果然無估錯，肥佬陳個山洞係可以通向山既另一邊㗎，唔怪得佢會選擇依個山洞啦，裡面夠大，而且空氣流通唔錯，而且又無水跡，唔會有濕氣。


達叔走過嚟拍一拍我膊頭。
「東哥⋯過嚟依邊啊⋯記得細聲啲啊⋯」

我捉住前面帶頭達叔隻手。
「達叔⋯點解你對肥佬陳個山洞咁熟既？」

「我已經入嚟依到幾次既啦⋯當然對依到熟啦⋯嚟啦⋯跟我過嚟。」
達叔講完便小心翼翼咁行。


我地走返到三叉路，達叔思考左幾秒後，便走向左邊個窿，我係後面跟住，不時望一望後面，生怕肥佬陳突然從背後出現。


行左十秒左右，達叔望一望前方，然後好無奈咁講：
「行錯左方向⋯」


又話嚟過依到好多次⋯


我行上前到達叔旁邊，睇下前方有啲乜嘢，前方就好似房間一樣，裡面有檯有張床褥，床褥上面訓左一個全裸既女人，係肥佬陳個秘書Lily。

果然係「有事秘書幹，無事幹秘書」，肥佬陳性生活唔錯。


Lily全裸係床褥上熟睡，身上只係蓋上一張好單薄既被，依個一米七五既女人，胸部真係大得好誇張！仲大過辣椒妹！！！


佢依家個睡姿真係好誘惑人，想起佢前幾日同我講解營地規矩個把聲，佢叫床聲一定好撚好聽～


好彩我忍耐力強，唔係既話，就一早衝上去狠狠扑濕佢！


達叔睇到流曬口水，隱約聽到佢講。
「如果依啲女可以俾我屌⋯就真係死而無憾⋯」


係wor！忘記左達叔好鐘意成熟同大過自己既女人，以前佢成日去撩高年級既師姐，雖然俾啲師姐拒絕曬⋯


有次個師兄唔爽同班女仔俾達叔撩，走去我班房打左達叔一鑊，達叔屋企知道左，帶左達叔去醫院驗傷，又搵左律師嚟學校，嚇到個師兄跪地求饒，件事先告一段落。


達叔依依不捨咁望多幾眼，然後嘆了一口氣，便走返出三叉路口，依家淨返右邊個窿，我地走入右邊個窿，走左幾步，我就聽到前方有聲傳出嚟。


達叔淫笑咁對住我。
「係依到啦⋯」


我地兩個繼續前進，前方既聲音愈來愈大，並且有光線照射出嚟，不過前面有塊黑布遮住。


傳來男人既聲音，我認得出係肥佬陳把聲。
「繼續繼續！專心一點！」


我同達叔蹲係地上，拉開少少塊黑布，望向裡面既情況。



待續

又係啲緊火位停？