上個po點評左啲千元樓下嘅大眾香水。發現幾乎冇乜人有用creed aventus，今日想講下呢枝貴族香水——Creed Aventus
如果有新人想買香水，我毫不猶豫會推薦bleu de chanel edp，原因不外乎：價格合理、萬用、任何人噴都合適、女人都鍾意聞等等
但係如果我呢世人只能夠擁有一隻香水，我嘅選擇會係creed aventus
點解我會話呢枝係貴族香水？呢個品牌有250年歷史，獲得所有歐洲皇室嘅採用。歐巴馬同克林頓總統都用呢枝creed aventus。
順帶一提，呢枝野賣450澳幣（約2700港幣），相當於三枝bleu de chanel 。
清新嘅果香帶啲甜味。同Dior sauvage、bleu de chanel唔同，呢枝香水比人嘅感覺係清新、朝氣勃勃，而非sauvage bleu比人沉穩、成熟內斂嘅感覺。
雖然係清新，但呢種清新係令人覺得有氣度、睿智嘅清新，絕非夏天運動果種清新。
睇到呢到，希望大家唔好因爲我嘅介紹而沉船，差唔多3000蚊枝香水真係貴到hihi 。
所以我依家要介紹另一枝香水，Armaf - Club de Nuit Intense
呢枝野係creed aventus嘅仿製品。有幾仿？一張圖解釋晒：
（左邊係aventus；右邊係club de nuit intense ）
ps 100ml只係要300港紙
實際上聞落去係點？
我上ebay買左枝10ml試用管，岩岩到貨，即刻寫review比大家
一，仿品聞落去個龍涎香比原版更明顯
二，仿品頭調個檸檬一開始就撲面而來，而原版冇檸檬。檸檬味稍微搶走左其他notes嘅味道。
三，擴散度比原版強好多，近聞有dd攻鼻。反觀，依家冬天，aventus顯得有啲淡
四，原版撲面而來嘅係菠蘿味，但係菠蘿味冇檸檬咁攻鼻，聞落去舒服好多、協調好多
係我嘅角度睇，兩枝野有8成相似，當然aventus香啲。
同屋嘅女室友表示除非靠到好近聞，否則兩枝野幾乎聞唔出有咩重大嘅分別。
十分一嘅價錢，十分八嘅享受。
值唔值得買呢枝仿品就見仁見智，對我黎講，我願意比多二千幾去買果兩成
最後呼籲大家唔好輕易沉船，其實真係唔需要3000蚊買枝香去get compliments。我室友表示bleu edp仲香過呢枝
不過，如果你想搵枝香而唔公廁嘅香水，同時你唔在乎價格，aventus 我十分推薦
？
寄去加拿大好似一星期到
?
