做左五年野，睇返當初嘅自己，發現團火無左

是咁的，小弟18歲個年就讀啲某専科。

現在已撈左同一間公司5年。

不斷進修，不斷加人工，轉過2次部門。

今日簽約，加人工到岩岩4皮，但我無興奮感覺...


反而諗返起以前岩岩入行，我個團火，


以前會見到唔公平，唔岩嘅地方會出聲，

想盡力做好自己，唔介意留低OT慢慢做，

總之要求做到合自己表現。


到今日乜都假，最緊要年年加人工，準時收工，

老細講乜都「係係係」，「知道知道」，「我會改返好」。

我發現自己做緊一個，我以前睇唔起嘅人。


人大左，原來真係會比個社會磨平棱角....

係 所以做任何野都要有堅持 放棄好易
堅持好難
所以成日講不忘初衷就係咁解

真係好難

我以前放工會去進修

現在不了

寧願去返PT賺真銀

存錢買樓好過

我都睇唔起自己

每個人小時候都會覺得自己和別人不一樣，覺得自己終將改變潮水的方向。直到有一天，你發現自己長著和周圍的人一模一樣的臉，做著一模一樣的事。

對大多數人來說，成長是接受自己是平庸的現實，不是被選中的人

只有與眾不同的人才能改變世界，平淡無奇的人甚麼也改變不了

無咗團火...磨平棱角...哩個說法好浪漫
其實只係面對現實啫

真係對加人工無反應？咁減人工又點呢？
講到底大家都係睇住份糧做人，
10k，老細叫你食屎，你會閘住反彈，搵過份
60k，老細叫你食屎，你會嗌好好味

早返工夜讀書堅係會死人

岩呀

我就係面對左現實

我收你4皮，日日比你淨屌有乜所謂

但係現在又要做又要比人屌

又睇唔起自己

早返夜讀左3年先捱到今日嘅地步

無錯

好多人堅待緊，但比人笑佢發夢，

但至少人地有夢

我乜柒都無

成功既人往往自命不凡 其實好多人都可以做成功既一個 只不過係佢地遇到挫折既時候 心態各有不同 自然有不同下場 經唔起挫折 甘於平庸 落得凄慘下場 只可以講 they deserve it

巴打好波

巴打 我覺得成功嘅人真係得好少

少到係100個先得1個

際遇係更重要

你呢？

麻木咗

做左兩年已經冇咗，我諗要轉一轉工面對下新挑戰先可以重燃返自己團火。

點先為之成功？ 你努力最後係為乜？ 你所謂一團火到最後可能都係為錢。你如願以償加左人工啦。
其實有邊個唔係咁。我岩岩做野果陣都係諗住學野行先 人工其次。結果做左兩年發現自己係人工行先 學野其次 苦盡甘來 上左車 但回望過去又冇人口中所謂成功感。日子都一樣咁過 冇人會更欣賞你 慢慢自己都唔知自己想點。錢多錢少而家對我黎講只係揸911定718既分別 係香港地都係冇分別

Same here

我都好怕會無左團火 feel到團火開始熄緊

做打工仔都學人講火

香港地無錢莫講話心裡團火
怒火都唔夠膽發啦

笑咗 你打工㗎咋

又黎倖存者誤差

搞笑

講火就去做老細, 做員工講咩火, 做又咁多唔做又咁多, 最多開心加下人工

你做員工有火係天真, 而家冇火只係終於面對翻現實

人工冇反應? 係因為加得唔夠多啫, 人人都有個價