[景嵐Jenny出寫真出碟]台灣綜藝節目貼圖暨吹水區 (11)

真係G...1 #

唉公海有個po插糖果……

佢跳舞叻，係真係勤有功，呢種上進心好多人都比唔上
至於佢回覆人哋嘅留言，有時唔恰當，你可以話佢唔成熟
例如話佢po咗張相，話素顏嗰鑊。

從平時嘅網上狀況來睇，的確係有唔少台灣鄉民係酸佢嘅，例如得閒無事就話佢整容，明明電視上又落過妝，又話埋畀你知就係紋過某啲位

要睇佢素顏，去youtube揾麻辣天后傳就揾到，揾埋黑澀會墾丁20080604嗰集可以做埋15歲同24歲嘅對比添
仔細啲睇，其實就係大個咗，唔難睇得出係同一個人。紋眉紋唇整眼線算唔算整容，各位可以自行判斷

唔睇台灣，起碼從呢度公海個po度睇，都有唔少「有罪推定」嘅cm，仲要幾件「有罪推定」嘅事夾埋來數佢
耐人尋味嘅係，鐘唔鐘意糖果，居然可以由唔鐘意佢啲ig reply，推演到啲大是大非上，佢都絕對唔係無辜，罪無可恕無需審判即時處決。

如果由我判斷糖果份人，首先我會覺得佢對自己好有信心/自信，無論係外在定內在
當然，如果你唔多熟佢/本身就唔鐘意佢，有可能覺得佢串
第二，好衰唔衰，佢又幾在意人哋對佢嘅睇法，不過我覺得佢簽咗吳宗憲之後呢點好似改善咗
第三，唔多識點修飾自己嘅語氣，尤其喺ig呢啲，唔識點不卑不亢咁回應鄉民嘅cm

我退一萬步講，如果佢真係好連登仔咁講，對周圍/日常接觸嘅人都係咁串，佢早就畀全世界blacklist咗啦，日子都唔使擇，身邊都唔會有任何朋友
尤其是黑澀會啊，佢真係如全連登所講係雙面人，自然就fire佢啦，唔call佢上通告咪得囉
你係節目製作組，你會唔會留粒老鼠屎喺crew呢鑊粥度？

可能又會有人繼續講，佢平時對人可能唔錯，但網上嘅態度又唔一樣，雙面！
但係，網民嘅cm係持平，客氣同friendly多，定唔理事實根據寫咗先算，甚或嘩眾取寵多呢？
仲有，如果呢啲叫雙面，咁其他背後專講人是非，同路路都啱嗰啲幾頭蛇，或者日日煲新聞整fake news唔覺意露肉搏上位(再aiya露咗添)嗰啲叫咩？

我唔想幫住糖果，佢有時係主觀啲，又有可能真係因為咁殺錯咗良民
我都好希望佢改埋呢樣嘢
各位有咩cm我係好歡迎嘅，我只想restate我覺得糖果係好人呢個立場