DAY 1香港→東京成田機場→東京JR站→秋田
承上小插曲,提醒咗我唔記得買旅遊保險
拿拿臨亂咁撳完個旅遊保險之後,就出發去機場喇
窮閪梗係搭UO喇,不過搭咁多次都冇咩出事,我就唔要求太高啦
最後順利上機、準時起飛
而日本叔叔同我講佢尋晚都冇咩點瞓
而我就梗係唔執輸,都瞓左大半程機
呢程飛機入面,日本叔叔同我講咗啲日本社會存在緊嘅問題
一時又跳咗去介紹我去邊到玩咁
我覺得自己識到佢真係幾好彩
去到落機要入境嗰陣,佢叫我返到東京有時間就聯絡佢
其實我真係好想搵返佢,但係接住落嚟嘅行程我都幾趕下
最後就冇咁做到
入咗境攞埋行李之後
我就去咗JR東日本旅行服務中心換全國pass同埋買JR東京廣域周遊券
換完之後,就善用全國pass搭NEX去東京JR
點解唔買來回程4000YEN嘅NEX來回車飛?
係因為我原本喺羽田出入架!!!
返黎個程機要喺羽田走呀屌!!!
去到東京JR之後,人山人海
我就求求其其亂咁搵左間野食
伊達の牛たん 伊達牛舌 @ Grand Roof
食完野,就坐秋田新幹線前往秋田,
其實我本身都R曬頭,完全唔明點解喺機場嗰陣佢幫我劃埋指定席
後尾先知道,原來東北好多新幹線嘅車都係全車指定席……
如果佢唔幫我劃,我諗3小時50分鐘嘅車程我都企喺到
去到秋田,
我係住秋田Dormy inn天然溫泉。
話我Dormy inn打手都咁話,Dormy inn張床真係瞓得好舒服!
4小時飛機→1小時NEX→3小時50分鐘秋田新幹線
坐爛屎忽的第一日,完!