睇完成場Apple發佈會，覺得啲新手機真係
，但一開始聽到Apple Watch要出電子測心率功能嗰陣真係興奮到屌出聲，因為呢個功能真係分分鐘救到好多人。如果你起一起我底，你就會發覺我幾個月前開個一個post係講我心跳去到二百幾，最後送咗入急症室急救的
而嗰陣都可以話係靠Apple Watch發現心跳咁唔正常。所以呢幾個月嚟都對心律不正呢種病有幾多了解（因為而家仲未好返
）事實上，心跳快只係其中一個視為有危險嘅因素，最主要嘅其實係心跳係咪規律，心律不正最危險嘅地方在於，喺心臟反覆跳動嘅同時，好多次係屬於無效嘅跳動（即係鳩跳但泵唔到血），同埋冇規律咁亂跳，呢啲情況都可能令心臟最終超出負荷，衰竭停頓
而喺我病發嗰陣，心率就係仲亂過股市啲圖，而呢樣嘢先係最危險嘅，假如我冇會錯意，新Apple Watch嘅心電圖功能（即係嗰個電子心率感應ECG）可以更有效監測心率，就算心律不正發生，都可以盡早知道。
平時入院做親心電圖，都一定要成個人瞓上張床到，喺腳同心週圍痴貼紙通電測，而且屋企又冇呢啲咁嘅設備，如果Apple Watch佢嘅心電感應真係有番咁上下準嘅話，絕對係創舉嚟
真係分分鐘變救命神器。除此之外，心律不正亦都有分兩種，一係心房顫動（即心臟快速同不規律跳動），另一種係心跳過緩（即係跳得慢啦），跳得慢有可能係心臟衰竭嘅先兆（只係其中一個可能），而過慢可能搞到泵血唔夠，搞到腦部缺氧，心臟起搏器就係for呢啲情況用，而Apple Watch更新之後除咗以往提醒過快之外，而家仲會提醒慢過慢，等你及早留意同就十醫，我諗對老人家嚟講真係好有用（因為心跳過緩好多時都係喺老人家身上出現）
假如Apple冇吹大嘅話，咁Apple Watch真係居家必備嘅神器嚟
（可惜仲未有得量血壓）作為一個Apple fanboy知道有啲咁好嘅功能推出嗰陣真係好激動，尤其我正正係一個心律不正患者
所以好興奮好想分享下 雖然我唔知咁樣開喺手機台啱唔啱利申：收咗Apple好撚多利益
心律不正可以係間竭性發病，未必有即時性危險，所以盡早發現係有得救，我就係個好例子
我咁賣命幫佢做宣傳
我兩個月前第一次發病，但睇返Apple Watch啲記錄發覺原來喺我第一次入院之前嗰排心跳已經試過好多次跳到18x，病發前我仲可以做倉務