影人影景買咩鏡睇Q&A
攝影窮三代 單（無）反毀一生
鏡坑深似海，買鏡前請衡量銀包承受力
1）首先講下Sony機目前比較多人講嘅優缺點 ：
優點：機身性能好、對焦快、畫質好、價錢合理。
缺點：直出顏色唔討好、APS-C 鏡頭群略少。
直出顏色方面其實手機調兩下，Post 社交媒體已經夠做。
真係認真執嘅話用返Lightroom／Photoshop，Sony嘅Raw檔細節保留得好好。
引述巴打講過嘅：「無話直出唔得，曝光正常構圖好設定微調過，基本上實見得人嘅。不過Sony機基本上保留細節較多，一般直出會有層「Sony灰」，所以唔太理想。但係用Lr類軟件，套Preset (e.g. VSCO)再微調就會出色好多。」
APS-C 鏡頭群略少，變焦方面無乜選擇，定焦鏡應有都有。
2）選購機身懶人包
1”隨身機：
一般用途、主要影相 － Rx100 M3。
主要錄影、不需高速對焦、連拍 － Rx100 M4。
需要高速對焦 － Rx100 M5。
Full Frame 隨身機：
Rx1、Rx1R、Rx1R2。
APS-C 無反：
預算低 － a6000 － 最抵玩、機身性能比目前同價位機優秀。
預算中 － a6300 － 主要比a6000 Evf更好、對焦更快、手感更好、防滴防塵、影片方面全面提升。
預算高 － a6500 － 主要比a6300 多左觸控、五軸防震、影片方面過熱情況比a6300少。
需要自拍 － a5100 － 有觸控、180度反mon、操控性較a6000差、其餘同a6000。
Full Frame 無反：
預算低 － A7 － 轉接老鏡抵玩，呢個價買到Full Frame都無乜好描述，畢直夠建議直上二代機。
預算中等 － A7ii － 主要比A7對焦更快、有五軸防震、手感更好、有Slog。
預算高－ A7iii － 基本上手感、對焦、連拍、iso、各功能都比A7ii 提升左一個層次。
預算高 － A7Rii / iii － 買到過萬蚊一部機就自己做下功課唔好睇懶人包啦。
預算高 － A7Sii － 買到過萬蚊一部機就自己做下功課唔好睇懶人包啦。
預算高 － A9 － 買到過萬蚊一部機就自己做下功課唔好睇懶人包啦。
A7R 同 A7S 一代目前情況比較雞肋，你覺得上面幾部都唔岩你先再留言問。
畢直夠既話一律建議上三代。
A Mount機唔熟，但目前應該淨係有人買 a99ii 。
Rx10 系列唔熟，有需要再留言問下其他巴打。
3）鏡頭選購懶人包：
APS-C － 變焦：
Sel 16-50mm（Kit鏡） － 平、超輕、畫質麻麻，新手適用，如對畫質有需求可以唔洗買。
Sel 55-210mm （Kit鏡） － 抵玩長鏡，基本同上。
Sel 10-18mm f4 － 略貴、中央銳利、邊位較差、體積細、輕。
Sel 16-70mm f4 z － 貴、畫質好、體積細、輕。
Sel 18-135mm - 貴、Review寫畫質比1670同18105更好、整體手感好平衡。
Sel 18-105mm f4 g － 抵玩、半天涯鏡、電動Zoom、畫質好、體積大但唔重。
Sel 18-200mm － 不如買唔洗換鏡頭嘅機。
APS-C － 定焦：
Laowa 9mm F2.8 - APSC最強超廣？超細枝，畫質似乎唔錯
Samyang 12mm f2 － 平民超廣、畫質唔錯、輕、細、只有手動對焦。
Touit 12mm f2.8 － 基本同上，但畫質更好、價錢更貴。
Sel 16mm f2.8 － 平、超輕、細、畫質差、可外接廣角鏡變超廣，平民自動對焦超廣唯一選擇。
Sigma 16mm f1.4 | C －Sigma 新鏡，補齊左Sony一直無嘅高質等效24mm 大光圈，以三千蚊價錢黎講係超值。重量一般，畫質銳利，色散控制唔錯，但變形略為明顯。
Sigma 19mm f2.8 | A － 平、畫質好、等效28mm Iphone 視角、對焦會比原廠略慢、但日常絕對可用。
Sel 20mm f2.8 － 略貴、超輕、細、畫質一般、但畫質比Kit鏡同16mm f2.8好。
Sel 24mm f1.8 Z － 貴、畫質非常好、比喻為APS-C入面最正嘅鏡、夠錢必入。
Sigma 30mm f1.4 | C － 平、畫質非常好、f1.4大光圈、銳利到𠝹手、對焦會比原廠略慢、但日常絕對可用，抵買x100。
Sel 35mm f1.8 － 正常價、比上面嗰支輕、細、畫質無咁好、有防震。
Sel 50mm f1.8 － 平、畫質唔錯、輕、細、對焦較慢、有防震。
Sigma 60mm f2.8｜A － 基本同19mm f2.8 、較冷門。
比較少見／焦段差唔多嘅鏡就唔打了（Touit 32mm 之類……
Full Frame 鏡太多，輕輕帶過部份成日有人問嘅鏡：
FE 28-70mm （kit鏡）：畫質唔差，預算緊夠哂用。
FE 24-70mm f4 ：略貴、唔抵玩。
Samyang 14mm f2.8 －平民超廣、重、手動。
FE 28mm f2 : 抵玩，畫質唔差。
Samyang 35mm f2.8 ： 餅乾鏡、輕、細、畫質唔錯、竟然有自動對焦…。
FE 50mm f1.8 : 好多巴打都話伏：主要係摩打聲大、對焦略慢、畫質唔差。
FE 55mm f1.8Z : 巴打大推、銳利到𠝹手、但有洋蔥圈散景。
Loxia 50mm f2 ：只有手動對焦，經典Planar設計，成像唔比FE 55mm f1.8差，兩支各有風味。
FE 85mm f1.8 : 巴打大推、抵玩人像鏡、無防震、光圈全開可用。
FE 24-105mm f4 G：巴打大推、超高質旅行鏡，成像銳利、有立體感。
