有無人已經想放棄治療自己既皮膚？

我以前用乜都唔掂，之後只用清水好返哂

試下做食物測試 可能有啲食物你一食就爆，試過半年內服a酸 醫好哂 但仲有啲凹凸洞唔知點搞

我都係
西醫中醫睇過晒 A酸食過無咩用
食得清淡 做運動 早訓 乾淨 咩都做齊晒
都係keep住每一日都有出
以前中學高峰期試過肌斷食 用清水洗面搽蘆薈保濕 果排皮膚真係好左
但依家出黎做野要化妝唔可以就咁用清水洗 每日都會keep住有出新瘡

依家見有人要自己所以都半放棄狀態 唔想再曬錢 但其實都好驚總有一日男朋友會嫌棄

Kiehls金盞花水對暗瘡既人黎講唔係真係咁好，好多色素同香料架

之前食過一年A酸都沒乜用, 個個月藥費又貴, 好像倒錢落咸水海
望住自己隔一排又爛臉, 好驚男友遲早嫌棄自己

我食左大半年.....以為全世界得我食A酸係無好過
絲打覺得咩原因令你爛面

每次黎M就 爛嘴唇+兩臉生暗蒼 再加 皮膚劃痕症

睇緊中醫 戒晒凍野 唔知會唔會好

半放棄

想放棄狀態 利申返 全家皮膚性質一樣 薄而油 燥熱底
小六開始生暗瘡 到依加中學畢業兩年仲keep住生緊 近幾年仲要嚴重左好多 自己係果種好貪靚既男仔 搞到依加出街會dum低頭 再唔係就帶口罩
我個情況係捱夜一日 即爆成塊面 要用幾個星期先好返 但好返都係會留疤 ，食熱氣野 薯條之類第日又即爆 搞到依加逼住戒零食同老麥 啲fd就做乜食乜都唔會生 早訓 洗臉 飲水 食清淡咩都做齊 但就係照爆 石頭瘡 紅印 疤有齊 唔撚會順你意
「早d訓咪得囉」之類既説話真係難聽到嘔 我做齊都照生都冇撚計架
依加我就用緊洗臉粉（早幾日開始用 聽聞好好用）食緊醫生開既消炎藥 佢警剔叫我戒糖 再唔得就食A酸

次次M到前就爆瘡+起石頭瘡, 成塊臉好痕好多粒粒
看過中醫, 醫師話我是寒濕底, 要戒凍飲乜乜乜, 戒晒凍飲熱氣野都是爛臉
前排試過隔日食一杯龜靈膏, 雖然好苦但見有效咪keep住試, 食多一排又打回原形
洗臉膏試過好多隻, 敏感肌專用的洗臉泡開頭是不錯, 一轉天氣就爆到七彩, 咁再轉獅王的暗瘡洗臉膏, 洗完塊臉好乾, 再搽俄羅立英叫好返少少...但又出油脂粒, 暗瘡又keep住出

似毛囊炎喎
用番d溫和既沖涼液eg.施巴 johnson baby
沖完涼搽cream
都會慢慢好 毛囊炎要時間
如果無好轉就聽醫生講啦 始終要醫
你睇下呢篇文
https://www.medpartner.club/folliculitis-care-treatment-introduction/amp/

我唔係m 前都會爛，一年365日無原因咁出 好灰

Me

就係又唔完全係個下仆街
因為等到有D舊既粒粒平左淨番印, 又冇啦啦又起
老實講好驚係一種好罕見既表皮T細胞淋巴癌
平均每十萬人約有0.36-0.46人左右，十分罕見。一開始以侵犯皮膚為主，隨著疾病的進展，癌細胞會侵犯到淋巴系統和內臟器官，臨床上皮膚表現一開始為散佈性的紅色斑點或丘疹，有時伴隨著脫屑和癢感，分布位置常在陽光照射不到的位置，與一般皮膚癌如基底細胞癌、鱗狀細胞癌等，好發於陽光曝曬的部位不同，十分特殊，診斷相當困難，容易讓一些較無經驗的醫師認為是濕疹或是牛皮癬，因而延誤病情。
症狀真係好似.
睇過3個西醫都係話濕疹, 但其實我自己覺得唔多似

夜晚用雪凍的新鮮蘆薈敷臉 feel到緊緊地就洗
中學有排keep住 冇生過暗瘡
到而家出黎做野都好少

你地當時a酸係食幾多劑量
點解啲人講到咁神但我效果又不大

我都中過招 果酸加激光搞到成面暗瘡
去睇專科 醫生一聽到呢個配搭另曬頭
話皮膚敏感唔可以做呢啲facial 做完會變到好sensitive
搞到食左2次抗生素夾埋成3個月
爆瘡爆左足足2年
宜家冇事 連mask都唔敢點敷

我係一做果酸塊面就紅晒好似燒傷咁
跟住塊面除咗變得更敏感就無好轉

真係要好小心 盡量唔好刺激皮膚

唔係好記得喇 差唔多十年前食

暗瘡肌係好煩 我有段時間又係系咁爆瘡 要去睇皮膚科 最後都係自己戒晒油膩炸野甜野 早訓多飲水 見有瘡想出就飲定痘痘清果D草本野清熱毒 而家塊面好左好多
做運動放鬆心情都好重要! 唔好放棄呀!~

濕疹jj

你係好大範圍細細粒又紅
定成日一兩粒但勁多濃

飲金銀花水（買金銀花返屋企煲），日日當水飲，大概2星期左右見效

適當洗面 戒口好重要

前面有巴打介紹看下fb的輕鬆美膚, 抱住反正都沒救試下都沒所謂的心態一試
沒再用爽膚水(化妝水), 洗臉用返for敏感肌的洗臉泡, 洗臉方法跟伍YouTube咁教, 太潤的保濕cream都沒再用
試了一個星期多d, 沒之前用暗瘡洗臉膏咁乾咁易癢, 最緊要是沒再紅到一撻撻

試多一排再報告