好意外有咁多人一直推
上黎交待下近況回下post
我無死 無咩特別
都無打算潛水 第七章寫緊
係動筆前我睇左一次自己寫既野 發現都幾多野同我本來諗既唔同 感覺好奇妙
最初既idea(真係兩、三年前既版本)一樣都係一個狂人一個chapter
但故事唔係圍住狂人科轉 而係圍住狂人轉
我本身想用狂人既背景為主軸 一個故事講一個社會問題 形式係美劇醫療劇果種
但咁樣做一黎好重重覆感 二黎主線好難推進 三黎好難有咁好耐性
跟住我改個走向 變成依家依個樣 但之前個idea既影子仍然好重 一樣都係一章一個狂人 但探討既係角色自己既故事同掙扎多 效果幾好
至少我堅持到寫落結居篇先
又講下白忠 佢個修羅魔功我本身唔係比佢用
差唔多八九年前我寫過一篇武俠短篇小說 個主角用既都係修羅魔功(大家有興趣我再搵番出黎 唔知重有無原稿係度)
我個腦入面其實重有個武俠故 但應該唔會寫……我一直覺得無咁既文筆寫到一篇有風味既武俠小說 真心唔敢寫
可能真係要浸番一排古文先敢寫
有時會諗自己由幾時起無左夢想
曾經我都想做作家 果個時候既我係一個憂鬱既毒撚
但唔知點解無左回事 我諗 人會變既
放唔低既野會慢慢放低
但有時又會想執番起放低左既野
但攞番上手之後
又唔想再帶住果種負擔繼續行 結果都係放番低
就好似玩番細個玩開既玩具咁
再一次多謝大家支持 無你地鞭策 真係好耐之前就會爛左尾
依篇小說如果真係完到 一定係大家既功勞
我會努力
話說我發現自己真係幾唔細心既人
好似20幾年黎突然發現依件事咁(但其實係20幾年黎唔肯承認依件事而已)
錯字多當然不在話下
書名依味野就更加係 粗支大葉鳩起
我想聽下大家意見 大家覺得起咩名好