排球少年！集中討論區(1)

問題係實力亂，白鳥稻何完全屈死音駒。
打贏佢地ge烏野點解打到咁？
你話格食格咁就直接2:0輸左佢，因為冇可能係3局打破呢樣野

白鳥攻擊稻何平衡我覺得
而家音驅係進攻防守都勁過上面兩隊，烏鴉個守護神愈強愈強，對垃圾就變廢物啊而家

算啦你
波係圓架
樣樣都解釋到咩
實力：A>B>C
A贏到B
C又贏到A
咁C一定贏到B咩
唔想睇就棄啦

下星期會反擊喇 整到咁壓抑作者已經贏左

唔想睇就棄啦，最爭人講人。
咁你唔中意香港係咪要走。
我第一集睇到而家，唔比我話佢亂作？

最憎人講呢句

同埋貓頭鷹打果場 尾盤貓幾個失誤先拉大差距輸波

其實呢幾個星期都係咁諗,但新一話又係音駒屈晒
作者完全係幫隻貓拉仇恨值

其實烏野進攻不嬲都係量大過質,音駒又次次回D閪波你打,烏野其實係會攻唔入

再講,之前木兔係直接殺死個波 音駒係跟到波但守唔到

烏野無大王牌自然俾人跟到就攻唔入

就算睇對位都係得影山係超班,黑尾係月島'師父' 自由人又係衛輔勁

根本劇情依家就好合理,係你地接受唔到主角輸姐,重點都未打完就屌

真
完全認同

下星期會反擊喇 整到咁壓抑作者已經贏左

其實呢幾個星期都係咁諗,但新一話又係音駒屈晒
作者完全係幫隻貓拉仇恨值

好認同
我都等緊作者絕地反撃

未開波之前已經話埋比你聽

預期接受唔到主角輸,應該話接受唔到主角去到呢步先黎咁柒
夏天集訓烏野全程比音駒SM, 之後經過百幾二百話,咁多場大賽成隊波成長左咁多,
去到今場我比較期待既係一場拉鋸戰,互有攻守,但宜家咁樣比音駒封殺,感覺呢兩三年睇既野好似白費左咁

至於未打完就屌, 咁睇連載緊係逐話討論咖啦 況且你講到咁合理,烏野都應該輸9硬, 咁屌定先都好合理姐

第一局輸decue
第二局平手唔算拉鋸?

第一局初盤係烏野佔上風最後輸decue
第二局初盤都係烏野佔上風中盤開始已經比人追上

而家係期待緊作者點畫到烏野贏

作者想強調音駒既強冇問題, 但已經連續強調好多話,真心覺得有D拖同悶,搞到迫駒變左煩膠咁

分數上係好拉鋸,但內容都係強調音駒既死纏爛打多(失分都係攔網出界), 烏野既優勢冇咩表現到出黎
可能係我太想睇主角點型卦

人地玩防守當然係磨贏人嫁啦,依家作者咪一直有寫貓D 防守策略你睇囉

唔通要貓同烏野搶攻?

烏野一直都有0既 弱點只係因為之前一直同人搶攻先唔顯眼姐

你試下由貓0既 角度睇吓場波先啦

睇漫畫一定要支持主角咩

儲埋遲啲先睇，依家真係好悶，睇完一話唔會朝好期待下一話嘅感覺

有*

之前研磨有諗定點對付日向都ok
今集黑尾零秒對應大地後排真係有D痴線

定啦 親生仔翔陽都未出威嚇眼神 過往打大皇牛若孖仔有邊場係唔用一次黎嚇對面

況且翔陽專用buff研磨都話開始覺得翔陽無趣 如果翔陽仲唔反擊 研磨呢個buff咪浪費左前面2~300話嘅塑造

太過講貓既防守點勁點勁，
好針對性，
但over 左，我知而家係舖排緊仇恨值，但重覆又重覆會令讀者感覺悶

唔好話我齋屌啦，分析下
第一，兩隊強攻隊打，理論上攻擊高個邊贏，佢贏唔到白鳥但屈死烏野
第二，唔比佢跑根本唔合理，佢之前明明可以接完波再後排快攻
第3，西谷好廢

大家理性討論 成哂鋼做咩
用貓既角度咪就係"翔陽變得無趣"囉
好明顯作者就係有心咁寫啦
咁反彈咪姐係佢成功左囉
人地教練都話失望仍然太早
大家咪一路睇一路鬧囉
大家由第一話追到依家 偏心主角好正常姐
唔係唔比佢輸
係覺得前面店鋪排左咁耐 唔係咁玩野啊
當然運動番比賽就係咁
作者畫得我心服口服就OK

我撐烏野

第一 所以咪唔可以 白鳥<烏野<音驅 咁樣排
第二 唔係唔比佢跑 係利用左日向而家少左直覺多左猶豫 (思考) 有猶豫就做唔到負節奏 冇負節奏烏野既進攻慢慢就會接得到 重點係阻止負節奏唔係後排快攻
第三 博唔到 西谷可以接到牛若大炮強攻 但對d打位置既波就 但佢已經係烏野既守護神 重可以點怪佢

我反而諗緊烏養會唔會夠膽收起日向出雙二傳
比日向冷靜思考係第三局爆