點解古時人類未絕種？

有無睇動物朋友？
人類識用火用工具睇字
識長跑（羚羊果d 跑得快但只可以短跑）
散熱能力好

有條片係非洲人徒手追捕羚羊
個人走去隻羚羊度，隻羚羊跑走啦
咁當然跟唔上啦
於是個土人跟據足跡追上去，又見返隻羚羊
如是者追左好耐
隻羚羊就會頂唔順攤左落地典典下
個土人就抬左隻羚羊返去屋企
佢老婆仔女就迎接佢開大餐了

因為人可以跑長跑，羚羊只可以短跑
人散熱又好就做到呢樣野

再認真答：

其實現代人唔係未經歷過滅族危機
以前睇人類學書目有講，現代既族群至少有兩次下降到近乎滅亡既水平

人類之所以有能力過渡到文明年代（有社會、文化、確保穩定熱量吸收）
其中一個關鍵係會有目的地遷徙，然後會改良工具、改變環境
而遠古時由宗教到家庭都好有目的性，係為左確保族群穩定存續

例如宗教化左自然現象，有豐收神去鼓勵秋收冬藏
禁止亂倫去確保基因多樣性

到農業畜牧技巧穩定成熟（有趣的是其實不少動物皆有農畜行為，如切葉蟻識種植），城鄉部落就陸續出現，但中間相距好多萬年就真

到點解呢兩三萬年文明急速上升，就係另一個話題，我自己就信technological determinism theory

人類適應力強
除左人類之外
有冇邊個物種可以係地上面跑 跑跑下可以扒上樹
扒扒下又可以跳落海遊 仲要只係雙足生物而唔係四足
呢點其實幾屈機

遠古人類仲係部落社會時
人類識得威嚇比佢強大既動物

人類識得流汗 耐力強
令到幾乎冇動物可以逃過人既追捕
(大把動物陸上爆發力好過人類
但佢地好快就會冇氣比人追）

仲有 因為二足行走
身體重心低 同 手眼協調好
可以準確投擲武器（石頭 樹枝...etc)
你叫猩猩馬嬲掉野攻擊 會掉到1679咁

呢幾點都未計人類既OP技
智力 同 文明
點解大家會覺得人類係弱勢動物

Ps: 可以上youtube 睇 tierzoo 段
Are humans OP?

唔係未絕種，係絕咗種嘅見唔到

人地有強健肌肉
唔似我地連登仔

我覺得人類最弱的特點應該係生仔
生產時死亡率高
又要幾年時間先長大到有能力搵食
平均壽命可能得十幾廿歲
一有自然災難就好易滅絕

綿羊係人類最早馴化嘅幾種動物黎架

認真
殺一隻長毛象夠全村人食一排，又有毛造衫

生物界仲有動物係為適應環境退化既添

群居已經好大優勢

捕獵者冇必要去冒大風險面對一大班人，而個結果只係為啖飯

水牛皮獅子有排咬先咬得爛
人類用長矛一掟就插得入

群居+手腳構造+製造武器+投擲能力
無得輸

我記得有條類似o既片
不過個人係著住波鞋

可能就係因為身體發展不足，所以發展出智慧黎力求生存

毒撚有睇no game no life都知人類身體質素唔係最top
但可以靠智慧黎取勝

當見到獅子時：
🐃：大家一齊走，如果有走散嘅大家一齊衝去救佢！


當見到人類時：
🐃：班生番又黎啦，走呀

我諗樓主想講初版人類咁弱點解生存.

咁應該係啱啱由猩猩轉人似似地馬嬲O個個時期.
其實睇番馬嬲同而家啲原始部落可以睇到.

第一識霸地盤, 佢地當然會搵少威脅既地方安居, 易防守, 加上善長利用地型.
加埋群居, 已經好夠做.

我最記得有個探險隊入阿瑪遜森林, 有個原住民勁近距離用箭指住佢地勁耐佢地都睇唔到.
古人類係利用地型防守係天生特強, 強到一個點真係無動物可以攻得入.

第二雜食, 真係乜都放得入口, 好多種食物, 應對天災能力強.

第三, 可以長距離移動, 當出現特大天災都有辦法去到極遠求生.


最後, 其實自然界個競爭無樓主諗得咁強, 肉食生物有個好大特點, 就係環境一唔好死亡率好高.
好景大把野食唔駛食人, 唔好景又死得快, 人不嬲都唔肉食生物既主要對象.

天災先係人類發展最大問題.但都係天災令人不斷進化再鬥贏埋個天係到屈機.

如果你講到要係無工具無火之前，人類都成隻猩猩咁一拳打死牛羊，就係有左智慧唔駛用蠻力搵食咁力量咪退化iq上升囉