7 Like
44 Dislike
比卡A夢
2018-10-08 02:37:18
一對十年前相愛既情侶。因某D不可抗力既因素而導致佢地從此分隔兩地而且失聯左十年。而十年後因為男主角的某次調職關係,佢係佢做野既地方再次遇上了佢曾經深愛過既女主角。究竟佢地可唔可以扭轉宿命再續前緣呢?
比卡A夢
2018-10-08 02:41:26
Chapter 1
「我一定會返黎搵你架!你要等我啊!」
呢句話雖然對好多人黎講唔係D咩重要野,但對我黎講。。。。。同我講呢番說話既人。。。。真係好重要。。。
好啦我都係介紹下我自己先
我叫林家樂。人稱家樂仔或者Wayne。今年廿六歲
個樣好似BEYOND個黃家駒(亦都好鐘意彈結他同夾BAND),身高174CM。身型偏向運動型。
而家係警務處商業罪案調查科高級督察,今日係我第一日係警察總部返工既日子
呢一日我西裝筆挺去完搵大Sir報到之後,然後同班新同事寒暄下
好彩我個Team既同事上司都幾Nice,好健談。並唔係我想像中咁似成班「有牌爛仔」
所以我基本上都好快同佢地打成一片
然後我就走左入去我自己個Office到整下D野同睇下D Case
不過原來調查科D File比起之前係其他環頭到做D File其實可以差天共地。好多都係D複雜嚴重案件,而面對既罪犯往往都比以前更狡猾更難對付
做做下野途中,原來又到Lunch Time
就落左去下面Canteen到買野返上去食
等緊lift個陣,有個著住OL套裝既靚女同個著住軍裝既師姐係我面前行過。。。
個女仔好面善,而且佢身上散發出一種獨特既香味
唔通佢返左黎?????
而呢種香味對我黎講係一種好深刻既感覺。。。
講下講下令到我諗返十年前所發生既事。
比卡A夢
2018-10-08 09:08:08
Chapter 2
十年前,即係2008年。我讀中四個陣
由細到大,我身邊既人,學校既老師都同我講高中同初中係兩個完全唔同既世界
因為初中你只要成續過到就升到班,但係高中除左要顧住學校成續之外,仲要面對兩個大魔王----會考同A-Level
而呢兩個大魔王相信對每個中學生黎講絕對係畢生難忘。
只要你衝到過去,就係贏家。衝唔過去,只可做普通人。
雖然我好想好想快D畢業,但係唔多唔少都有少少唔捨得班同學仔
所以今年都要全力讀好書同埋投入學生生活,唔好令自己後悔一生
好在我平時人緣都幾好,有一班同我由中一玩到上中四既死黨
佢地係高佬華,肥仔B,大飛,阿John。學校D人稱我地係「星矢五鬥士」。
而我地都係平時坐埋一齊打下波,食下野昅下女同學咁。
不過我咁毒點同女仔傾計呢???
比卡A夢
2018-10-08 09:23:11
Chapter 3
九月一日,相信對全港既中學生黎講係一個災難性既日子
由於我之前晚晚掛住打波同夾Band,所以我個生理時鐘仲未整返好
所以你叫我七點幾起身我又會點慣呢????
不過馬死落地行,幾攰都要頂硬上
於是我買左個包就即刻跑返學
一返到去就見到高佬華佢地睇緊分班紙
OMG!!!原來我地被人分晒班
而我就同大飛編左入C班,(A同B班係Science班,而C同D班就係Commerce and Art班)。而高佬華就係A班,阿John就B班。同埋肥仔B就D班。
我心諗今次真係好好彩,如果唔係我應該今年肯定比人革扯( 因為我由細到大都好憎Phy Chem Bio)
然後我地就排好隊等行開學禮
而今年個班主任係廖Sir,佢雖然都有成四五十歲,但佢係一個好搞笑同為學生好既老師。所以我地個個學生都好尊敬佢,當佢係老豆咁拜。
不過其實開學禮都係講下D無謂野同介紹邊個邊個係班主任
然後我地就入課室搵位坐。。我就當然同大飛坐啦!
首先都係聽廖Sir講下野,然後佢就話今年有個女仔轉入黎
跟住成班男仔就係到問係咪靚女黎(當然我都有問)
突然間廖Sir就話佢要帶個新同學入黎,叫我地唔好係到搗亂
當然我地唔會理啦,大家都係到一齊搗亂啦!!!
十五分鐘後,廖sir就帶左個新同學上黎
我地成班男同學都即刻定左係到。。。。。
比卡A夢
2018-10-08 09:31:59
係,不過後尾先有
比卡A夢
2018-10-08 12:09:29
Chapter 4
新同學: 「大家好!我叫陳雅雯!你地可以叫我Mandy或者雯雯都得!今年岩岩先轉黎呢間學校!多多指教!」
我一直都目不轉睛咁望住佢。因為佢真係好靚好靚
個女仔都有成160CM高,而且有水汪汪既大眼睛,均勻既身材(都有C級左右,而且四肢都幾纖瘦),氣質清秀而且皮膚都幾白滑。個樣都同AV女優大槻響幾似。不過睇佢有少少怕醜咁款,應該都係乖乖女個類型。
然後廖sir就話:「陳雅雯你坐林家樂隔離啦!呢條友係我地級最出名既名人黎架!你幫我昅住唔好比佢搗亂啊!」
雯雯:「知道!」
我:「。。。。。。。」
跟住成班人都係到怒啤住我,我都唔知開心定唔開心好。
大飛:「家樂仔你就好啦!有個靚女坐你隔離!你Happy啦!」
我:「多事啦你!」
當然開學第一日除左分座位,攞功課簿同埋選下班務同正副班長個D例行公事
選選下其間廖Sir就叫左我起身要我做今年既班長同風紀長
WTF?????要我做呢D???廖sir你好野!!!!!
我:「廖Sir你可唔可以比其他人做啊?」
廖Sir:「呢兩個位岩你做啊!你係最適當既人選黎架!除左你冇人岩做呢兩個位啦!加油啦!!」
我:「。。。。。。」
廖Sir:「好啦,選完班長然後要選多個副班長啦!不過今次要搵女仔做啦!男女平等啊嘛!邊個女仔想做啊!?」
結果全班都冇人出聲,估唔到最後廖sir竟然會揀雯雯做副班長。
OMG!!!!!又要我帶新人救命啊!不過都好有個靚女做我副手點都開心既!
比卡A夢
2018-10-08 20:16:03
Chapter 5
跟住雯雯就坐左我隔離
不過可能我同佢都比較怕醜,所以都冇咩交流。
只係間唔中望一望佢
唔知點解雯雯真係好靚,搞到我有少少遐想
不過唔知點解佢白到成個雪人咁,同埋睇落佢面色比較柔弱
唔經唔覺又放學(因為今日係開學禮所以都係返半日)
想拎書包個陣,大飛係到叫我
我:「點啊飛哥?」
大飛:「睇黎廖Sir對你幾好喎!比班長同風紀長你做!又比你同靚女坐!」
我:「哇你呢下似搞WO!」
大飛:「都唔搞你啦!下晝去唔去打波啊?」
我:「點會唔去啊?等埋高佬華佢地行得!我急尿啊!去廁所揸水先!」
大飛:「門口等啦!」
我去廁所出黎之後,就見到雯雯企左係出面。
然後佢就細細聲咁問我:「係呢班長啊,你知唔知呢到有冇野食架?」
我:「呢到有小賣部架!有麵同埋野飲買!或者你lunch可以帶野返黎同出去食都得。」
雯雯:「係啊唔該你先!聽日見啊!係呢點稱呼你啊?」
我:「你叫我做家樂仔就得啦!個個都係咁叫我架!」
雯雯:「家樂仔,幾好聽啊!我叫雯雯啊!多多指教!你係我係呢到識既第一個同學仔啊!」
我:「係咩?多多指教!」然後我地兩個就握手
然後大飛係門口大叫我走得未?
雯雯:「你班好朋友叫你啦!聽日見啦家樂仔!」
我:「聽日見啦!雯雯!」
就係咁我同雯雯既第一次傾計就完左
然後我就同大飛佢地去左打波打到夜晚。。。。。。
比卡A夢
2018-10-09 22:31:29
Chapter 6
開左學幾日,大家都好專心咁聽書同抄Notes
而我同雯雯都有Keep住傾計
不過黎黎去去都係打招呼同學校D野,基本上都唔會講私人問題
原來雯雯讀書都幾勁,基本上課堂既野佢都可以handle得到
所以個個老師對佢D印象幾好
我諗佢以前肯定都係讀Band 1既學校(我個間係Band 1男女校)
然後又到自修堂,我同雯雯比廖Sir捉左去幫佢由教員室攞返D功課簿比大家
可能我同雯雯呢排傾計多左,所以可能講野冇咁多顧忌
我:「係呢你慣唔慣啊?」
雯雯:「OK啦!同埋你地都幾易相處WO!」
我:「係啊!佢地都幾好人同玩得架!係呢你以前係咪都係讀英中啊?」
雯雯:「係啊!不過我以前D同學好鬼寸架!又成日係到寸人同埋自以為是!你地容易相處好多!」
我:「係咩??其實你主動少少得架啦!佢地都好易相處架!」
雯雯:「點解既?」
我:「因為我囉!」
雯雯:「WOW!」
我:「係呢?點解你面青口唇白既?你唔舒服啊?」
雯雯:「唔係啊!我由細到大都係咁架!」
我:「Sorry!」
雯雯笑盈盈咁同我講:「唔緊要啦!多謝你關心先!」
佢呢個笑容,令到我而家都記得!
比卡A夢
2018-10-09 22:39:33
Chapter 7
突然有一日,我放學之後要留低要做壁報,連波都冇得練
事關咁既,因為我地學校規定每一班都要做壁報。而且要指名導姓要每班既班長做統籌,仲要一個星期內要交到貨
又姐係搞我姐。。。。。。。
不過成班人一聽到要做壁報就即刻縮晒沙
練波既練波,補課既補課
大佬啊我夠要練波啦!!
不過既然廖sir開到聲同比呢個位我做,咁我都要做既。鬼叫自己做呢個位咩???
於是我唯有頂硬上。。。
做做下途中,雯雯就行左入黎
我:「你仲未走咩?」
雯雯:「放學又冇咩野做咪幫你手囉!驚你搞唔掂啊!」
我:「多謝你先!」
雯雯:「估唔到你除左幾玩得之外做野都幾認真WO!」
我:「你而家先知咩?」
雯雯:「冇架!淨係知你係校隊同埋都幾Active咋!係呢佢地呢?」
我:「佢地算把啦!一聽到要做壁報仲即刻雞飛狗走咩?我仲要去練波架!」
雯雯:「咁仲唔快D做??一齊快D做完就早D走啦!」
於是我地就馬不停蹄咁趕工
話咁快我地傾下傾下咁好快做完,多一個人幫手果然唔同D既
我:「係呢雯雯啊?你點解會轉黎呢間學校既?」
雯雯:「因為我Daddy之前調左黎呢區到返工咪索性搬屋轉校啦!同埋呢間學校係全區最好既學校黎架!再加上呢到既環境好適合我咪轉黎呢到囉!」
我:「你咁叻讀邊到都得啦!」
雯雯:「邊係呢邊係呢?我都係日日聽書先識架!不過D Econ Acct唔係好識囉!!我可唔可以問你啊?!」
我:「你唔識就問我啦!」
雯雯:「一言為定啦!係呢我都走先啦!你快D去練波啦!」
我:「好啦!拜拜!!」
同雯雯分開左之後,我就去左籃球場到練波
一去到教練梁Sir就叫我即刻換衫埋位
中場休息個陣大飛同我講:「你呢排同雯雯傾得好開心喎!」
我:「你同Victoria都好好傾啦!」(Victoria係我地既班花黎,亦都係大飛既夢中情人)
大飛:「不過睇落你同雯雯都幾襯啊!」
我:「多事啦你!」
諗諗下其實自己有諗過同雯雯會唔會行埋一齊
不過算啦,我要比心機讀書同打波。將來要令自己好過D
比卡A夢
2018-10-10 17:24:59
Chapter 8
開左學唔夠半個月,個會計Miss話要測驗
成班同學即刻屌晒鬼
然後雯雯就細聲同我講:「哇乜咁快測驗啊?」
我:「你淆底啊?」
雯雯:「咁人地真係唔識啊嘛!」
我:「你繼續扮啦!」
雯雯:「我真係唔識架!」
我:「我諗第一次唔係好難姐!」
雯雯:「你放學得唔得閒啊?」
我:「OK啊我,好在今日唔使練波姐!不過我驚我自己會誤人子弟咋!」
雯雯:「好過你唔教我啦 !」
於是我地放學之後就留係課室到溫習
其實雯雯資質都唔差,只不過理解方面係差少少。其他都OK既
而經過我一輪既詳細教學,佢都大約都明D題目點做
雯雯:「多謝你啊家樂仔!」
我:「客咩氣啦!最緊要你明白點做姐!」
雯雯:「嘻嘻!不過聽完你講之後我都識架啦!不如你比我電話號嗎同MSN你啦!到時可以再慢慢問你啊嘛!」
於是我就比我msn佢
我:「係呢你食左野未啊?」
雯雯:「未啊!不如一齊食啦!我請你啦!」
我:「我知附近有間賣雞蛋仔同夾餅既小食店,我帶你去啦!」
雯雯:「好啊!不過唔好咁貴就得!」
去到間小食店,個事頭婆一眼就認得我
事頭婆:「喂靚仔你帶埋你女朋友黎啊?」
我:「唔係啊!我同學黎咋!」
事頭婆:「好啦一人加多料比你地啦!」
然後雯雯就即刻攞左20蚊。仲幫我比埋錢
我:「估到你真係做得到WO!!」
雯雯:「你下次請返我就得啦!」
我:「好啊!不如邊食邊講啦!」
雯雯:「OK!估唔到幾好食WO!你成日食架?」
我:「係啊!我由細食到大架!」
雯雯:「好啦!下次要帶我黎食啊!你請!」
我:「好!係呢你住邊頭架?不如比個機會我送你返屋企啦!費事你比人捉左去啦!」
雯雯:「邊會比人捉左去啊?」
我:「行啦咁多野講!」
雯雯:「知啦!」
我就送雯雯返屋企,原來佢住係學校附近D豪宅(我間學校係何文田)
雯雯:「我到啦!」
我:「原來你咁Rich啊!有錢女!」
雯雯:「係啊!今晚msn講啦!拜拜!」
然後我就去左打波,再坐地鐵返觀塘 (我屋企住係觀塘)
Dllmskr
2018-10-13 00:18:27
LM
比卡A夢
2018-10-18 02:35:23
Chapter 9
返到屋企我就邊開msn同做功課溫習
一開就有個陌生既Msn加我,原來係雯雯
雯雯:「喂衰人你可唔可以講多一次D重點比我聽啊?」
我:「可以啊!一罐咖啡!」
雯雯:「殺你!」
我:「OK Just Kidding!!」
雯雯:「你好衰架又玩我!」
然後我逐步逐步好細心咁解釋比佢聽
我:「我記得我地練習紙同書有好多例題做架!你做完就比我睇啦!」
雯雯:「OK!」
於是我就自己繼續做功課同等雯雯D答案
過左一陣,佢就打晒D答案比我睇
我:「岩晒WO,咁咪幾好!」
雯雯:「但係我都係冇咩信心!」
我:「唔使驚架!最緊要對自己有信心!加油啊!」
雯雯:「係呢你同大飛係咪好FD架?」
我:「係啊!我同佢由幼稚園識到而家!大大話話都十二年啦!」
雯雯:「WOW!!!!」
我:「我仲有其他FD架,下次介紹比你識啦!」
雯雯:「咁你同大飛咪好有默契囉!」
我:「係架!我地成日一齊打學界籃球同夾Band架!」
雯雯:「你打波同唱歌咁叻可唔可以教我先!」
我:「好啊!要交學費WO! 」
雯雯:「又玩我衰人!」
我:「好啦唔玩你啦!咁你平時玩咩多!」
雯雯:「我就鐘意打羽毛球啦!」
我:「一年打一次?」
雯雯:「痴線!句句都啄住晒!」
我:「或者上PE或者班際睇到我D英姿呢?」
雯雯:「好!你鐘意咩歌架?I mean流行歌!」
我:「我鐘意Eason同許志安!」
雯雯:「咁老餅架你?」
我:「咁你呢?」
雯雯:「我就鐘意容祖兒Twins個D啦!」
我:「咁搵日一齊唱K?」
雯雯:「好!我溫埋習先啦!再講啦!聽日見!」
我:「聽日見啦!」
我諗諗下其實雯雯呢個女仔都幾好。。。
不過算啦!我都係想幫下同學姐!最緊要幫到人幫到自己!
比卡A夢
2018-10-18 02:35:49
Chapter 10
話咁快輪到聽日測Acct既日子
由於Acct堂就係早會之後個堂,我地交完功課之後就即等個Acct個Miss黎
呢個時候雯雯行埋黎我到。。。。
我:「有冇溫習啊?」
雯雯:「當然有啦!唔知點解我聽完你講之後就明白好多!」
我:「比D信心自己,同埋唔好咁緊張就得架啦!祝你好運!」
雯雯:「你都係啊!加油!」
然後個Acct Miss行左入黎就開始測驗
好在佢要個D Syllabus我全都有溫,所以我就好快做完。而且仲有時間係到覆卷。
我就順手望下雯雯個樣啦,又真係幾靚BO!
過左一陣就打冷鐘,亦都係交卷時間
雯雯細聲問我識唔識
我:「OK啊!你呢?」
雯雯:「還好吧!好有信心會Pass啊!」
我:「咪好囉!!」
唔聲唔聲又到放學時間
雯雯:「喂衰人你使唔使練波啊?」
我:「唔使啊!做咩啊?」
雯雯:「不如我地去行下街啦!就行下旺角啦!」
我:「好啊!」
於是我地去左信和到行下街
傾傾下都講返大家鐘意唱咩歌
於是我就唱我最愛既「一步一生」比雯雯聽
雯雯:「你唱歌幾好聽WO!」
我:「係咩!???」
雯雯:「不如搵日一齊唱K啦!或者報學校個歌唱比賽啦!」
我:「好啊!」
行行下見到我死黨高佬華同阿John
今次仆街啦!!見到佢地兩個係到奸笑
雯雯:「喂佢地兩個會唔會捉我地返學公審架?」
我:「好難講架!不過我同你係清白,冇事既!」
我地行左一陣,見天色就黑。於是送左雯雯返屋企。而我都返左屋企!咁又完左我地個Happy Friday!
比卡A夢
2018-10-18 02:36:12
Chapter 11
放完兩日假又到星期一
我同雯雯一返到去就比大飛,Victoria同其他同學捉左埋黎公審
搞到我地兩個面都紅埋
其實我都知係高佬華同阿John呢兩個大喇叭傳開去
我就好睇得開既,不過唔知點解雯雯塊面超紅
可能當時我對佢仲未產生D咩感覺
而我地都Keep住互教大家同星期五行下街
有一次佢無啦啦問我野。。。。
雯雯:「喂睇黎你個兩個狗公Friend幾勁BO!」
我:「我都慣架啦!!咪當佢地發下Up風囉!」
雯雯:「你冇feel架咩?」
我:「把口生係人地到,人地鐘意講咩就有得佢地囉!你唔使太過介懷架!睇開D就冇野架啦!!」
雯雯:「都岩既,最緊要你知我知咪得囉!!」
好在雯雯都係講道理既人,如果唔係我真係67了!!!!
之後我放學就係日日同雯雯msn傾計,再唔係就係校隊練波同溫習
比卡A夢
2018-10-18 02:36:40
Chapter 12
話咁快今日就係派返上次Acct測驗既日子啦
好在今次Miss話全班都Pass晒,冇人肥佬
見到雯雯鬆一口氣,我就知幫佢溫習就肯家冇錯架啦!
睇返自己份paper,原來我今次係攞滿分。係全班最高分個位!
雯雯:「死啦我驚好低分啊!不如你幫我睇下啦衰人!」
我眼尾望一望,原來雯雯同我同分
我:「都幾低分架!唔緊要!下次再努力D囉!」
雯雯:「都預左架啦!BTW合格就好了!」
跟住我就比返份paper佢。。。。。
而雯雯既心情由沮喪變到開心到彈起
之後佢就打左我一下:「衰人又玩我!比你嚇到心臟病發啊!」
我:「咁咪好囉!」
雯雯笑盈盈咁講:「多謝你啊衰人!」
唔知點解佢笑個樣真係好靚,好迷人
原來又到放學時間
雯雯:「喂衰人放學去行街啦!!」
我:「好啊!幫你慶祝啦!」
雯雯:「好啦!」
於是我就同佢去返間小食店到打算請返佢食野
點知當我想由銀包攞錢出黎既時候,雯雯就已經幫我比左錢
我:「傻妹你做咩幫我比埋錢啊?」
雯雯:「咪當學費囉!」
然後我地就邊行邊食
雯雯:「其實你份人都幾好啊!不過就貪玩左D!」
我:「你而家先知咩?」
雯雯:「同你合作左咁耐點會唔知啊!!問你一個問題啦?」
我:「咩事?」
雯雯:「點解你要咁幫我既?」
我:「我地係同學黎架嘛!幫D有需要既人係必需既!如果我唔幫你呢,我驚我會怨到自己八十歲啊!」
雯雯:「你以為你可以怨到八十歲就可以唔怨啦咩?」
我:「放心啦!我諗我到八十歲既時候我已經撒手麈寰,離開左呢個世界啦!」
雯雯:「大吉利是過你啊!」
講下講下又原來又天黑,於是我就送左雯雯返屋企!
比卡A夢
2018-10-18 02:38:14
Chapter 13
時間過得真係好快好快,原來已經開左學成兩個幾月。岩岩完左我地第一個sem既考試
講下我地班既情況點啦。雯雯開始同我地班既其他同學變到好friend,當然其他同學亦都開始主動同佢有接觸
而佢中午會同Victoria一齊食lunch
而Victoria亦都係我地班既其中一個班花黎
不過就比雯雯黑少少(都係白底,面色紅潤D),有170CM高。齊蔭馬尾髮型,眼大大。個樣似波多野結衣咁
由於佢係我地學校既女子排球校隊隊員,所以佢運動神經都幾好。而且身型都幾Fit。
再加上佢份人都好active同好nice,所以學校既老師,同學都對佢好好
不過我知大飛一直都暗戀Victoria,再加上我同佢地兩個係燒黃紙兄弟,所以我唔會對Victoria有意思
當然啦而家雯雯同Victoria好似孖生姊妹咁,無論食飯定玩都係一齊
但如果當雯雯同我一齊溫書個陣,Victoria同大飛就好識做自動波咁行開左去
十一月對我黎講有咩特別呢?就係一年一度既校運會
對我呢D校隊既人黎講又係一個表演既舞台
而我就好似一如以往報左800,1500,5000同4X100既賽事
不過雯雯好似冇報任何賽事。都岩既佢始終成日面色唔好
如果佢出左事我真係會好內疚架。。。。。
我:「雯雯你做咩唔報既?」
雯雯:「冇法啦我運動唔叻。你報左D咩啊比我睇過?」
我未回應,佢就攞左我張報名表黎睇
雯雯:「哇原來你咁勁架咩?咩都報曬咁WO!」
大飛:「家樂仔好勁架,呢D項目差唔多年年都係佢拎第一架!」
Victoria:「係啊同埋幾乎成個中四黎講差唔多係家樂仔最快架!我地個個叫佢做跑狗樂啊!」
我:「你都唔差啦Vic姐,你係女子組冠軍黎架喎!」
係到利申返啦,由於我地學校規定所有運動校隊隊員都要報呢D項目。所以我就唯有頂硬上
可能我由細到大都鐘意走黎走去,所以先跑得咁快
好啦,話咁快到左我地既第一日賽事(因為我地學校係一連賽兩日),同埋完晒又有兩日例假放
前一日雯雯就無啦啦問我一唔一齊食野
我心諗有個靚女同我食野,無論點都要應承既
當然大飛亦都好識做,自動自覺地搵Victoria食早餐
雖然都有少少期待,但係其實我都冇咩野
當日我約左雯雯去運動場附近間M記到食野
不過我習慣會早少少到,點知雯雯同我差唔多時間到左
雯雯:「你做咩咁早到既?」
我:「咁我由細到大都習慣早到既!」
雯雯:「快D行啦!本小姐好肚餓啊!」
我地就行左入去買野食
我同佢就各自買左魚柳包
雯雯:「做咩唔食咁多野啊?」
我:「一陣要比賽唔可以食咁多架,如果唔係會跑唔郁架!你啊食要多D野架!」
雯雯:「知啦!你拎你右手出黎先?」
我:「做咩啊?」我就拎左我右手出黎比佢
然後佢就係我右手到戴左條手繩。
雯雯:「我親手織架,尋日織左好耐架啦!」
我:「多謝你啊!好靚啊條手繩!」
雯雯:「一陣比賽要加油啊!我會為你打氣架!」
我:「收到啦!行啦我地!」
食完之後我地就行左入運動場到報到
因為我同雯雯係班既正副班長,所以我地兩個要代表我地班出去列隊主持開幕儀式
當然黎黎去去都係等校長同班師兄師姐講下野Dum時間啦
係過程中我同雯雯係到互相對望
我:「你熱啊?」
雯雯:「少少啦!不過咁大個女都係第一次係到列隊!」
我:「你以前冇試過咩?」
雯雯:「我以前學校都冇呢D野!」
我:「忍多一陣啦!好快就完啦!」
完左之後我地就返上舞台!
雖然我跑得快姐,不過其實如果比起田徑隊既師兄師姐我當然就差D啦
完左之後,就係班C,D組既小朋友去比賽啦(小四至小六就係D組,中一中二就係C組,中三中四係B組,而中五打後就係A組
而我個級就係B組啦,不過我地組既賽事就留返係下晝先開始
臨放飯個陣大飛就提議叫我,雯雯同Victoria一齊去食飯
我地食完之後就返左運動場等我地組既賽事
首先就係800米決賽
我檢完錄之後,我就開始出去熱身準備比賽
果然一如所料係我地聖矢五鬥士落場
而我地都好認真咁跑
最後係勢均力敵既情況下我以0.2秒之差贏左佢地
「家樂仔大飛你地好勁啊!」然後我班同學咁到對住我同大飛歡呼
見到雯雯係到對住我微笑同單眼,佢個笑容同眼神真係不得了
唔知係咪雯雯條手繩發揮左作用呢???而係跟住落黎第二日既1500米同最考耐力既5000米
雖然我係1500米賽到攞左冠軍,不過可能因為頭先做得熱身唔夠所以而家D肌肉開始撕裂,仲要好痛
雯雯見到我痛苦個樣,就問我頂唔頂得住
不過我點都話OK
過左一陣最考耐力既5000米就快要開始,呢個時候既我感到好大壓力,因為呢個比賽係不分組既比賽項目,要應付既對手係一班田徑校隊既師兄,所以我都好驚自己會輸
跟住我落左跑道到Stand By,一開始既時我地大家都勢均力敵,而我暫時個傷勢都唔算嚴重,所以我都可以去到頭二,三位
可惜去到最後一圈,我開始體力透支,速度開始下降,視野開始模糊
唔通我今次真係要輸。。。。
突然間一把好熟悉既聲音正傳入我既耳仔。。。。。
「加油啊!家樂仔!你得架!」
係雯雯啊!於是我將自己既肌肉拉緊,亦都唔理自己既身體狀況,用盡最後一口氣,開恆Turbo向前衝
廣播:「衝線啦!第一名就係4C班既林家樂啦!」
班同學仔係看台上見到我跑第一就係到不斷歡呼,不過,我因為太痛既關係,我咩都聽唔到,只係到不斷喘氣
雯雯好心急咁跑過黎我到,蹲係我隔離
雯雯:「點啊!好辛苦啊?」
我:「我得左啦!!全校第一啊!」
雯雯:「你威啦全校第一名!」
我:「咁就好啦!HAHA!」
雯雯:「好咩啊?你睇下你啦!跑到就黎死咁!做咩要咁膊啊!盡左力咪算囉!」
我:「本來我唔得架啦!我突然間聽到你把聲。。。」
雯雯:「你咁都聽到既?」
我:「我聽到你叫我加油,我至跑得贏咋!HAHAHA!」
雯雯:「好啦!起身啦!我扶你啦 !」
於是雯雯扶左我起身。。。。
就係咁我就贏左全校5000米既第一名!
我同Victoria亦都順理成章攞到我地組既男女子組全場冠軍,而我地C班亦都得到今屆B組既班級冠軍
我地攞完獎之後,就返左去看台到坐低
成班同學圍住我黎歡呼,連廖Sir都話我叻仔
Victoria:「我都話家樂仔果然唔係浪得虛名架啦!你見到啦雯雯。」
大飛:「咁我呢勁唔勁啊?」
VIctoria:「你都勁啊!!」
今屆既運動會咁就完左,而我地影完班合照之後就各自散水
雯雯:「你好勁啊家樂仔!」
我:「講返轉頭真係要多謝你條手繩啊!」
雯雯:「我條手繩真係咁勁咩?」
我:「唔知呢?」我講左之後就比左我其中5000米既冠軍獎牌佢,掛落佢身上
雯雯:「做咩啊?」
我:「送比你架!」
雯雯:「多謝你啊衰人!」
我:「咪當多謝你條幸運手繩囉!好彩冇刻名咋!同埋呢塊牌你都有份!所以你應得既!」
雯雯:「咁我多謝你塊牌先!」
唔知點解今屆運動會過得特別開心。。。。可能因為有雯雯呢個幸運女神係到啦
不過比賽完真係好攰,搞到我D肌肉嚴重撕裂,行路都成問題
睇黎真係要抖一個星期唔好打波啦。。。。
比卡A夢
2018-10-18 02:38:59
Chapter 14
校運會完左之後,原來已經踏入十二月
而第一個sem既成績亦都出左。。。
一如以往我都係全班第五,而雯雯就考到全班第二
而大飛同Victoria都考到前十名
雖然我出晒名係全班最爛玩嗰個,但係我點都識分配時間去讀書同玩
所以由細到大我讀書成績一向都冇咩大問題。(除左Phy,Chem,Bio呢三科係我頭號公敵之外)
然後自修堂期間廖Sir叫我地全班人係聖誕party到諗定D節目同訂咩野食
因為廖Sir話要民主,所以個話事權都係我地到。只要唔好有欺凌既情況出現得架啦
而我就同雯雯就要負責去收集意見同埋做統計
最多人投票既節目就係「中四C班紅白歌合戰」(即係男女歌唱比賽)
而廖Sir竟然都玩埋一份,佢仲話一定要男女混合黎唱
然後其他同學就係到不斷咁掇合我同雯雯
廖Sir就話咁就正副班長就帶頭啦!
喂喂喂姐係又擺我地上枱!!!
放學雯雯就問我到時唱咩歌好
於是我提議不如唱「其實你心裡有沒有我」啦
點知雯雯居然話OK
我:「咁不如搵日一齊出黎練歌啦!」
雯雯:「OK!」
我:「不過我好似未有你電話WO。」
雯雯:「我都未知你電話係幾多添。」
我:「冇法啦我部電話多數都係攞黎聽歌用既。好少打電話。」(嗰個年代大家都係用Sony Ericsson機,而iPhone當時亦都未普及)
雯雯:「你咁得意既?唔講真D以為你真係用緊Call機添!」
我:「好好笑啊哈哈!我比我電話你啦!」
雯雯:「幾多啊?」
我:「9XXXX899啊你呢?」
雯雯:「6XXXX345啊。」
我地就互相交換左電話號碼。。。。
跟住個幾日我地係到瘋狂練歌
到左聖誕party個日
我地班就訂左出面餐廳既到會野食
而廖sir就宣佈我地中四C班既紅白歌合戰就正式開始啦!
去到我同雯雯唱個陣,大家既掌聲變得好熱烈同不斷係到歡呼
搞到我同雯雯唱「其實你心裡有沒有我」個陣面都紅埋
唱唱下途中我就好唔自覺咁搭住雯雯既膊頭,而佢就好Enjoy咁
唱完之後大家都話我地唱得好好!
我就問雯雯緊唔緊張啦,佢就答我好Relax,仲話有我係到就咩都唔怕
而大飛同Victoria就唱方力申同鄧麗欣個首既《好好戀愛》
然後全班又係到起哄。。。。搞到佢地面都紅晒
呢個party就係一片歡呼聲下結束。。。亦都開始左我地既聖誕假期
放學之後雯雯問我平安夜個日不如一齊出黎唱K
難得有女仔肯主動搵我去街,我當然唔會Say No啦!
不過呢家野最好人多最好,所以我話想叫埋大飛同Victoria
結果佢地兩個都OK,而雯雯都好同意
然後我就負責提早去Book位,因為驚假期多人
我個心情真係好開心好興奮,因為唔使再自己一個過聖誕啦!
比卡A夢
2018-10-18 02:39:36
Chapter 15
話咁快又到左平安夜個日
以前假期一般都係打下機,射下籃球或者同屋企人過
不過今年對我呢個毒撚黎講應該好high
因為可以同女仔一齊玩
如是者,我醒左之後就同大飛佢地去打波
打完波就返去沖涼食野就出去
由於我地四個都唔同區住,加上間K場係旺角,所以我地就約左係旺角地鐵站到等
不過都係我最早到
呢個時候,雯雯就Call我
我:「咩事啊陳小姐?」
雯雯:「呢個唔係Call機密嗎咩?」
我:「我又冇咁落後。你出門未啊?」
雯雯:「出左啦!你呢?」
我:「出左啦!到埋啦!」
雯雯:「你望下右手邊?」
我即刻望過去,佢突然間係我面前出現
真係比佢嚇親
佢今日著件卡其色乾濕褸,黑色及膝裙加黑色ledding,再加埋對黑色短boot,嗚啊
雯雯:「你咁早到既?」
我:「我一向都習慣早到既!」
雯雯:「咪幾好囉!係WO佢地兩個未到既?」
我:「差多啦,大飛岩岩Call我而家落車!」
而呢個時候大飛同Victoria就一齊出左黎
估唔到Victoria都著到靚一靚,因為佢平時同我地兩個運動look出街
然後我地就出左去地鐵站,行去K房到攞位
由於我想到時唱K想大家舒服D,於是我就BOOK左間大房
一去到當然大家狂係到點歌啦
之前都留意到雯雯都鐘意容祖兒D歌,佢都點返容祖兒既歌啦
至於Victoria就鐘意Kelly啦,而大飛就咩歌都點D
趁班女仔仲係點緊歌個陣,我就點左我地五鬥士既隊歌《唱這歌》啦
當然我同大飛邊唱邊跳舞啦,搞到Victoria同雯雯都笑到見牙唔見眼
我見雯雯係咁對住我單眼同笑,我就知唱呢首歌就冇錯啦
至於大飛係比Victoria狂like,佢面都紅埋
好啦終於輪到班女仔唱歌啦
首先就係雯雯唱《逃避你》啦,原來佢真係唱歌好勁。唔怪得上次同我係聖誕party唱歌個陣唱得咁好聽啦
而我同大飛當然用行動去回應佢啦
不過Victoria既歌喉都不相伯仲,佢唱個首《伶仃》都好勁。
我&大飛:「Vic姐你唱歌好勁啊!」
Victoria:「多謝啊!」
跟住落黎我地就輪流唱歌同食野,有D男女合唱歌就我同雯雯唱,有D就留比Victoria同大飛唱,同埋男女組合就我地四個就一齊唱
唱唱下又到交房時間,由於差唔多成十一點半。我地都決定打道回府
而我同大飛之前已經夾好左,陣間就各自送一個女仔返屋企,然後一到十二點就可以同佢地講Merry Christmas
我就送雯雯,大飛就送Victoria
我:「不如我地送埋你地返去啦!」
大飛:「係啦咁夜,有個男仔會安全D既!」
雯雯:「怕唔怕架??」
大飛:「唔怕架!嗱我就送Victoria,家樂仔你就送雯雯返去啦!」
我:「OK!」
我地於是就各自走左
雯雯:「唔該你喎送我返屋企。」
我:「唔使客氣喎!」
雯雯:「係呢衰人問你一個問題啦?」
我:「咩問題啊?」
雯雯:「你大個左想做咩架?」
我:「唔講得唔得先?」
雯雯:「唔制啊唔制啊我要知。」
我:「好啦不過你要守秘密WO!其實由細到大我都好想做差人!最好就考到見習督察。」
雯雯:「幾好啊做警察!人工高福利好!不過會好辛苦架!」
我:「其實我係想保護市民同埋維持社會治安。不過點都好啦,我想考好個會考先,然後入到大學再睇下點。」
其實我由細到大想做差人既原因係想做有牌爛仔,可以逗下D MK 仔。同埋真係為左份糧
雯雯:「你好有理想WO!」
我:「咁你呢?」
雯雯:「我想做一個記者,要去尋找每一件事既真相。」
我:「乜我地咁同聲同氣啊?」
雯雯:「又關你事?」
呢個時候我見到雯雯個樣好凍,我就捉住佢右手,真係凍到成個雪櫃咁
於是我就攞左我件棒球褸比佢著住,然後搭住佢膊頭行
雯雯:「做咩啊?」
我:「著住佢啦!如果唔係會病架!」
雯雯:「你唔怕凍咩衰人?」
我:「我當然冇問題啦!你似凍過我多D WO!」
雯雯:「多謝你先!」
其實我只係唔想佢病。。。。。不過我自己都feel到好凍
話咁快就到左雯雯屋企樓下
雯雯:「到啦我!多謝你地今日陪我玩到咁顛啊!」
我:「多謝你先真!我走啦!聖誕快樂啊傻妹!」
雯雯:「聖誕快樂啊衰人!返到去同我講啦!」
我:「收到!」
然後我就返到去,跟住send信息比雯雯
我:「我返到屋企啦!」
雯雯:「多謝你件衫啊,好暖啊!」
我:「最緊要你唔好凍親姐。 」
雯雯:「下次我會著多件衫架啦!今晚真係好開心啊!因為。。。可以同你地一齊過!講多句聖誕快樂啊!我訓啦!」
我:「聖誕快樂!」
講完之後我就沖涼訓覺,諗返今年平安夜真係好難忘
因為今年可以同一個女仔一齊過,同埋我地之間既距離好接近
而我成晚都訓唔著,成個腦係到諗住雯雯
我諗我已經真係鐘意左雯雯啦。。。。唔再係同學之間咁簡單
比卡A夢
2018-10-20 15:34:41
Chapter 16
過完聖誕節,跟住個幾日假都係打下波,
或者做下功課,陪下屋企人。。。
當然十二月除左聖誕之外仲有一個節日---就係除夕啦
以往除夕都係睇住電視機到倒數
因為自己又唔係好想同人迫,所以我都唔出街
同埋想靜靜地一個人過
不過唔知點解我想今年唔同D
於是我就膽粗粗咁問雯雯有冇節目
點知佢話今個反正都係自己一個人,不如約埋一齊出黎慶祝2007年啦
個一刻既心情真係開心得跳起
因為終於可以同自己心儀既女仔出街
本來我打算問埋Victoria同大飛出唔出
不過佢地話同左屋企人出外所以就唔出
所以就得返我地兩個
雯雯:「一陣6:30邊到等啊?」
我:「不如旺角地鐵站啦!」
雯雯:「OK!」
本來呢我都係著返運動look出街算啦
不過第一次同心儀既女仔出街點都要著得好睇D既
我就決定著衛黑色衛衣加黑白色棒球褸,再著返對藍色牛仔牌同黑白色Converse波鞋
然後梳好個頭就出門口
我地就約好左6:30係旺角地鐵站到等
一出閘就見到雯雯
佢今日著住黑色大褸,頭戴冷帽,黑色短裙同ledding,再著埋對boot,嗚啊!
我:「Sorry啊我遲到添。」
雯雯:「唔緊要啦我都係岩岩到咋!」
我:「哈哈!食唔食野啊?」
雯雯:「好啊!反正我有少少肚餓!不如食M記啦!我想食啊!」
我:「好啦咁。。。。」
雯雯:「快D行啦咁多野講,你想餓死本小姐啊!」
我地於是行左去M記買野食,呢一餐竟然係2008年既最後一餐
比卡A夢
2018-10-20 15:37:02
Chapter 17
我:「估唔到你都肯食M記WO!」
雯雯:「咩叫我都肯啊家樂仔?」
我:「我以你地唔會食呢D野添!」
雯雯:「冇辦法啦食其他野肯定冇位,不過我真係好少食M記架!」
真係估唔到而家會有後生仔好少食M記既
我:「點解啊?」
雯雯:「因為屋企人話M記熱氣,所以我就好少食啦!」
我:「乜都熱氣架啦!你唔驚得咁多架!」
雯雯:「我細個體質比較弱,所以我媽咪好少帶我出街食野,大個左之後我亦都冇咩點食過!」
我:「見你食得咁少,我分D野食比你啦!」
雯雯:「唔使啊嘛?」
我:「要既要既!」
雯雯:「好啦!」
食完之後,雯雯就問我有咩地方好去
不過我除左打波基本上唔會去其他地方
呢日當然唔會打波啦
雯雯:「不如我地去行下啦!」
我:「好啊!」
反正都未過十二點,我於是同雯雯去睇下衫
而呢個時候既佢變得比平時更加可愛動人
不過佢最尾都話睇下就算,因為佢話屋企仲有好多衫未著
雯雯真係好精打細算,如果有呢D女仔做我老婆肯定會好開心
見到條街上人來人往,我地就於是搵左個地方坐低
雯雯:「係呢家樂仔你有冇鐘意既人啊?」
我:「做咩咁問啊?」
雯雯:「你答左我先啦!」
我:「真係冇啊!」
雯雯:「唔信!」
我當時真係好想講「你咪就係我最愛既人囉!」不過當時真係好緊張,所以我都冇咁做
我望一望個手錶,原來已經過左十二點,亦都踏入左2009年
我:「新年快樂!」
雯雯:「新年快樂!」
我:「我送你返去啦!都凍啦!」
雯雯:「好啦!」
我就送雯雯返去
雯雯:「多謝你啊家樂仔,今個除夕我玩得好開心啊!」
我:「我都係啊!好啦快D返上去啦!拜拜!」
雯雯:「拜拜!」
諗返今年除夕真係永世難忘
因為可以同我最鐘意既女仔一齊過
雖然都係行下街食M記
多謝你啊!陳雅雯!
比卡A夢
2018-10-20 15:38:51
Chapter 18
話咁快又到新一年,亦即係話我地放完假又要返學啦
基本上返學模式同往年一樣
我都係上堂搗下亂,唱下歌,溫下書,打下波又或者同雯雯溫習再送佢返屋企
不過廖sir出名好隨和,基本上都唔會點再調位
所以我就可以繼續同雯雯,大飛一齊坐
但講下自己先啦,由細到大我都基本上我都準時返學同唔會請假既
所以每一年我都可以攞到全勤獎
有好多同學仔都問我做咩唔試下唔返學?
其實我只不過想盡量爭取機會見下大家
因為。。。可能大家過左會考之後。。有D同學要離開我地
將來唔知幾時可以再見到面。。
而呢個月都係不斷咁有測驗
至於我都係維持返我既平時水平
不過雯雯D成績不斷有進步,而且有時某D科會高分過我
睇黎要買D野獎勵下佢先得
過左測驗Period又放新年假
當然我都係打下波,唱下歌,或者陪爹地媽咪去親友到拜下年
有一日,我同四鬥士一齊打完波之後去食野
我一拎完野食坐低,個四條友仔就係到奸笑
我:「做咩你地四隻野鬼上身啊?」
大飛:「喂你其實係咪鐘意雯雯姐?」
我:「你地講左去邊啊?」
高佬華:「唔使唔認啦!」
我:「咩啊?」
肥仔B:「喂你眼神出賣左你啦!做得出咪認囉!」
我:「我驚如果真係表白衰左既話,佢唔會再同我玩!」
John:「你唔試過又點知WO?」
我:「係姐。不過?」
大飛:「你鐘意就去做啦!最多我地幫你諗諗計啦!」
於是我地五個就係到諗諗計。。。。。
安排好之後,我就開始行動
我就返去打比雯雯,點知佢就即刻應承
到左個日,我就約左係旺角朗豪坊到食飯
雯雯:「今次好似同你第一次食lunch啊!」
我:「係啊!」
雯雯:「冇法啦我之前又同你地唔熟,之後同Victoria熟左就同佢食,同你真係第一次啊嘻嘻!」
如果你想既話,我可日日同你食架!
我:「你唔怕悶架咩?」
雯雯:「個陣又同你地唔FD,冇法子啦,不過如果你地肯帶埋我食就好啦!不過我唔可以食熱氣野架!」
我:「睇黎你身體幾弱,你屋企先咁擔心你!」
雯雯:「MAY BE!!!」
食完之後我地去左行人專用區到行街
雯雯:「係呢家樂仔啊,你大個仔想做D咩架?」
我:「我。。由細到大都想做一個好警察,想捉晒D壞人!」
其實我當時想考警察只係想逗下D MK仔,做下「有牌爛仔」
估唔到呢份工真係會影響我一生(後期再講!)
雯雯:「WA你咁有理想架咩!!」
我:「咁你呢?你大個左想做咩啊?」
雯雯:「我想做記者啊!因為我希望用自己既雙眼黎搵出呢個社會既另一面囉!」
我:「你都幾有理想WO!」
雯雯:「嘻嘻!」
呢個時候我知有BAND係到做表演,然後我叫雯雯自己去行街先。十五分鐘後返去呢個地方等
我同個表演者借左支結他,話想唱首歌比我最愛既女仔,點知佢地二話不說就免費借比我用十分鐘
我準備好之後就等雯雯過黎。。。不過佢就比我面家個行為嚇親
我:「各位可唔可以比五分鐘時間我啊?」
雯雯:「你做乜鬼啊?」
我:「以下落黎我想唱一首歌送比我面前呢位小姐,係半年前我係學校相遇了佢,個時其實我已經對佢有少少意思架啦!不過我一直都開唔到口,因為我真係好驚好驚佢唔肯接受,好驚好驚比佢拒絕。不過我慢慢發覺已經愛上左佢,我真係好想好想唱呢隻歌好耐啦!送比佢既《月半彎》!」
「讓我靠著妳的臂胳 流露我熱愛心底說話
孕育美麗溫馨愛意 做夢 都是妳」
我見到雯雯雙眼充滿淚光,應該係感動個隻,我就知我個Plan成功左啦!
我唱完最尾就跪低講左句:「陳雅雯小姐,你願唔願意做我林家樂既女朋友啊?」
雯雯就點左頭。。。。。然後一野Kiss落我到,我地就係咁比成班人係到望住晒
我:「你應承我啦?」
雯雯:「係啊傻佬!如果我唔鐘意你就唔會應承同你出街啦!你好傻啊?」
我:「哦,咁即係肯做我女朋友啦!」
雯雯:「你話呢!行啦男朋友仔!」
我就拖住雯雯隻手咁行街。。。雯雯隻手真係好滑好軟,我終於可以拖住女仔隻手啦!
我:「可唔可以比我呢世拖住你啊?」
雯雯:「你話呢男朋友?不過點解你咁多汗先?」
我:「你又知既?」
雯雯:「你咁濕啊我點會唔知啊?」
我:「我唔會放手架!」
雯雯:「我有話叫你放咩?」
之後我地就一直咁行街。。。。。不過我地由同學身份轉左做情侶咁解
突然間有兩個人拍我膊頭。。。
正義撚傻西瓜
2018-10-20 17:11:51
比卡A夢
2018-10-20 18:33:12
多謝巴打