我做左CD-ROM 好耐,今次為左你注冊會員分享我親身經歷,回憶起我當年都受住暗瘡既困擾。
以我觀察所知,暗瘡主要分為兩類,一類有白頭周邊紅色,另一類成粒紅色
前者主要係有細菌 / 污穢而起含癑,後者主要為剌激 / 內分秘 / 飲食而起,我當時係後者
其實人皮膚會不斷分秘油脂形成保護同防止細菌滋生,不過方間醫學廣告親友都標榜每日要去油脂洗面,我本先其實乜事都冇,不過當時誤信呢啲蠶言照做,我每朝起身每晚沖涼都用啲咩磨沙洗面乳清潔,惡夢開始,暗瘡不斷地出,越洗出得越多,感覺佢係為出而出,親友同學都叫我再勤力啲,我再加碼一日洗四次,每次用深層次洗兩次,轉過唔少牌子,結果當然冇好過,呢個情況持續多年。
有一日我突然決定放棄,因為根本係無謂既堅持,我決定唔再咁樣洗面,只係沖涼用清水沖沖塊面就算,完全唔用任何化學品,不論天然防敏感與否,奇跡地暗瘡急速好轉,唔單止唔再出新,連舊有既印都開始變淡,我再試試用餘下既洗面乳清潔再洗即時翻發,係果這刻我先知原來係洗走左原本自身保護剌激皮膚而引起。
我同身邊好多有呢啲煩惱既人分享過,不過各人都覺得「我洗得咁多都仲係出到咁,我想像唔到唔洗會點」。至於你信不信,我反正是信了。另外而家好番十幾年,杯麵出前一丁真係要少食,每次食完我都出一兩粒。
Good luck