講起耐力,呢樣諗起鬣狗,好多人以為鬣狗係靠從其他predator搶獵物為生,但其實佢地作為predator獵食能力比獅子群高好多,大部分情況都係靠群體追獵物九條街,追到獵物體力透支,呢種好多人覺得唔型嘅獵食方法反而最有效,相反純粹靠速度嘅,比如花豹咁係好型,但成功率非常低,就算成功,因為冇晒體力,好多時保唔住獵物被搶,同人類剛好相反(有速度冇耐力,單體能力高)
另外講視力,人類其實好勁,呢家啲人由細到大讀書玩手機梗係廢,但睇過條記錄片影住個非洲佬獵食,隻眼千里眼咁望到好遠(個鏡頭乜都冇
),但就算講現代人,視距已經勁過所有貓科犬類動物,仲有光譜寬,立體視覺強,因為雙眼距離近,比如可視角度雖然比馬牛羊差,但擅長測量距離,對投擲/跳躍準確度好大幫助
講起投擲又要講埋,呢樣嘢幾咁屈,絕大部分動物都冇投擲能力(暫時只係醒起有種魚會吐水打啲昆蟲落水),陸地上好似只有人類有,當幾十個人向住你瘋狂掉石頭,對大部分動物黎講係好危險,因為只要有少少傷係野外差唔多係致命(被獵食/獵食唔到/細菌感染),所以動物天性係唔會冒險受傷,就算只係石頭飛埋黎已經可以做到剋制效果,情況似係平日人遇到狗有敵意一樣用石頭就可以自保,講下講下其實人類身體能力唔計智慧已經好勁揪