其實香港人性格好惡劣

如果你身邊有外國長大嘅親戚朋友
你應該都感受到佢地性格係正面好多
同種族無關，係成長環境使然

香港長大
孤辟、刻薄、虛偽、愛批判、互相攻擊
收埋自己、墨守成規、追求名利、愛比較
盲目跟風、爭奪、只求生存、想睇人衰

外國長大
友善、包容、率真、愛讚美、互相尊重
勇於表達、敢於嘗試、追求自由、忠於自己
多元選擇、禮讓、享受生活、樂於助人

當然外國文化一樣有好多缺點例如
種族歧視、濫藥濫暴、罪案率高、低智商

香港亦都有唔少冇被污染嘅一群
我同好多朋友都同上述性格嘅香港人相處唔到
係香港，想輕鬆享受創新表達好似係錯咁
好容易就引黎家人朋友同事攻擊
所以有好多人寧願跟大隊都唔敢走出舒適圈

我個人認為
如果你改變自己性格、選擇共同理念嘅人相處
你會變得開朗、壓力減少、個人會精力充沛
病痛都少D

可以先從生活小細節入手
早20分鐘起身，返工前做少量運動
唔好買咖啡，買杯蔬菜汁或鮮榨果汁
同常見嘅鄰居點頭微笑，如果對方都友善就講早晨
搭車打少D機，合埋眼聽柔和音樂
咁你嗰日已經會開心好多，會有自然嘅笑容

覺得啱聽先再講

岩聽

認同自己喺外國住左4年後返黎香港都好撚憎香港人性格，日日返工搭地鐵見到香港人嘅仆街性格

打籃球都可以被足波撚批判，稱為玩具就知香港人啲性格幾撚惡劣。
做運動原來都有優劣之分

岩聽, 繼續講。

睇你個外國係邊到，
如果係英國就一樣仆街機關算盡不過平時就笑笑口咁囉
但整體上論生活香港人性格係會令人感覺差

香港咪學到英國D仆街野學唔到好野

係啊屌

呢個真係好直接影響
以前後生仔唔肯入屯元天置業，而家冇得揀
因為香港工時太長，冇管制，唯有慳交通時間
但你儲錢買市區樓，錯過上車黃金時間
到頭來得不償失

香港置業成本高
如果你仍然窮追物業質素，永遠都唔會滿足
倒不如考慮住遠少少，大少少，靜少少
本地移民，係移民與唔移民之間一個節衷選擇

推 大家一齊做 跟此風

缺點係應該從根源解決
香港人性格惡劣，沿於”自我認同感不足”
因為其他人習慣性批判，你每行一步都驚被攻擊
冇人鍾意聽批評，尤其香港批判係去到欺凌級別
咁心理上就會啟動”自我保護機制”
用最快辦法將挫敗感>自卑感扭轉
1 滿足批判者要求
2 對其他人先發進行反批判
3 幻想自己麻醉自己係成功者
4 逃避現實
呢四點正正就係香港人性格惡劣原兇
互相影響，惡性循環

當你發現你有以上心態，記得要克制自己
由自己開始剪斷惡性循環
1 你只需要為真心對你好嘅人作交代就夠
2 無視外人嘅惡意批判，但無需反撃
3 針對自己性格缺點改善
4 選擇一個良性氣氛主導嘅環境生存

有好多仆街仔，見到周圍都係好人，唔敢搞事
有好多牆頭草，見到好人當道，其實係享受的

我好認同呢點
好多香港人都無左自己
做自己 好難系香港生存

其實都係心態問題
心態好，一切都會覺得美好

認同

最ON9係唔知邊到黎既優越感

搞到固步自封