Lady Gaga Bradley Cooper 星夢情深 A Star Is Born劇情討論區

我覺得劇情好普通
剪接好麻麻同拖太長
但聽歌就ok既

劇情d對白都有講緊佢好似為唱而唱咁 ?
仲有暗示gaga係度個場佢狀態最好之類 好過佢以前好多咁

之後又喊晒 又講四圍都播佢d歌 條友係咪睇到最後個度訓 左

好似佢隻耳仔一唔好佢就會食藥or飲酒去麻醉自己

我覺得Ally未紅前Jack仲係好紅
至少Ally跟去嗰兩場show都係萬人show嘅scale
但商演嗰度開始受耳鳴困擾
再加埋Grammy嗰單嘢
冇晒Job都好正常
但我認同係節奏太快

仲有一個原因係Jack愛嗰個係最原本 最真嗰個Ally
佢個經紀人完全係將Ally大改造
由唱 "I'm off the deep end, watch as I dive in..."
變做 "Why'd you come around me with an ass like that?"

一開始Ally仲有少少抗拒 (推走啲dancers...)
但後尾都慢慢接受左個新形象

其實Jack 瀨尿之前都唔係好兜踎唔受歡迎
只係被人搶咗個大show 主音位
最多都係新舊時代交替變咗元老級

亦無講過佢因踎躉有經濟困難等
只係酒癮毒癮愈來愈勁加上聽覺問題
佢本人睇落都唔多想接job
好耐之前都已經計劃封咪

仲有一開始jack話唔鍾意自己最hit嗰首歌
我覺得都係其中一個影響佢嘅因素來 (情緒病依啲通常係好多件事積積埋埋嘅後果 )

我估由佢話估唔到佢要接pharmacy張商演已經暗示左gaga紅之前佢已經跌緊watt
更甚者係佢訓係路邊果幕，其實前一幕係佢係pharmacy果個forum表演但食左粉，所以好大可能佢表表下演就黎冧咁，雖然無報新聞，但佢係人地啲健康forum食粉，可能係怕影衰個名，所以cover左呢單新聞

就算佢係大眾個名無臭
但好肯定以後連呢啲垃圾商演都唔會有佢份

連最後去Emmy 表演都只係佢呀哥幫佢

Band友會有咩壞習慣心知肚明啦！
鍾意得Rock就唔會覺得好酒毒係好shock啩
Anyway~講故唔好駁故
呢個疑竇繼續藏喺心入面好喇

agger
個人覺得La La Land真係一套musical film 會直接用音樂講故事/過場
但A star is born比較似一套講歌手嘅電影 只不過係個劇本關於唱歌

根本兩樣嘢嚟
只係唔知點解呢套啲簡介都係叫musical

Between 見呢到咁多人都鍾意呢套劇 等我講下啲相反意見
個人真係覺得呢套唔好睇 我自己本身都鍾意Musical film(雖然個人唔覺得呢套算係) 但at least唔會對音樂+電影呢樣野有唔好嘅印象而有偏見
成套野劇情好簡陋 亦唔知想表達啲咩
一開頭兩個主角好快一齊左已經覺得好兒戲 可能佢地一見鍾情 但我見唔到佢地之間有啲咩激情或者一拍即合嘅地方 好似為左劇情發展而一齊咁
可能因為佢地一齊嘅原因唔係重點 That's fine但之後嘅劇情仍然係好一忽忽
大部分情節兩個人嘅互動都係唱歌 一係就好似Sweet好冧咁講下“you are a sweetheart” “aww” 咁樣 但唔可以真正見到佢地之間嘅感情有幾深或者佢地之間對大家嘅啟發/影響 好似只係因為佢帶左佢上台唱歌而有exposure咁
男主角陋習嘅問題又冇講到好內心嘅想法/原因 只係輕輕講過佢嘅家庭背景 但亦唔明佢點樣可以咁悲慘嘅情況下都成功做到歌手上台表演 有一大堆fans 但到而家佢又好墮落咁
最後到自殺更加非常老土地有條友殺出講幾句賤到不得了嘅說話 男主出到黎本身成個人陽光哂點知即刻認同然後同一日就自殺埋
老實講 我自己本身非常鍾意睇啲沉重嘅戲 特別係講主角因為家庭背景影響個人成長/性格嘅野 每次都睇都唔能夠抽離 但呢套真係完全feel唔到感人嘅地方 而且同故事嘅角色亦都connect唔到
我都同意啲歌好聽同埋唱得好有感情 不過電影還電影 歌好唔代表套戲好喇

同埋唔明點解會話男主角"犧牲咗" 而女主角就變左star
男主角嘅墮落從來都唔關女主角事 佢一直因為家庭背景、身體狀況(耳仔)，甚或佢對自己之前演出嘅不滿而抑鬱同埋搞到有酗酒同用藥問題 大家之間係冇相對/換取嘅關係
女主角嘅名氣唔係因為男主角嘅墮落同死換翻黎
唔明點解會覺得男主角係"犧牲咗"

D dancers 係因為佢覺得佢好想係舞台盡情享受為佢一個而亮眼嘅焦點，我理解係咁，佢心情激動，覺得要自己一個！

你咁都睇唔明
男主角係一手帶女主角出身呢個樂壇
好自然大家的焦點係佢地呢對情侶身上
男的台上瀨尿失場、商業取消
形象如此負面
又怎不會對女主角的星途有所影響？
男主角最後用死 來救番Ally 的星途 ，也為自己的事業挽回一點尊嚴
最後的懷念演唱會座無虛席、阿哥講群眾不斷播番佢的歌
已經了然於心了

部份認同
無論係相戀 爭吵 熱戀 結婚 唾棄 和好 全部都係一閃而過。
我睇到佢地第一次表演完做愛，我下咗聲，但都兜到，一黎實有種人係好激情，一有野trigger到就做愛。
睇爭吵，有幕jack慶功，佢啪一聲暈咗，ally話：「佢成日都係咁唔洗理」，我當真係好常見，但jack醒返我唔記得ally講咗句咩，我又下咗聲，唔太合理。好似問jack又發咩癲？ （正常係問：冇事呀嘛 ？ 死得未？ 或者直程唔理佢）
睇熱戀，當係因為欣賞對方嘅talent，但又似你講嘅冇啲互相啟發，離唔開大家嘅鏡頭，全部用對話帶過。


不過除左感情，其他都表達到好好

我覺得唔想拖累ally同用死去成全ally係兩個程度，我覺得套戲冇講到犧牲呢樣野
純粹係觀眾overread,，因為後來佢呀哥都講係佢個人成長問題，男主角都話自己細個自殺未遂，女主角就認為自己唔夠坦承相對

由此至終都唔係講犧牲

姐係你覺得男主角死左就會令到Ally形象好左？
佢本身頒獎禮出醜 Ally經理人都幫佢搞掂翻 叫做將影響減到最低
而且之後已經過左幾個月 件事都算掉淡左一陣
難道你覺得男主角係個個時候“犧牲”可以令到Ally嘅星途更加順利？姐係啲大眾會覺得“好啦 佢老公死左喇 我覺得Ally變翻個好歌手喇”？
what's done cannot be undone
個男主角可能會轉牛角尖覺得自己係負累 唔想再影響到Ally 想佢開開心心過佢嘅人生同實現夢想 但真係估唔到會有第三者咁覺得

你試下諗堆(八掛)news outlet 瀨屎後/自殺後 報Ally會有咩分別?

正評係俾講相反意見但唔係用厭世語氣

我從來都無講過佢死左= Ally 公眾形象會馬上好左
凡事一定無你講咁二元推理
我的理解係男主角係女主角拎獎時做左d 咁失禮時
萬分愧疚唔想拖累女主角
加上胡思亂想下自殺
係劃清界線又好 生無可戀都好 已經無可挽回
同埋都係呢個圈的常態
生前被人柴台 死後點都會升番上神檯
Whitney Houston 就係一個好好例子
死左的明星 大家永遠只會記得佢最好一面

我想起香港傳媒報哥哥生前唱大熱：不男不女 不倫不類 同性戀負面標籤
死後：一代巨星 和唐唐20年感情眷蝶情深
Exactly the same
點會唔會有分別

電影中係想講呢樣野？
我miss 咗？