小弟第一次打遊記,巴絲們多多包涵
毒撚一個日日返工放工無咩野做,就緊係成日諗去邊到旅行啦。加上自己都鐘意行下山影下廢相咁,就黎年尾又有兩日AL未用,咁岩今年聖誕又有四日連假,就決定平平地去左一個自己都幾鐘意ge地方先 — 四川四姑娘山。
至於點解想去呢,原因好簡單,因為又平又近又靚囉 同埋上網睇其他人去(雖然資料比較少),話去登四姑娘山普通人都得,唔使專業訓練,心諗岩曬我呢d廢J去挑戰下
但我再睇多兩睇,嘩屌你成5000米wor大佬,我咁大個仔都未去過高過大帽山ge地方,而家一上要上5000米,仲要徒步咁行上去 保險好似仲要唔包5000米以上地方,會唔會死左都無得賠嫁?
但我又覺得自己應該趁後生就係要做下呢d on9野 還掂又無女又無咩包袱,死左都唔緊要掛 就膽粗粗搵左另一個fd陪我去呢個令我一生無悔ge trip。於是google search左間四川旅行社,可以兩個人包團,又平平地,最主要想去呢d地方有個師傅帶住姐,咁就拎左wechat聯絡佢,都無諗過會唔會俾人水呢個問題
唔講咁多,放下圖先
今次係backpack,我同朋友都係帶左60-70L backpack,唔使帶咁多衫,無咩機會換,涼都唔想沖,因為太凍。要帶個細袋徒步/登頂用,呢個袋就成為我ge相機袋。
今次帶ge野有
相機:d7200+ nikkor 35mm + tokina1116 + nikkor 70300+腳架
藥:紅景天,國貨公司買,飛前一日食
裝備:n件base layer+fleece+2合1 羽yung 底個隻+雪套(一定要)+冰爪(一定要)+登山仗x2(一定要)+帽+手套+雪鏡(一定要)
錢:~4000團費for 6日(機票2000)
其實講真好多野都無用過,連雪地都未見過 個師傅話要用,幫我地準備定,我同朋友又膽粗粗話好呀,去到咪知咩事囉 果然兩個男人真係會天不怕地不怕。
(待續)