【勁收81億韓圜】《與神同行》下集開畫首日極速破百萬人次
韓國賣座電影《與神同行》嘅下集《與神同行:終極審判》,今日港、韓同步上映,香港今日起有優先場,下周四正式上映。而今日上畫嘅《與神同行》下集同樣走勢凌厲,截至香港時間下午5時,《與神同行》下集觀影人次已破百萬,同時勁收81億韓圜(約5,693萬港元),超越《屍殺列車》首日大收65億韓圜(約4,568萬港元)嘅驚人紀錄,成績相當犀利。
而今日中午時份,已經有唔少韓國觀眾趕住入場先睹為快,當中截至上午11時30分,已經有699,814觀影人次,勁收53億韓圜(約3,724萬港元),已經超越咗上集《與神同行》開畫日406,533觀影人次紀錄。
至於韓國方面,根據韓國電影振興委員會嘅實時統計,《與神同行》下集嘅預售率以凌厲走勢保持喺第一位,暫時有70.2%預售率壓倒性贏荷李活大片《職業特工隊:叛逆之謎》(Mission:Impossible-Fallout)嘅10%預售率。至於今日香港晚上7時15分喺尖沙嘴The ONE有一場優先場,當中可見已全場爆滿,一個「吉位」都冇晒。
嘩屌 開畫日已破百萬人次
有埋對比之下人狼橙到