268 Like
15 Dislike
33歲(量地)
2017-01-06 15:47:19
經理話: 「俾班死廢青攪到我地被裁, 最衰佔中攪亂香港, 令到銀行cut人。」
之後又話: 「不過其實都估到有炒人既一日。」
我心諗: 屌, 真正原因係銀行在[外]國借貸收唔到錢, 又要同股東交代。佢個堅·藍絲, 都費事浪費口水解釋,另外你今朝明明仲要我地跑數, 放工的你打倒返工的你?
回想起今早:Mind the door please, 我一如以往地趕乘車,手上拿著很多東西,一個男人突然大叫:「喂!搞乜呀!踩到我啦!」 我不停跟他說: 「對唔住呀對唔住呀唔小心嘅咋。」心諗:真係黑仔啦,無端端一早俾人鬧,返到去公司又有機會比客同經理鬧。
講對唔住是人工包了, 對唔住及唔好意思是我辰經常掛在口邊, 因為我只是一個小小的銀行落盤員又可以稱做股票經紀。
我慣常比公司規定時間早15至20分鐘回到分行,然後開機, 開櫃, 試電話線及錄音系統。因為還有3個月就可以取得公司送出的10年服務金牌, 免得有任何出錯, 亦避免被經理單單打打。在迫滿人的交通工具上,我如常上下高登和Facebook, 突然收到其他分行同事whatsapp, 內容是:
「昨晚收到風, 證券部會有大地震,大家知唔知咩事?」
其實之前蝕錢的分行已經摺得七七八八,所以估計可能只是再精簡一下人手或內部調職。
我係度諗: 反正自己都無話事權, 煮到黎先食啦, 落左車行快2步返公司仲實際。
同事返齊後當然問問佢地知否有大地震, 經理第一時間就回應:
「傳聞既野聽左就算, 唔好自己嚇自己,諗下點call客搵多d生意好過啦, 快手d準備開工做野,唔好咁多口水。」
9點10分, 經理突然嘩一聲, 面色蒼白,手上柸奶茶都倒瀉了,我這十年都從沒聽過她嘩得這麼大聲, 原來她收到公司所發的新聞稿,內容是西亞銀行證券門市要全線關門大吉,全部大裁員!!
我腦好像俾雷打了一下, 一片空白。
然後走馬看花想起了這10年的種種, 一畢業既第一份工就係呢份, 當時是2006年,第一次在金魚缸內的感覺有些特別, 見到同事快速落盤覺得很利害, 之後超多新股上市, 要幫白表客存現貨, 3個月後亦成為別人眼中利害的一員。
接著親戚朋好友開始WHATSAPP我, 話看到新聞, 知道我們公司裁員, 不停重重覆覆問我兩,三個問題:
1 是你有沒有機會留低, 2 是之前有沒有先兆, 3有無肥雞餐。答案當然是不知道, 其實我們員工都是今早才被通知, 做了2年既DEAPARTMENT HEAD美杜莎還用官腔的口致電分行,話明天上去人事部, 詳情到時會知, 其他問題一概不答, 我們亦很無奈。
想深一層,我們這經理真的沒有 「無常備胃仙U」, 一早還認為沒有大地震, 更要推我們跑數的確好笑,
誰知道間西亞銀行更仆街, 明明年頭拍心口話不會裁員, 2個月前全線員工還要上TRAINING, 另外絕大部分分行都是一直賺錢, 點想到會有這件事發生?上得人事部都肯定是全炒吧!
最慘是有些同事要供樓,其中一個的孩子還是剛好2歲, 有人用員工免首期PLAN 上車未夠一年, 亦有付了訂金但未上會的, 但who’s fucking care?
公司信用;企業良知;社會責任其實通通比不上高層的自身利益。
接著客人睇了新聞,開始問為何關門, 亦有客人在櫃位大發老脾。
大佬呀我都係受害者, 你發我老脾把托。 打機十連又唔見出五星, 嗰d五星級麻煩客就十連排隊出現係你面前。
五星客A: 「你地咁仆街既, 話摺就摺,老人家點算?」
我心諗: 唔係我地仆街, 我地小職員係無權決定摺既, 我地邊有話事權。
我解釋:「我地小職員係無權決定摺既, 我地都唔想。」
五星客A: 「西亞正仆街!你地都係。」
我心諗: 點解世上有咁多好似你咁唔明事理既仆街呢。
五星客B: 「我D貨點算? 」
我解釋:「只係關門市, 你D貨無影響。」
五星客B:「咁我D貨點算?」
我再詳細解釋:「只係關門市, 其他服務無影響。」
講完5次後, 五星客B依然話:「我好擔心我D貨!」
我再由頭解釋, 結果重複5次後加上其他客再解釋, 五星客B:「我D貨真係無問題?」
五星客C: 「我唔識打熱線中心, 教到我識為止。」
但佢應該是有失8成聰的... 手口並用再寫字都是不太行。
沙屯入田門
2017-01-06 18:53:36
幾好睇,但書面語同口語夾雜,睇得幾辛苦下
定還是係樓主特登咁做
薛丁格的貓
2017-01-06 19:03:49
明明係西亞
我依然讀左做東亞
33歲(量地)
2017-01-06 23:22:13
33歲(量地)
2017-01-06 23:24:26
五星客D: 「我要轉走D貨,快手D,只有5分鐘時間。」
我一邊填表, 一邊解釋:「你太多貨, 要填3張表, 5分鐘唔得。」
五星客D: 「總之你快燃D手,趕時間。」
五星客E: 「你地部打簿機打唔!」
我解釋:「應該磁帶有問題, 麻煩到銀行櫃面,等同事幫你。」
五星客E: 「咁多人點排, 你咁廢既!」
我解釋:「證券部既電腦打唔到簿,麻煩到銀行櫃面,等同事幫你。」
五星客E: 「抵你被老板炒!」
我心諗:如果我可以用排牙幫到你打簿,我晨早幫左你打,另外就係因為老板CUT人手, 所以你先要排大隊。 你可唔可以有D SENSE?
好唔容易到12點, Lunch 時間立刻報告父母,幸好他們回應: 「都無辦法, 慢慢搵啦。 」
老婆沒有接電話,所以whatsapp佢, 佢後來 回覆:
「吓!!!!
即是你沒有工作?
你點養我?」
我都諗唔到點覆, D三,四星客又出現。
傳聞又話MARKETING個DEPARTMENT HEAD肥龍. 卡隆向高層用左幻魔拳 ILLUSION FIST, 令佢地深信絕大部分客戶唔會用分行服務, 令佢順利用到黃金三角次元 Gold Triangle 將整個部門送走,從而減少開支; 亦有傳言話有十多人可以留低, 總之謠言滿天飛。
星期六晚仲要跟老婆家人提早食父親節飯,但首先要處理今晚返屋企如何跟老婆交代。
戴返個頭盔先
本故事純屬虛構, 如有類同,實屬巧合。
之後打算交代之後1個月如何被打落水狗,被摙住春袋工作,再講下同事d趣事, 散戶常見問題, 落盤苦事,技術分析,基礎分析,另類超準升跌指標,魚缸內望等。
當然我係作者, 當然作到自己好勁, 什麼CFP, CFA, FRM 都1take pass曬。 但如果想考CFA既巴打, 認真建議 Level one, Level Two 都溫 SCHWESER NOTES, 但exercise 就做 textbook ,特別level 2 好似重點有d唔同; Level 3 要寫 essay, 可以上下雞精班, 另外要留意下你份工既上司會唔會幫你寫份工係related, 令你可以chartered。 因為大部分可以chartered既工要你有相關工作經驗先請。
33歲(量地)
2017-01-06 23:53:47
push
沒有波的女人
2017-01-07 00:07:04
33歲(量地)
2017-01-07 00:11:17
33歲(量地)
2017-01-07 09:05:52
push
Ssshittt
2017-01-07 09:33:29
Ballack
2017-01-07 09:52:06
g持
33歲(量地)
2017-01-07 14:46:24
realname
2017-01-07 14:54:45
留名
33歲(量地)
2017-01-07 16:46:14
留名
33歲(量地)
2017-01-07 16:51:33
(2) 被打落水狗之一
好不容易才到了收工時間, 搭了什麼車亦不是太記得。
一出電梯門見到老婆對鞋已經放在門口, 正在猶疑好是否要返大堂想想如何解釋時, 門已開:
老婆: 「做咩一碌木企係度? 你又話份工好穩,所以先唔介意你得19k左右, 而家點算好?
你有D咩打算? 你無專長...」
我: 「可能…. 可能有得留低。」
老婆: 「真係?」
我: 「我有CFA,仲有FRM, 有機!」 心諗: 有機就奇, 現在滅門血案, 我又唔識DEAPARTMENT HEAD美杜莎, 更加同MARKETING個肥龍. 卡隆完全無交情。
老婆: 「新聞話可能有第2波, 留得一時,都留唔到一世。」
我: 「都係。」
老婆: 「我個姊妹話叫左我個時唔好嫁你,餓死老婆瘟臭屋,無專長,一早叫左我唔好嫁, 而家全中。」
我: 「呀….」
老婆: 「佢仲話被裁者d種唔OK, 唔好生小朋友。」
我心諗: 我又唔似OM因為食錯野而被迫RESIGN, 我都唔想嫁…使唔使講到d種唔OK咁L絕呀。 我: 「而家應該係要諗解決辦法。」
老婆: 「咁你有咩解決辦法呀?」
我: 「不如我全職炒股?」
老婆: 「你有無用你個死人腦諗野? 係得你晨早發左啦。 」
我: 「咁我返工要以客為先..」
老婆: 「BAN! Next。 」
我: 「咁實Q,夠穩定,跟SECURITIES差唔多, 讀音又差唔多。」
老婆: 「我從來無諗嫁實Q, 將來朋友GATHERING 點介紹你呀? 」
我心諗: 職業無分貴賤。
我: 「咁做寫故佬。」
老婆: 「你D文筆? 收啦! 又無諗頭。 」
我: 「我會考作文攞..」
老婆: 「你都識講會考,而家無左, 轉左DSE好耐, 記唔記得預科篇[人生的意義],你連飯都就黎無得開,你走去談理想咁不切實際? 」
我: 「人無夢想同條咸魚有咩分別? 」
老婆: 「我比較關心有無咸魚食多D囉。」 我心諗: 你幾時變得咁膚淺?
我: 「係香港有手有腳,做賣電話同電話配件應該有得做。」
老婆: 「你真係搵到先好。」
我: 「開飯先啦,有三文魚,並非咸魚! 」
老婆: 「最怕第時咸魚都無得食。」
我: 「……… 」
晚餐後, 看了報紙就上床睡覺。
腦海突然一閃, 咪住! 你個話我D種唔OK既姊妹,我估到應該就係我們BIG DAY收完開門利事就話唔舒服閃左,但6點你大學男神一出現,佢就閃返出黎同男神狂飲紅酒個條死港女。 你講返我俾我聽,唔通你認同佢被裁者d種係唔OK? 不過我都唔知點開口問你。
真係炒左,咁之後點算? 我都好徬徨無助..
經理早上9點40分同清潔呀姐傾傾下計, 人地都係例排問佢有咩打算, 佢竟然眼紅紅, 喊左出黎。
我企係一角心諗: 頂, 有時間喊不如諗下有無計叫總行留低你, 當然機會好細, 你人工高, 供獻小, 平日錯漏又多,但點都比你叫我地跑數實際好多。
8點45分, 總行向所有分行打一次電話,擔心我們沒有上班, 以小人之心度君子之腹, 雖然公司對我們無情, 但並不代表我地對客人及公司無義, 辛勤工作十年,換來這種對待,傳聞可以選擇即走還是多留一個月,知道他們這樣想我們分行同事, 心諗:好心一早裁走我, 下面首歌好應境: (歡迎幫忙更改)
是否很驚訝 講不出說話 沒錯我是說 快燃D炒我 曾給你馴服到 就像綿羊 何解會反咬你一下 你知嗎 *回頭望 做西亞 從來未曾幸福過 百二分 O過T 沿途為何沒加薪 下半生 係度做 懷疑人工也不多 沒有心 別再拖 好心一早炒鳩我* #肥雞被你對沖左, 一毫字都無出過 出面D工那麼多 為繼續而繼續 沒有好處還是我 若注定有一點苦楚 不如自己親手劈炮# 是否不甘心 首先給撇下 換了你是我 你忍得到嗎 捱得過無限次 被客狂屌 人生太早已看得化 也可怕 REPEAT* 重頭努力也坎坷 統統不要好過 來年歲月那麼多 為繼續而繼續 直接不過承認錯 你間銀行個朵太臭 不如快燃D賣盤 難行就無謂再拖 好心一早裁走我 REPEAT#
戴返個頭盔先
本故事純屬虛構, 如有類同,實屬巧合。
33歲(量地)
2017-01-07 21:05:56
push
33歲(量地)
2017-01-07 21:49:18
push
注定孤獨一生
2017-01-07 22:07:24
留名等聽故
Fast1371
2017-01-07 22:08:34
貓糧好好味
2017-01-07 22:13:22
Lm
蘇格蘭三文魚
2017-01-07 22:15:51
劉明
33歲(量地)
2017-01-07 22:32:13
lm
33歲(量地)
2017-01-07 23:15:03
(3) 被打落水狗之二
銀行一開門D三,四,五星客陸續出現,就算明明知道要面對一群五星客, 所有分行同事都是返齊的, 下午3點開始有同事要上人事部。會有5組人同時會見分行同事。
分行同事會面對一個DEPARPMENT HEAD 加一個人事部同事,我跟MARKETING個DEPARTMENT HEAD肥龍. 卡隆太有緣,竟然抽中要見佢, 一入去,佢當然用好官腔既話講:
「代表西亞多謝你多年努力,因為2016經濟環境太差,因為經濟環境太差解約係沉重既決定,亦係迫於無奈,公司會跟足勞工法例處理,賠償會優於勞工法例。」
我細聲講: 「聖鬥士見過的招式第二次就不會再有效,你招”幻魔拳 ILLUSION FIST”對我係無效既。」
肥龍. 卡隆同人事部: 「吓, 你講咩話?」
我心諗: 咁細聲都聽到?
我回應: 「無野, 請繼續。」
肥龍. 卡隆: 「人事部同事會同你講解遣散詳情。」
人事部同事: 「勞工法例遣散費是3分2月薪乘服務年期,你19K*2/3*9 = 114,000。 這部分會用你的強積金對沖。」
我回應: 「即是係我既強積金扣出黎俾遣散費。」
人事部同事: 「可以咁講,呢個都係法例。」
我心諗: 挑, 又用法例大人, 我尋晚上網查左啦。
強積金對沖又係一個德政, 遣散費目的係俾被裁者一D保障; 而強積金目的係俾退休人士退休時有保障, 兩件事點解會串聯起黎呢?
話說當年政苦強推強迫金,大部分雇主反對,為左可以令雇主收口,唔知邊個天才諗到雇主可以用雇主供款黎俾遣散費, 所以而家D人先嘈話唔可以對沖,變左輸打贏要,雇主肯行強迫金係因為可以對沖,而家話取消,邊個肯。
人事部同事: 「公司非常好,額外跟據年資有以下賠償:
5年至10年會額外多1.5個月月薪;
10年至15年會額外多2.5個月月薪;
15年至20年會額外多3.5個月月薪;
20年至25年會額外多4.5個月月薪;
20年至30年會額外多5.5個月月薪;」
我問: 「我差一個半月就十年, 會唔會當十年咁賠? 」
肥龍. 卡隆回應: 「你都識得話差一個半月先十年,即係未到十年,我地跟足勞工法例,如果唔守法,社會咪亂,而且已經優於勞工法例,唔明你D八十後,成日得一想二, 而家個社會呀..」
我插嘴: 「明,我都係問下。」
我心諗:唔俾我,當自己個月糧俾左乞兒。 你個優於勞工法例真係蝗恩浩蕩。
人事部同事: 「另外如果你由現在到7月7日工作表現滿意,公司再有1.5個月月薪做BONUS。」
我問: 「唔可以即走?」
人事部同事: 「可以,你自己RESIGN,但你要賠一個月俾公司,另外係你RESIGN,所以你唔會有勞工法例既遣散費。」
我好型咁講: 「挑,個19K你係我戶口扣,封信我聽日補返俾你,額外個個半月月薪我當俾乞兒;你地D濕鳩野我會公告天下。」 然後拍枱就走!
現實係:
我問: 「OK,我會留到7月7 日,咁點先算工作表現滿意?公司會出有個個半月糧做BONUS? 」
我認我衰仔,但家有妻室,唔可能同錢作對,特別係唔知幾時先搵到新工。
人事部同事: 「呢度有張LIST, 寫左你JOB DUTY,照返平日咁做就得。」
我睇一睇, 心諗: 大檸樂, 要handle any other duties assigned by supervisors, 被屈機了!
我轉個問法: 「咁點先算工作表現唔意呢? 」
人事部同事: 「例如你沒有合理理由請左,LET say10日假。」
我又問: 「咁病假呢?」
人事部同事: 「有註冊醫生開既醫生證明就可以,但都要合理,無可能普通感冒請足一個月病假。」
我答: 「我都知,反而係你唔知, 我地個CIO海神波塞冬一年多過5日病假要再出EMAIL解釋原因,係一年多過5日呀! 10日要上神殿見佢親自解釋呀!」
人事部同事: 「呢D我唔理,仲有無問題?」
PS: Chief Investment Officer( 海神波塞冬) > Department head(肥龍.卡隆 及美杜莎) ,
> section Head (隆奈狄斯.艾力斯)> Branch Manager> 副經理>落盤員
戴返個頭盔先
本故事純屬虛構, 如有類同,實屬巧合。