原來連登先係最好嘅傾訴對象....

你講得好好
我都希望自己大個可以笑看自己嘅過去
認真 其實我都好好奇
我人生嘅最低潮可以有幾低
我嘅承受能力又可以去到邊

只有係連登先可以做假膠

陪我傾計

我己經唔再識同人講自己嘅嘢
啱先打左好多原本想係到講出嚟 但都del哂了

咁好可惜 差啲可以睇到你分享你嘅故事
其實我都怕同人講心事 怕講到1999
但講出黎 原來真係有好受啲

我同你諗法一模一樣
成日有負面情緒都唔敢同任何人講
我覺得每個人之間既關係都好脆弱，一個成日放負既人無人會中意，我好想維繫到同我在意既人既關係，所以有咩唔開心淨係會收埋壓抑，但係自己就越黎越辛苦，有時一個人既時候真係會好孤單，又好自卑

千奇唔好試呀
當你以為人生去到最低點
其實永遠有更低點在等你
所以趁個人未崩潰，好拿拿臨諗方法搞掂佢

利申，已經歷

你明白
收收埋埋感覺自己得一個人 好寂寞
明明身邊好多人 但都係假像

好一個低處未算低

照講啦，係度唔使就住就住
冇人知你係邊個
放完負唔會有責任，唔會傷害人

試下將啲冇咁緊要既野放一放低
先處理最緊要同迫切既野
跟住續樣續樣來
其實已經少好多問題同壓力

以前未拍拖嗰陣以為會揾到個可以陪我走過低谷既人，點知依家發現對住男朋友都係唔可以講心事

做咩咁講既
男朋友雖然聽落唔係好識安慰你
但聽你講男朋友//朋友都係你身邊

連登真係一個好好嘅樹窿

孤獨的浪子

幾年前爸爸因車禍突然離開左我，當時我其實真係好難過 難過我同佢嘅回憶太小
爸爸係個唔識表達愛嘅人，所以佢係個嚴父
因為咁令我地關係好遠 無點傾過計。
後來我大個 有次佢話同我去我最鐘意食嘅m記，但當時嘅我己經因爲熱氣冇再點食m記(細個成日話垃圾食品唔俾食)
但我當時都表現得好開心 因為係第一次
第一次感受到佢想同我親近 想表達佢對我嘅愛。
望住佢食雪糕 食薯條 雖然我地無點講嘢因爲大家都唔識表達 ，但個感覺真係好窩心 第一次咁親近 但呢個都係我同佢唯一一次嘅接觸。
當我再對佢好 當我地越來越近時 佢己經離開咗

佢離開嗰時 我表現得好堅強 為左唔令媽咪擔心
我要令自己堅強安慰返媽咪 ， 同時我都淨係停咗課幾日處理好哂啲事就返返學。

直到幾個月前 朋友問返我點解當初咁快返到學同返到學校時都無唔開心嘅表現
但其實無人知直到依家每次一個人時 每次聽到有關家人嘅歌 每次經過佢發生意外嘅地方 我都係爆喊同個心真係好痛

打完先發現咁長 sorry

因為身邊開始多人有細路，有少少知作為父母既感受
我試下代入你爸爸既角度

其實我同你既回憶有好多，只不過你唔會記得。
你唔會記得我第一次抱緊你時既喜悅，跌倒哭時我不懂如何做的時候，第一次叫爸爸時既驚喜... 之後看著你慢慢長大成人，各種的經歷... 這些都一一記在心
只不過，每一個家庭中，總須要有一個人做惡人/嚴父（家庭教育），媽媽做不了，唯有我做。到你大了，那時才回復慈父的身份。

Ｍ記一事，正正係佢行既第一步。
我相信你爸爸好難去行出呢一步，因為習慣咗做嚴父，突然去咁做會好怪，所以你爸爸好愛你。
愛你，自然會想你好，想你過得快樂，所以請你好好咁生活。唔好再傷心同喊，因為佢都唔會想你咁樣落去。

睇晒每個人打嘅野，一路睇一路喊，可能因為自己都係咁。
唔想因為自己放負而影響其他人，個個以為你無問題好開心，但其實收埋晒所有唔開心嘅嘢，夜晚頂唔順就一個人爆喊。
有時唔小心係屋企人面前失控，佢地會話你不嬲好地地點解突然會變成咁，我想話，根本一直都唔係好地地

你同我好似

每日都笑住對人，事事都正面面對，但自己嘅過去、悲鳴，又有幾多人估到，原來眼前嘅笑臉係催眠出來，一碰即碎嘅笑臉

分擔憂愁、鼓舞人心係我經常做，唯有自己係獨力支撐，我有時會問自己「你頂得住架嗱？」

同感呀樓主 所以呢排有咩事都上連登 尤其呢排失戀係呢到塭到好多同路人 cm完又有人覆下 雖然唔知大家係邊個 不過好warm 現實都多fd 但有時唔係個個都可以明白我 上到泥睇下啲搞笑野又開心翻

樓主仲響唔響度 加油呀!

冇㗎，呢個世界冇不變既愛㗎

愛情原來唔係萬能 好多事都要自己面對