情況１) ☆☆☆☆☆☆
富二代～天選之人
可以稱為９０後之王
，同爸爸講聲想買樓就ｏｋ，完全無難度，人生嬴家。情況２)
中產之子～命運自主 ★★☆☆☆☆
老豆出首期唔成問題，但係面對現時既樓價，要ｆｕｌｌ ｐａｙ唔容易
，買唔買到度好決定於自己收入有幾多，如果收入夠計既話，買６００萬樓下既樓再做８成按揭，自己入息要去到４萬中左右，唔係個個９０後都得，不過有首期助攻已經嬴左一半。情況３)
高齡公屋廢老之子～因廢得福 ★★★☆☆☆
唔好以為公屋仔難上車，是關如果老豆係綠表持有者，年齡又過６５，青年可以行使「家有長者優先揀樓計劃」，抽中居屋既機會大大提升，再加上老豆年事已高，層樓好快可以獨享，再搵囡囡組織家庭
。情況４)
貧窮家庭私樓仔～聽天由命 ★★★★★☆
呢個情況好普遍，廢老有層樓，但係首期上完全幫唔到手，原因有好多，例如老母係家庭主婦，廢老搵錢月月清，連自己退休生活都有困難，想係廢老苛包拎錢係難過登天。咁既個案就要同廢老ｄｅａｌ好，拎層樓用廢老名做單人按揭作為首期，再借８成去買樓，自己就還兩條數。但如果廢老思想廢到唔到，唔肯幫手，咁就無計
。情況５)
廢中之子 ～ 寄人籬下 ★★★★★★★★
老豆好早就生左既你，其實可以放棄買樓既諗法，即時用左綠表大法，你都唔夠能成家立室，是關老豆都後生，你永遠擺脫唔到同屋企人住既命運。唯一可以做既野就係儲錢等樓爆，但相信老豆在生之年，都見唔到呢一日
。情況６)
租租的後裔～ 食物鏈底層 ★★★★★★★★★★★★★★★★★★★★★★★★★★★★★★★★★
作為淡淡之子，其實係最可憐，上述咁多種ｃａｓｅ，只要老豆百年歸老，自己都可以成家立室，但作為租租之子就唔得，因為私樓又無，綠表資格又無。你可以生存已經要感恩，你要面對既問題係下個月租金交唔交到，而唔係儲錢買樓，是關租租可以話完全係儲唔到錢
。
