有無人已經想放棄治療自己既皮膚？

由中一開始已經生暗瘡 生咗十年都未停
而家都係每日會爆新既出嚟
咩方法都試過 中醫西醫a酸美容療程...
由中學拎晒啲利是錢到做pt 再到而家出嚟做野
差唔多所有多餘錢都係拎去喺醫塊面到
但係一啲轉機都無 已經好灰
仲要以前生落留低好多疤喺度 做laser又唔覺有效 仲要晒勁多錢
我仲要係女仔 真係成日都想死
化幾厚妝都係一望就睇到啲皮膚有幾差
有人會讚你話你皮膚好啲就好靚女喇 聽到都絕望
又成日畀人勸要生活習慣好啲 睇醫生乜乜但我做齊晒都係咁
有無同路人呀

用過a酸？

同路人
不過我想問
1). 依家仲有KEEP住生暗瘡？
2). 果時A酸有無食足全個療程?
3). 做LASER係邊款LASER先?有啲LASER對凹洞係完全無效架喎

有食過

1）而家仲係 最近仲生埋啲石頭瘡
2）跟醫生食應該係掛 但對我嚟講好似無咩分別
3）fraxel 仲有一隻係外國出既機 我咗記得個名都有打過 微針都做過好多次 完全唔覺有效

我明 已經覺得唔會好
聽到啲人話咩你化少啲妝就會好嫁喇真係難聽過粗口，唔化妝好得翻既我好左十世啦

本身由一個皮光肉滑變到爛面果種心路歷程都好慘
可能荷爾蒙失調搞到爆一渣瘡 依家皮膚稍為穩定返少少 但都留好多印 同埋都有keep生瘡 同樓主一樣新生左粒石頭瘡
btw樓主有冇試過做果酸呀 因為我都試緊 效果尚算可以 只要搵岩護膚品就有得救

反正咩都試過 你又想放棄 不過直頭肌斷食
上youtube 搵陳怡 肌斷食，佢之前同你情況一樣依家白白滑滑，希望你好得返

如*

試下用 job 哥ga 自然療法入面ga 生果汁，上網搵一種生果排毒ga 日日飲睇下得唔得

我由小四開始生
我已經完全放棄咗由得佢

試下飲多d水

以前追女仔 追追下諗都係算鳩數 廢時影衰人

其實我地呢啲暗瘡人都係想遮暗瘡先化妝姐
以前中學都無化咪又係一樣咁爆

我都係暗瘡過來人 總會好返的 我暗瘡算好左九成 夜訓都好 係有時生一兩粒

我15-20歲果彈陣都生緊暗瘡 中六果年仲爆到成面都係 係塊面成十幾粒暗瘡 比人叫暗瘡哥 咩護膚品 暗瘡膏 中醫都試過 真係好絕望 之後食左一個療程a酸 食完之後都係復發 不過無咁嚴重 都有五粒瘡 之後我轉低敏感洗頭水 用暖水（有啲熱）早晚洗面 每次洗面都起碼洗三至四分鐘 洗到無油乾淨為止 唔用毛巾抹 用無香料紙巾抹或風筒吹乾 神奇既係真係慢慢好返 當然每個人好返既方法唔同 你可以參考下

想補充真係嚴重果陣要睇西醫

我試過做果酸但因為敏感 紅到七彩
睇醫生話我皮膚敏感同薄唔可以做果酸

多謝絲打 我會試下

係 根本得爛面先會明爛面既痛苦
但依家我都已經放棄左化妝有時出街都已經唔化了

已放棄

搵唔到喎 係咩嚟

我未轉過呀因為都好貴下
已經好怕再浪費錢 唔知睇邊個先有轉機

跟醫生食A酸起碼要食半年架喎
我食一ROUND就斷左尾無乜再生
但有人要食兩ROUND先斷
我都係高度推薦食A酸唔好再生瘡先

我之前都係做fraxel
類似叫fraction co2 laser之類既野
但至少要做5次以上先會見效
同埋唔好期望會完全無哂D凹白淨
我做完5次先好番5成左右 但已經滿意

而家情況點