結弦BB
2018-09-05 08:53:44
其實用得市面上嘅洗頭水就真係預左有一定程度嘅添加劑係入邊，最好就一定係用天然嘢。極度推薦大家用茶籽粉洗頭，佢清潔能力唔單止同洗頭水有得揮，而且純天然無任何添加物，我以前就算用施巴都會甩勁多頭髮，而家直情好似唔識甩咁濟
不過通常天然嘢都會有一個問題，就係會有皂垢，呢樣都係令好多人最後決定都係用返洗頭水嘅主因。茶籽粉用得啱其實唔會產生呢個問題，將2湯匙茶籽粉溝少少水 (通常我會用熟水唔會用生水，同埋我中長髮，大家睇自己髮量添減，不過多左用黎洗臉洗身都勁正)，攪拌直到好似糊仔咁 (杰啲或者稀啲都可以)，然後直接拎去好似平時洗頭咁就得，我建議用無印隻起泡網套手捽會好啲，因為茶籽粉頗乾，有啲難捽)。啱啱頭一個禮拜可能會唔慣，係因為平時用開啲化學洗頭水，成個頭都充滿着毒素，要返少少時間幫你清走佢，但我自己就冇呢個問題，一嚟就已經適應左，仲要嗰陣係頭髮長到去腰
洗完頭你會發現個頭啲頭髮好似好乾咁，唔使落護髮素，直接吹乾就得，吹乾左之後你發現頭髮會蓬鬆左同順滑返，變返正常。
茶籽粉我喺ztore 士多買，佢有幾隻款，我全部都有用過，最後都係覺得藍白色包裝， $32嗰隻最好用。一包有成1公斤，經濟實惠到喊。如果最後都係用唔慣，可以拎嚟洗臉洗身清潔同洗碗，佢佢又去污力極強，絕對係人類史上最偉大發明之一
我叫啊明
2018-09-05 10:50:20
我試過好多唔同方法, 當中有一次真係好有效
我頂禿同有十分輕微M額, 本身試左好多方法都唔得
一於諗住黎一次破釜沈舟, 將以前用過既方法一次過轟落去, 多管齊下
個療程大概係咁:
1. 早晚各食一次中藥 (有朋友做中醫話我腎虛, 叫我食六味地黃同杞菊地黃, 食完一樽換第二隻)
2. 早晚各噴一次minoxidil 5%
3. 洗頭用倍健(主要洗頭油, 用For 中性&油性髮質, 因為本身個頭都油油地, 但係之前消委會話會引致敏感要小心but我冇事)
4. 中午食一粒保康絲(我買左隻唔同藥廠既, 平啲但有效成分一樣, 話會有side effect但我有明顯反應)
5. 大概每個月or 星期做針灸, 主要針頭, 頭頂放小小血(主要for血液循環好D & 放毒, 好似係)
如是者keep 左大概3個月, 好似係
之後懶無再做, 的確沖涼明顯無再甩頭髮,係一條都冇以前係成地都係,但冇特別留意頭頂, 因為難睇到
一個月之後去剪頭髮, 個髮型師好驚訝咁話我出返哂D頭髮, 仲要唔係毛仔, 其他頭髮仲要變粗哂, 要我介紹佢(因為佢都有呢個問題)
因為係唔熟既人講, 而且係對頭髮有研究既人, 可信性都十分高, 唔係自我感覺良好
之後返屋企認真觀察, 發現連額頭既汗毛都明顯變粗, 見到黑色一條條(以前係見唔到)
之後3個月都冇甩頭髮, 但由於懶冇keep 住, 之後又甩返, 再3個月之後又變返以前咁, 有陣時仲差過以前, 去剪頭髮, 個髮型師都會話差左(證明佢之前唔係擦鞋)
宜家我就用洗頭水&食中藥only, 因為驚西藥副作用同冇時間做針灸, 暫時頭髮都有甩但係覺得有控制住
但係你問我邊樣最有效我都唔知, 同埋人人脫髮成因都唔同, 所以我既formula 未必岩你, for你參考only, 但起碼我個方法都幾成功, 有佢參考價值
利申:男
