荒島日記.2（新手故、後宮甜）

我愛叉燒包 2018-10-31 01:58:37

160.醫生

「喂，佢黎依度做咩啊？」

「佢知道文健受左傷？」

「佢肯定係趁文健病攞佢命啊！」

為左可以一睹達叔佢地所講既男醫生，我無視營地所有人既目光，走向醫生所住既山洞個邊。

回想返啱啱達叔講既嘢。

「藍醫生住既山洞係最入面，可能佢個人比較孤僻，鐘意獨來獨往，所以住既山洞都離大家遠少少。」

「佢住咁裡面，咁佢打獵未好麻煩囉。」

達叔聽到我咁講，即刻解釋。
「醫生wor！佢洗乜打獵啊，陳總會定時俾食物佢，佢係依度唯一既醫生，我地所有人大小病痛都係去佢個度醫，佢如果餓死左我地就大鑊啦。」

「啊⋯痛⋯啊⋯」
距離十米左右既山洞傳出文健既慘叫聲。

個山洞真係營地裡面最偏僻既位，依個男醫生真係好有神秘感。

愈靠近山洞，山洞裡面傳出既對話愈清楚。

「醫生⋯怎麼辦⋯是不是傷得好嚴重⋯」

「我都話左天上跌落黎既海鷗唔好執啦，肯定無咁便宜既事。」

「唔好喊啦，醫生會醫好你既。」

「啊⋯真係好痛啊⋯唔⋯」
文健把聲已經變成哭腔。

「心疼死我了⋯不要哭了那⋯」

我行到山洞邊，然後伸出個頭望山洞裡面既情況。

文健躺左係個擔架床上面，佢上半身無著衫，背隻有三條入肉既爪傷，流出黎既鮮血將佢成個背隻染成紅色。

望到佢皮開肉綻既背隻，就知道文健依家係幾咁痛，個日見到隻獵鷹係天空求其爪下個海鷗，個海鷗就已經受傷跌落黎。

三個女伴不停咁問男醫生問題，完全遮住左藍醫生，而文健食開既人妻就一直安慰文健。

「醫生醫生，你一定要救到佢啊。」

「醫生⋯係唔係好嚴重啊⋯」

三個女伴散開，醫生靠近文健，我依家終於望到男醫生既廬山真面目。

女黎既？
唔係男醫生咩？
點解依家會變成女醫生㗎？

醫生著住醫生白袍，扎住條馬尾，髮型係中分，露出額頭，雖然佢戴住口罩，但從佢高挺又細小既鼻樑，再配合埋水汪汪非常有神既大眼睛，我就可以確定，佢係個靚女黎。

醫生攞左啲藥令文健止血，每次掂一掂文健個背隻，文健都痛到慘叫，而文健既女伴仍然係旁邊繼續嘰嘰喳喳不停咁講，我係醫生肯定頭都爆。

「醫得返，但係⋯」

「點啊點啊？醫生？」

「你要救下佢啊醫生。」

醫生轉身望住文健班女伴講。
「佢個背隻傷勢都幾嚴重下，所以佢依兩個星期都唔可以做操勞嘢，佢背隻都唔可以濕水。」

原本嘰嘰喳喳不停講嘢既文健女伴，聽完醫生講嘢後，即刻鴉雀無聲，甚至有女伴嚇到跪左係地上。

依個消息對佢地黎講，真係一個好沉重既打擊，唔可以做嘢，唔可以濕水，即係要文健依兩個星期要做一個「廢人」！

而佢地之所以跟隨住文健，係因為想靠文健過返啲好生活，點知依家，生活仲未開始好，佢地就要照顧埋文健依個粉腸。

文健已經係佢地心中形成沉重既「包袱」。

「就係咁，病人好需要休息，我等陣幫佢縫針。」

醫生講完，留低安靜思考咁既女伴同躺訓係度既文健，然後佢雙手插住袋裡，慢慢咁行左出黎，見到係山洞口外面鬼鬼祟祟睇裡面既我。

佢身高應該有160cm左右，陽光照射到佢身上個陣，俾人感覺佢好清新脫俗，最正既係。

佢皮膚係小麥色～

係健康既膚色！！！

「睇病？」
醫生好冷淡咁問我。

「唔⋯唔係⋯」

唔知點解，醫生佢同我講嘢，我就感到無比既壓力，搞到講嘢都窒窒地。

因為佢既美貌？唔知，因為佢既權威？唔知，總之就係令我突然唔識講嘢啦。

「下次病左可以黎搵我，我姓藍，不過我逢星期日就休息。」
佢講嘢依然都係好冷淡⋯

「哦⋯好啊⋯」

佢身體散發出黎既魅力，佢個種神秘感，個種對人既冷淡，真係好吸引人，好令人想去了解下佢。

佢同我互望幾秒後，便轉身行返入去山洞裡面，文健既女伴們係度安慰住文健，佢地無離開文健，真係令我十分驚訝。

真係患難見真情。

或者，可能係，佢地忍受依兩個星期照顧文健，文健以後打獵令佢地生活過返好啲，依啲就係長線「投資」。

但有朝一日，佢地終於發現文健完全係無料到既時候，佢地會唔會嬲到殺左文健呢？

「藍醫生～藍醫生～我想約你食飯啊～藍醫生～今晚得唔得閒啊？」
我背後傳來一把男人既聲音，係求偶既聲音。

我轉身一望，係個位極度自大目中無人既MK傑，MK傑見到我，個樣即刻有少少愕然。

藍醫生咁靚女，而且膚色又係健康既小麥色，再加上佢著住個套制服係大家經常幻想既職業，係依度實係受歡迎到爆。

「你黎依度做乜撚嘢啊！」
MK傑瞪大雙眼問我。

我彩佢都傻，無視佢準備離開，點知MK傑展開雙手擋住我既去路，繼續用佢個對死人眼望住我。
「啞㗎？我問你啊！你黎依度做乜撚嘢啊！」

「我黎依度洗得到你意見啊？」
說罷，便推開佢隻手離開。

MK傑一手用力抓住我膊頭。
「你估營地依度，係你想黎就黎，想走就走既地方咩？」

我拉開佢隻手，繼續向河個方向走去，MK傑跑到我面前。

「屌你老母！我最憎啲人咁撚柒串既啦，無料扮四條！食屎啦！仆街！」
MK傑講完就一拳飛過黎。

待續

Eunha 2018-10-31 06:05:38

醫生