幾年前爸爸因車禍突然離開左我,當時我其實真係好難過 難過我同佢嘅回憶太小
爸爸係個唔識表達愛嘅人,所以佢係個嚴父
因為咁令我地關係好遠 無點傾過計。
後來我大個 有次佢話同我去我最鐘意食嘅m記,但當時嘅我己經因爲熱氣冇再點食m記(細個成日話垃圾食品唔俾食)
但我當時都表現得好開心 因為係第一次
第一次感受到佢想同我親近 想表達佢對我嘅愛。
望住佢食雪糕 食薯條 雖然我地無點講嘢因爲大家都唔識表達 ,但個感覺真係好窩心 第一次咁親近 但呢個都係我同佢唯一一次嘅接觸。
當我再對佢好 當我地越來越近時 佢己經離開咗
佢離開嗰時 我表現得好堅強 為左唔令媽咪擔心
我要令自己堅強安慰返媽咪 , 同時我都淨係停咗課幾日處理好哂啲事就返返學。
直到幾個月前 朋友問返我點解當初咁快返到學同返到學校時都無唔開心嘅表現
但其實無人知直到依家每次一個人時 每次聽到有關家人嘅歌 每次經過佢發生意外嘅地方 我都係爆喊同個心真係好痛