四隻聖獸嘅官方完全體，即係三角龍獸、馬鷹獸、裝載獅子獸同大蛇獸，喺tri已經出現過 (病毒種酒鬼大蛇獸進做玄武獸真係痴撚線)。
因為以前已經有礦石獸進化做角龍獸，同埋角龍獸進化做三角龍獸嘅先例，所以我就將青龍獸嘅前三個階段，假設為佢地三隻。
DF大電影入面，聖女獸進化成為仙鷹獸，而仙鷹獸喺tri就進化成朱雀獸，所以假設朱雀獸成熟期係聖女獸，但聖女獸嘅成長期，就從來冇被提及。
西島隻白虎獸嘅路線就相對完整，成長期嘅小熊獸、完全體嘅裝載獅子獸都露過面，唯獨成熟期有兩個可能，一係小熊獸進化嘅爪熊獸，一係裝載獅子獸退化嘅雷亞獸。
玄武獸只係得完全體形態嘅大蛇獸出現過，成長期同成熟期都冇被提及。
姬川嘅食夢獸比較短命，去到完全體嘅機械飛龍獸就死咗 (聖獸變電腦病毒又係痴撚線)，成熟期同究極體都冇出現。坊間有傳機械飛龍獸進化可能係黃龍獸，但黃龍獸應該係四聖獸合力進化而成，成為食夢獸究極體機會比較細。
雖然數碼精靈嘅進化路線有好多種，礦石獸聖女獸等等都只係根據過往劇情假設，但應該錯極有限。不過空格嗰啲，官方從來冇提及過，我就費事亂加野。各位巴打一齊諗諗佢，砌返成張圖出嚟啦！
